အိတ်ဖိုး အပိုကြေးမပေးနိုင်လို့ လေဆိပ်မှာ ၈ ညအိပ်ခဲ့ရတဲ့ အမျိုးသမီး

          တယ်ရီ ၀ိုက်ဆင်ဂါ ဆိုတဲ့ အမျိုးသမီးဟာ အီဒါဟို ဆိုတဲ့မြို့ကလေးမှာ ဘ၀အသစ်စဖို့ဆိုပြီးတော့ လေယဉ်လက်မှတ်တစ်စောင်ရယ်၊ အိတ်၂လုံးရယ်၊ လက်ထဲမှာ ဒေါ်လာ ၃၀ ရယ်နဲ့ ဆန်ဖရန်စစ်စကို လေဆိပ်ကို မျှော်လင့်ချက်အပြည့်နဲ့ သွားခဲ့ပါတယ်။  ဒါပေမယ့် လေဆိပ်ကိုရောက်တော့ US Airway လေယဉ်စီးဖို့ လုပ်တဲ့အချိန်မှာ အိပ်ဖိုး အပိုကြေးငွေ ဒေါ်လာ ၆၀ ထပ်တောင်းပါတယ်။  ၀ိုက်ဆင်ဂါက သူမလွန်ခဲ့တဲ့ ငါးနှစ်တုန်းက လေယဉ်စီးတော့ အိတ်ဖိုးက အပိုငွေပေးစရာမလိုပဲ အခမဲ့ ရတဲ့အကြောင်းပြောပါတယ်။

          သူမက “တစ်ကယ်လို့သာ ငွေ ၃၀ ပဲကောက်မယ်ဆိုရင် ဒီလေယာဉ်ခရီးစဉ်ကို စီးဖြစ်မှာပါ၊ ဒါပေမယ့် အိတ်တစ်လုံးကို ၂၅ နဲ့ နောက်အိတ်တစ်လုံးကို ငွေ ၃၅ ဒေါ်လာတောင်းတာပါ” လို့ ဆန်ဖရန်စစ်စကိုက ရုပ်သံလိုင်း KGO TV ကိုပြောသွားပါတယ်။  သူမက လေကြောင်းလိုင်းကို သူမမှာ ပိုက်ဆံမရှိတဲ့အကြောင်း ဒါကြောင့် အီဒါဟိုရောက်တော့မှ ပိုက်ဆံပြန်ပေးပါရစေလို့ပြောပေမယ့် လေကြောင်းလိုင်းရဲ့ ငြင်းပယ်မှု့ကိုသာ ခံခဲ့ရပါတယ်။  ဒါနဲ့ သူမရဲ့ အိတ်တစ်လုံးကို ချန်ထားပြီး ကျန်တဲ့ အိတ်ကလေးကိုပဲ သယ်သွားပါရစေလို့ တောင်းပန်ပြန်တော့လည်း လေကြောင်းလိုင်းက ဒါဟာ လုံခြုံရေး ဥပဒေနဲ့ ငြိစွန်းလို့ လက်မခံပါဘူး။

          ၀ိုင်စင်ဂါဟာ သူမဆီမှာ ရှိတဲ့ ဆက်လို့ရသမျှ ဖုန်းနံပါတ်တွေကို ခေါ်ပြီး အကူအညီတောင်းပေမယ့် နောက်ဆုံးမှာတော့ လေယာဉ်ခရီးစဉ် လွတ်သွားပါတယ်။  ဘာလုပ်ရမှန်းမသိတဲ့ ၀ိုင်ဆင်ဂါဟာ လှေခါးထစ်ကလေးမှာ အိပ်ဖို့ဆုံးဖြတ်လိုက်ပါသတဲ့။  နောက်ဆုံး ဆေးခန်းမရောက်ခင်အချိန်အထိ ၀ိုင်ဆင်ဂါဟာ နေ့တွေ ညတွေကို ဒီလိုပဲ ဖြတ်သန်းခဲ့ရပါတယ်။  သူမက ရဲ့တွေကို ကူညီဖို့ ပြောဆိုခဲ့ပေမယ့် သူ့ရဲ့ အလုပ်လက်မဲ့ အခြေအနေကြောင့် အဖမ်းခံရလုနီးနီးအခြေအနေကို ရောက်ခဲ့ပါတယ်လို့ ဆိုပါတယ်။

          သူမရဲ့ ဆိုးဝါးလှတဲ့ ဒီလို ရက်ပေါင်း ၈ ရက်အလွန် နောက်ဆုံးမှာတော့ လေဆိပ်က ဘုရားရှိခိုးကျောင်းတစ်ခုက အသင်းဝင်တွေရဲ့ ကူညီမှု့ကြောင့် လေယာဉ်စီးခွင့် ရခဲ့ပါတယ်။  US Airways က ပြောရေးဆိုခွင့်ရှိသူကတော့ “ကျွန်တော်တို့ ၀ိုင်စင်ဂါရဲ့ အဖြစ်အပျက်အတွက် တောင်းပန်ပါတယ် ဒါပေမယ့် သူမအတွက် ကျွန်တော်တို့ဟာ ငွေပြန်ပေးလို့မရတာပါ။  သင်ဟာတစ်ကယ်လို့ ငွေပြန်မအမ်းတဲ့ လေယာဉ်လက်မှတ်ကိုမယ်ဆိုရင် အဲ့ဒီက လိုက်နာရမယ့်အချက်တွေကို သဘောတူပြီးမှ ၀ယ်လို့ရတာပါ။  တစ်ကယ်လို့သာ ခရီးသည်တစ်ယောက်ဟာ သူ့ရဲ့အိတ်တွေနဲ့အတူ ခရီးတစ်ပါထည်းမသွားနိုင်ဘူးဆိုရင်တော့ တစ်ခြားတစ်မျိုးမျိုးကို စီစဉ်ရမှာပါ” လို့ပြောသွားပါတယ်။

          ဗြိတိန်သတင်းစာ Telegraph ရဲ့ ခရီးသွား စစ်တမ်းတွေအရ လေကြောင်းလိုင်းတွေဟာ ဒီနှစ် အပိုဝင်ငွေအားလုံးရဲ့ ၄၄%နှုန်းကို လေယာဉ်ပေါ်မှာကျွေးတဲ့ အစားအစာ၊ ပစ္စည်းအပိုသယ်ဆောင်ခ၊ ကားငှားပေးတဲ့ ၀န်ဆောင်မှု့ စတာတွေကနေပြီးတော့ ရမယ်လို့ မျှော်လင့်ပါတယ်တဲ့။

          သြော်… ဘယ်လောက်တိုးတက်ပါတယ်ပြောပြော၊ စနစ်ကြီး ဘယ်လိုကောင်းပါတယ်ပြောပြော ၁၀၀%နှုန်း ပြည့်စုံတယ်တော့ မဟုတ်သေးပါဘူးလေ။ ယိုပေါက် စိမ့်ပေါက်ကလေးတွေတော့ ရှိတတ်တာပေ့ါ။  သူတို့ဆီမှာလည်း မွဲတဲ့လူရှိတာပဲ။  သူတို့ဆီမှာမွဲရင် ကိုယ်တွေဆီမှာထက်ပိုဆိုးမယ်ထင်ပါ့။