စုံစီနဖာများကို ရေးချင်ရာလျှောက်ရေး၊ တင်ချင်ရာလျှောက်တင်နေသော ကျွန်တော့်၏ ကြွက်သိုက်ဂေဟာသို့ တကူးတက ကြွရောက်လာကြသော ဘလော့ဂ်ဂါကြီးများ၊ ဧည့်သည်တော်ကြီးများကို ကျွန်တော် အားနာစွာဖြင့်ပင် ကျေးဇူးအထူး တင်ရှိပါသည်။

Tuesday, May 10, 2016

ကျားတို့သည် အင်္ဂါဂြိုလ်မှလာပြီး မ တို့သည် သောကြာ ဂြိုလ်မှလာကြသည်

            Phoenix တက္ကသိုလ်က အင်္ဂလိပ်စာ ပါမောက္ခတစ်ယောက်ဟာ သူ့အတန်းသားတွေကို အိမ်စာတစ်ပုဒ်ပေးပါတယ်။  ဒီအထဲမှာ ထူးခြားတဲ့အချက်က ဒီအိမ်စာကို ၂ ယောက်တစ်တွဲလုပ်ရမှာ ဖြစ်ပြီး စကားရည်လုပွဲပုံစံမျိုး တစ်ဖက်ကို တစ်ပိုဒ် e-mail နဲ့ ပို့ရမှာဖြစ်ပါတယ်။  e-mail  ပို့တဲ့အခါမှာ အဆိုပါနှစ်ယောက် အချင်းချင်း အီးမေးပို့ရမယ့် အပြင် ပါမောက္ခကို cc ခံပြီး ပေးပို့ရမှာဖြစ်ပါတယ်။ 
            နှစ်ယောက်ထဲက တစ်ယောက်က မိမိကြိုက်နှစ်သက်ရာ အကြောင်းအရာတစ်ခုကို စာပိုဒ်တစ်ပိုဒ်အနေနဲ့ရေးပြီးတော့ တစ်ခြားတစ်ယောက်ဆီကို အီးမေးလ်နဲ့ပို့ပါ။  ကျန်တဲ့တစ်ယောက်က အဲ့ဒီစာပိုဒ်ကို ဖတ်ပြီးရင် တစ်ခြားစာပိုဒ်တစ်ပိုဒ်ရေးပြီး အီးမေးလ်နဲ့ ပြန်ပို့ပါ။  ပထမတစ်ယောက်က ဖတ်ပြီး နောက်ထပ်တစ်ပိုဒ်ထပ်ရေး ပြန်ပို့။ ဒီလိုမျိုး အပြန်အလှန်ပို့ရမယ်။  ဒါပေမယ့် ပြန်ပို့တိုင်းမှာ ရေးခဲ့ပြီးတာတွေကို ပြန်ဖတ်ပြီး ကွင်းဆက်မပြတ်အောင်၊ ဇာတ်လမ်းပြတ်မသွားအောင် ရေးရမယ်။  ဒီလိုပို့နေတဲ့အချိန်အတွင်းမှာ အပြင်မှာ လုံးဝ စကားမပြောရဘူး။  ပြောချင်တာတွေအားလုံးကို အီးမေးလ်ထဲမှာပဲ ရေး။  နှစ်ဖက်စလုံးက ဆုံးဖြတ်ချက်ချနိုင်လောက်တဲ့အချိန်မှာ ဇာတ်လမ်း အဆုံးသတ်မယ်။ 
            ဒီလိုနဲ့ အတန်းသားတွေထဲက ရေဗက်ကာ ဆိုတဲ့ ကောင်းမလေးနဲ့ ဂရေးဆိုတဲ့ ကောင်လေးနှစ်ယောက် တစ်တွဲကျပါတယ်။

ဇာတ်လမ်းအစကတော့ ဒီလိုပါ

ရေဗက်ကာရဲ့ ပထမ အပိုဒ် : အရင်ဆုံးပေါ့… လော်ရီတစ်ယောက် ဘယ်လို လက်ဖက်ရည်မျိုးသောက်ရမလဲဆိုတာကို ဝေခွဲလို့ကို မရနိုင်ဖြစ်နေပါတယ်။  သူမရဲ့ ပျင်းရိငြီးငွေ့ဖို့ကောင်းလှတဲ့ ဒီလိုမျိုး ညနေခင်းမျိုး အိမ်ထဲမှာ chamomile (ဒေစီပန်းလိုမျိုး ပန်းပွင့်အရွက်ကလေးများနှင့် ဖော်စပ်ထားသော လက်ဖက်ရည်) လက်ဖက်ရည်ကို သူမအကြိုက်တတ်ဆုံးပဲ။ ဒါပေမယ် ခုတော့ ပျော်ရွင်တဲ့အချိန်တွေမှာ chamomile လက်ဖက်ရည်ကို သောက်လေ့ရှိတဲ့ ကားလ်ဆိုတဲ့ကောင်လေးကို အကြောင်းကို ပြန်ပြောင်းသတိရနေမိပြန်ပြီ။  ဘာတွေဘယ်လိုပဲ တိုက်ဆိုင်တိုက်ဆိုင်လေ… သူမကတော့ ကားလ်အကြောင်းကိုပဲ သတိရနေတာ။  ကားလ်ကတော့ သူမအတွက် အသက်ရှုမှားလောက်စရာ … အို သူနဲ့တွေ့တိုင်း သူမ ရင်ကျပ်ပန်းနာ ဖြစ်သလိုမျိုး အသက်ရှု့ဖို့ မေ့မေ့သွားတယ်လေ။ ဒီအတွက် ထွေထွေထူးထူး မေးခွန်းထုတ်မနေတော့ပါဘူး.. ဟုတ်တယ်… chamomile လက်ဖက်ရည်ပဲ။

Sunday, April 3, 2016

Dubai Mall

            ဒူဘိုင်းကို ဆိုင်းမဆင့် ဘုံမဆင့် ရောက်သွားခြင်းဖြစ်သည်။  သူငယ်ချင်းက စင်ကာပူမှာ အရေးကြီးကိစ္စရှိလို့ ခရီးမထွက်နိုင်သောကြောင့် သူ့အစား သူ့သင်္ဘောကို သွားကြည့်ပေးခြင်းဖြစ်သည်။  သူကတော့ ဟိုရောက်ရင် သင်္ဘော ပြင်စရာ ဆင်စရာတွေအားလုံးအတွက် အဆင့်သင့်လုပ်ပေးထားသည်။  ကျွန်တော်ကတော့ လူလုံး သွားပြရန်ဖြစ်သည်။  သင်္ဘောပြင်ရန် ၃၆ နာရီ အချိန်ရသည်။

  လိုလိုမယ်မယ် နောက်ထပ် ၃၆ နာရီ ဆောင်းလိုက်သည်။  အားလုံး  ၃ ရက်စာ၊  သို့သော် ၁ ရက်ခွဲနှင့် အလုပ်ပြီးသွားသည်။  ထို့ကြောင့် ကျန်သော ၁ ရက်ခွဲကို ဘာလုပ်ရင်ကောင်းမလည်း စဉ်းစားသည်။  နံပါ
တ်တစ် လုပ်ရန်မှာ ရုံးကို စာရွက်စာတမ်းတွေ ပို့ရန်ဖြစ်သည်။  ထိုအရာကို နောက်ဆုံးသို့ ရွှေ့လိုက်သည်။

Sunday, February 14, 2016

ကော်ဖီဆိုင်


        ကျွန်တော်ငယ်ငယ်တုန်းကတော့ အိမ်က လက်ဖက်ရည်ဆိုင်ဆို အိမ်က တယ်ပြီး သိပ်လွှတ်ချင်လှတာ မဟုတ်ဘူးရယ်။  လူပေါင်းစုံတယ်၊ အရည်မရ အဖတ်မရပြောတယ် ဘာရယ်နဲ့။  ဒါပေမယ့် ခုံပုပုလေးတွေမှာ လက်ဖက်ရည်သောက်ရရင် ဘယ်လောက်ကောင်းလိမ့်မလဲလို့ တွေးမိတာတော့ အရှိသား။  ကျွန်တော်နှင့် မ-၁၆ ပိုစ့် ထဲကလိုမျိုး ငယ်ငယ်တုန်းကတော့ လက်ဖက်ရည်ဆိုင်ဆိုရင် ထိုင်ကြည့်ဖို့နေနေသာသာ ငေးကြည့်ပြီး တစ်ခြားသူငယ်ချင်းတွေနဲ့ နောက်လိုက်ပြောင်လိုက် ဆော့လိုက်နဲ့ ဒီလိုပဲ ကြီးခဲ့ရတာပဲ။  နောက်ပိုင်း လက်ဖက်ရည်ဆိုင် ထိုင်လို့ရတဲ့ အရွယ်ရောက်တော့မှ အိမ်က အတန်အသင့် လက်ဖက်ရည်ဆိုင်ပေးထိုင်သကိုး။  အထက်တန်းလောက်ပိုင်းကျတော့ အချိန်အကန့်အသတ်နဲ့ လက်ဖက်ရည်ဆိုင်ထိုင်လို့ရတယ်။  တက္ကသိုလ်ရောက်လာတော့ ကိုယ့်စိတ်ကြိုက်ပေါ့။  ဒါပေမယ့် အသက်အရွယ်ရလာတာနဲ့ အမျှ လက်ဖက်ရည်ဆိုင်ထိုင်ရတဲ့ အရသာလေးတွေ ကွဲကွဲလာတယ်။
          ငယ်ငယ်တုန်းကတော့ လက်ဖက်ရည်ဆိုင်ထိုင်လိုက်ရင် ကျောင်းစာအကြောင်းပြောဖြစ်တာက မရှိသလောက်ရယ်၊  ဂိမ်းအကြောင်း၊ ကောင်မလေးတွေအကြောင်း ဒါမျိုးတွေပဲများတယ်။  တက္ကသိုလ်ပိုင်းရောက်လာတော့ အဲ…. ကောင်မလေးတွေအကြောင်းကတော့ ပါမြဲပါတာပဲ၊ သို့ပေမယ့် ဘောလုံးပွဲအကြောင်းလဲပါရဲ့၊ စာပေအကြောင်းလေးတွေ နဲနဲပါလာပြီ၊ လှည်းတန်းက စာရေးစရာတွေ ထိုင်တဲ့ လက်ဖက်ရည်ဆိုင်ကဖြင့် ဘယ်လို၊ လေထန်ကုန်းကဖြင့် ဘယ်လို စသည်အားဖြင့်တွေ ပါလာသလို၊ နိုင်ငံရေးအကြောင့် ပြောတဲ့ ၀ိုင်းမျိုးလဲ တွေ့ဖူးရဲ့။  လက်ဖက်ရည်ဆိုင်ပိတ်ချိန်ရောက်လို့ စကားစ မပြတ်တာနဲ့ အလင်းဆိုင်မှာလည်း မိုးလင်းဖူးရဲ့။ ဘာသာရေးနွှယ်တာလေးတွေလည်း တွေ့ဖူးရဲ့။  သို့ပေမယ့် လက်ဖက်ရည်ဆိုင်ရဲ့ အရသာဆိုတာက လက်ဖက်ရည်ကောင်းတာလည်းပါမယ်၊ ထိုင်တဲ့ ပတ်ဝန်းကျင်လည်း အရေးကြီးတယ်။  ဒီပတ်ဝန်းကျင်ဟာ ကိုယ်နဲ့လည်း သဟဇာတဖြစ်တဲ့ ပတ်ဝန်းကျင်မျိုး၊ ကိုယ်နဲက ပြောနေကျဆိုနေကျ လူမျိုးတွေနဲ့ တွေ့ရင် လက်ဖက်ရည်ဆိုင်ထိုင်ရတာ တော်တော်လေး အဆင်ပြေတယ်။  ပတ်ဝန်းကျင်ဆိုလို့ ကျွန်တော့်မိန်းမကို ပိုးတုန်းကတောင် လက်ဖက်ရည်ဆိုင်ကနေ ပိုးခဲ့တာ။ သူ့အိမ်ရှေ့မှာက ဟိုဘက်အိမ်က ဖွင့်ထားတဲ့ လက်ဖက်ရည်ဆိုင်လေ။  အဲ့ဒီကို သွားသွားပြီးတော့ ငုတ်တုတ်ထိုင်ခဲ့တာ မှတ်မိသေးတယ်။  သူ ကျောင်းပိတ်၊ ကျွန်တော် ကျောင်းပိတ်လို့ ပြန်လာတဲ့ ရက်ဆိုရင် အဲ့ဒီ လက်ဖက်ရည်ဆိုင်သွားပြီး သူ့အခန်း တံခါးပေါက်က မြင်ရလောက်တဲ့ နေရာ ခုံကလေးကို ရွေးပြီးတော့ တစ်ယောက်ထဲ လက်ဖက်ရည်တစ်ခွက်နဲ့ ငုတ်တုတ်ထိုင်ခဲ့တာ။  သို့ပေတည့် ပါလာတဲ့ စာအုပ်က စိတ်ဝင်စားဖို့ ကောင်းရင် အဲ့ဒီစာအုပ်ဖတ်ရင်းနဲ့ အချိန်က ဘယ်လို ကုန်လို့ ကုန်သွားမှန်းတောင်မသိတော့ တစ်ခါတစ်လေ သူ့ကို မတွေ့ရတဲ့ ရက်တွေလည်း ရှိရဲ့။  သို့ပေတည့် ယောက်ခမလောင်းများကတော့ ကျွန်တော့်ဆို အမြင်ကပ်မကပ်တော့မသိ အတော့်ကို မှတ်မိလောက်သော မျက်နှာရှိတဲ့ အခြေအနေကို ရောက်သွားပါတယ်။  မည်သို့ပင်ဖြစ်စေ ခုတော့ အဲ့ဒီ လက်ဖက်ရည်ဆိုင်က ပိတ်သွားပါပြီ။

Friday, February 12, 2016

နန်တုန် လန်စန်းတောင်

         ဘာလိုလိုနဲ့ တရုတ်နှစ်သစ်ကူးသည် ပြီးသွားပြီ။  ဒီတစ်ခေါက်နှစ်ကူးရက် စင်ကျားပေါမှာ ရှိသည်။  ဆိုင်တွေပိတ်သည်။  ထို့ကြောင့် အိမ်မှာ ချက်စားဖြစ်သည်။  စီးတီးဟောမှာ ကဒက်ချဉ်နှင့် တမာချဉ်ဝယ်ထားသည်၊ ငါးပိတစ်ဘူးရှိသည်၊ အိမ်မှာ ကြက်ဥတွေရှိသည်။  ကြက်ဥကို မကျီးသီးလေးထည့်ပြီးတော့ အာလူးနှင့် ချက်သည်။  ငါးပိ တို့စရာနှင့် ၂ ရက်လောက်တော့ အဆင်ပြေသည်။ နှစ်ကူးပိတ်ရက်တော့ ဘာမှ ထွေထွေထူးထူးမလုပ်ဖြစ်။  မြန်မာကားကို ဖွင့်ထားပြီး အသံနားထောင်သည်။  ဟာသကားဖြစ်ပုံရသည်။ ဘောလုံးနှစ်ခေါက်ကန်ဖြစ်သည်။  ဖုန်း၊ ကင်မရာတွေထဲက ပုံတွေကိုထုတ်ပြီး Hard Disk ထဲပြောင်းထည့်သည်။ အဲ… ပုံတွေကြည့်ရင်း မနှစ်က နန်တုန် လန်စန်းတောင်သွားတုန်းက ရိုက်ဖြစ်သည့် ပုံလေးတွေ တွေ့သည်။ 
            နန်တုန်လို မြေပြန့်မှာ မယ်မယ်ရရ တက်စရာတောင်ဆိုလို့ လန်စန်းတောင် တစ်တောင်သာရှိသည်။  မြတ်စွာဘုရား၏ ၃၈ဖြာ မင်္ဂလာတရားတော်ထဲမှာ ပတိရူပဒေသာဝါသောစ ဆိုပြီး သင့်တင့်လျှောက်ပတ်သော ဒေသတွင် နေထိုင်ရခြင်း သည် မင်္ဂလာတရားတစ်ခုဖြစ်သည်ကို သေသေချာချာကြီး သဘောပေါက်သွားသည်။ နန်တုန်ဒေသတွင် ဘုရားဖူးရန်မှာ အတော့်ကို ခက်ခဲချေ၏။ ကိုးကွယ်ဆည်းကပ်ဖို့ရာ သံဃာတော်မြတ်များကိုလည်း လွန်စွာမှ တွေ့ရန် ခက်ခဲချေ၏။  ထို့ကြောင့် တစ်ခါတစ်ရံ လန်စန်းတောင်သို့သွားပြီး ဘုရားဖူးသည်။  သံဃာတစ်ချို့ကို လန်စန်းတောင်မှာ Part Time တွေ့ရသည်။  ညနေ ၅ နာရီလောက်ဆို လူဝတ်လဲပြီး အိမ်ပြန်လေသတည်း။  ရံဖန်ရံခါ ဆုတောင်းပွဲတွေဘာတွေဆိုလျှင် လာပြီး ဆုတောင်းပေးတတ်သည်။  မနှစ် သင်္ဘောရေချတော့ သင်္ဘောကျင်းမှ လန်စန်းမှ သံဃာတစ်ချို့ပင့်ပြီး ဆုတောင်းပွဲလုပ်သေးသည်။
            ဆောင်းဦးသည် သာယာလှပေစွတကား… မြက်ခင်းစိမ်းစိမ်းနှင့် ပန်းတို့ဝေနေကြပြီဖြစ်သည်။  ထိုအချိန်မျိုးတွင် လန်စန်းတောင်သည် အတော့်ကို သာယာလေသည်။

Tuesday, February 2, 2016

အဟမ်း… အဟမ်း

                 ဘလော့ မဂင်းဖြစ်သည်မှာ ကြာလေပြီ။  အဘယ့်ကြောင့်ဆိုသော မဂင်းဖြစ်သောကြောင့်ဖြစ်သည်။  မဂင်းရသည်မှာ အချိန်မရခြင်းသည် တစ်ကြောင်း၊ အလုပ်ရှုပ်ခြင်းသည် တစ်ကြောင်း၊  ရသောအချိန်တွင် ဂိမ်းဆော့ခြင်းသည် တစ်ကြောင်း၊ ဘလော့ဂင်းဖို့ စိတ်အားထက်သန်မှု့ မရှိခြင်းသည် တစ်ကြောင်း အစရှိသော ဆင်ခြေများကြောင့် ဖြစ်သည်။  ထိုအခါ ကျွန်တော့် ဘလော့မှာ ဘလော့ အသေကြီးဖြစ်သွားလေသတည်း။ 
                  နောက်တစ်ခုမှာ ၀င်းဒိုးမှ ပန်းသီးကို ပြောင်းလိုက်လေသော် မက်ဘုတ်၏ မြန်မာကီးဘုတ်မှာ ဟထိုးတွေ ယပင်းတွေ ယရစ်တွေမှာ တစ်ခုစီပိုပိုပြီး ပါနေပြန်သည်။  ထိုအရာသည် စာရိုက်ရာတွင် အတော့်ကို စိတ်မသက်မသာ ဖြစ်စေသည်။  စိတ်ရှည်သော အချိန်မှာ အပိုတွေကို တစ်ခုချင်းစီ လိုက်ရှာပြီး ပြန်ပြန်ဖျက်ဖြစ်သော်လည်း ကြာလေသော် စာရေးခြင်းအမှု့ထက် ကွန်ပျူတာကို လက်နှင့် ထုခြင်းအမှုကို ပိုမိုပြုမိချင်သလိုဖြစ်လာသည်။ အခု ရုံးမှ အလုပ်လုပ်ရန်ပေးထားသော လက်ပဒေါကို ဘလော့ဂင်းရန် မြန်မာဖောင့်ရော ကီးဘုတ်ပါ သွင်းလိုက်ပြီဖြစ်သည်။ ထို့ကြောင့် ရုံးချိန်တွင် ဘလော့ဂ်ဂင်းပြီး အိမ်ပြန်ချိန်မှာ ဂိမ်းဆော့ရန် အခွင့်ကောင်းများ ရရှိပြီဖြစ်သည်။  အလုပ်ကိုမူကား အိပ်ချိန်တွင် အိပ်မက်ထဲတွင် လုပ်ရန် လျှာထားသည်။  သို့သော် အိပ်မက်ထဲတွင် မအားလျှင် နောက်နေ့မှ ထပ်မက်ရန် အစီအစဉ်ရှိသည်။ 
                  အရင်က သင်္ဘောအသစ်ဆောက်သည်၊  အခု သင်္ဘောအဟောင်းပြင်သည်။  လက်ရှိ သင်္ဘောလောက စီးပွားရေးကျနေသည်။  ရေနံတွေကို နိုင်ငံပေါင်းစုံမှ လှိမ့်ထုတ်ပြီး၊ စက်ရုံအလုပ်ရုံတွေက ကုန်အောင် မဖြုန်းနိုင်ပေ။  ရေနံဈေးကျနေသမျှကာလပတ်လုံး ကမ်းလွန်ရေနံ အသစ်များဆောက်သည်ကို ဆိုင်းထားဦးမည်။  ကမ္ဘာ့အရေးကို ကျွန်တော်သည် ထိုမျှလောက် စိတ်ဝင်စားသည်မဟုတ်။  သို့သော် ထိုအခြေအနေက ကျွန်တော့်ကို ၂ မျိုးဖြစ်ရန် တွန်းအားပေးသည်။  တစ်မျိုးမှာ အလုပ်ပြုတ်ခြင်းဖြစ်သည်။  ထိုသို့မဟုတ်ပါက ယခုကဲ့သို့ ရုံးတွင် အလုပ်မရှိ အကိုင်မရှိ ဒီအတိုင်းထိုင်ပြီး ဘလော့ဂင်းရန် အခြေအနေပေးသည်။  ကံကောင်းစွာဖြင့် အလုပ်မပြုတ်ဘဲ ဘလော့ဂင်းရသည်။  တွတ်ပီ အနည်းငယ် ကံကောင်းသွားသည်။  မဟုတ်လျှင် အလုပ်ပြုတ်ပြီ ဖြစ်သည်။  ရေနံဈေးကျခြင်းကို ကျေးဇူးအများကြီးတင်သည်။  သို့သော် ဓာတ်ဆီနှင့် ဒီဇယ်ဈေးမှာ ပိုနေမြဲ ကျားနေမြဲဖြစ်သည်။  ထို့ကြောင့် ကားစီးရန်ထက် ဘက်စ်ကားနှင့် ရထားစီးခြင်းသည် ပိုက်ပိုက်ကို အိပ်ထောင်ထဲမှာ ပိုပြီး ခပ်ကြာကြာရှိစေသည်။  သို့သော် နိုင်ငံပေါင်းစုံက စီးကရက်၊ အရက်နှင့် ဘီယာများကို လှိမ့်ကန် ထုတ်နေသော်လည်း ဈေးမကျခြေ။  သောက်သုံးသူတွေက ထုတ်သလောက်ကို နိုင်အောင် သောက်နိုင်သည့် သဘောမှာ ရှိသည်ဟု ယူဆသည်။  ထိုအခြေအနေကို ထိုအတိုင်း ရှိစေရန် ကျွန်တော်တက်နိုင်သလောက် ကူညီမည်ဟု ဆုံးဖြတ်ထားသည်။

Monday, March 23, 2015

လီကွမ်ယူး (သို့) စင်ကာပူ၏ ပဲ့ကိုင်ရှင်

မလေးရှားမှခွဲထွက် တံငါရွာဖြစ်ခဲ့တဲ့ စင်ကာပူကျွန်းလေးကို ကမ္ဘာ့အဆင့်မီ နိုင်ငံတစ်ခုဖြစ်အောင် ပုံသွင်းယူ၊ တည်ဆောက်ပေးခဲ့တဲ့ စင်ကာပူနိုင်ငံရဲ့ ဗိသုကာ လီကွမ်ယူးကတော့ ဒီနေ့ (၂၃ရက် မတ်လ ၂၀၁၅ ခုနှစ် တနင်္လာနေ့ မနက် ၃နာရီ ၁၈ မိနစ်)  စင်ကာပူ အထွေထွေဆေးရုံကြီးမှာ ကွယ်လွန်သွားခဲ့ပါပြီ။  သူကွယ်လွန်ခဲ့ချိန်မှာတော့ အသက် ၉၁ နှစ်ရှိပြီဖြစ်ပါတယ်။  လီကွမ်ယူးရဲ့ စကားစုလေးတွေကို အမှတ်တရအနေနဲ့ ဖော်ပြပေးလိုက်ပါတယ်။

၁၉၄၂ ဂျပန်တို့ စင်ကာပူကျွန်းက ဗြိသျှတို့ကို တိုက်ခိုက်သိမ်းပိုက်ချိန်
          “အမှောင်ခေတ်ကြီးကတော့ ကျွန်တော်တို့ဆီကို ဆင်းသက်ကျရောက်လာခဲ့ပါပြီ။  အရမ်းကို ကြမ်းကျုတ်၊ စက်ဆုပ်၊ ရွံရှာဖွယ်ကောင်းလှပါတယ်။  အဲ့ဒီ ၃နှစ်ခွဲဆိုတဲ့ အချိန်ကို ပြန်ကြည့်လိုက်ရင် ကျွန်တော့်ဘ၀အတွက်တော့ ကြီးမားတဲ့ နိုင်ငံရေး သင်ခန်းစာတစ်ခုကို ရရှိလိုက်တာပါဘဲ။  ကျနော်ဟာ အာဏာ ရဲ့ အဓိပ္ပာယ်၊ အာဏာဆိုတာဘာကြီးလဲ၊ အစိုးရနဲ့ နိုင်ငံရေးသမားတွေ အဲ့ဒီ အာဏာဆိုတဲ့အရာကြီးနောက်ကို ဘယ်လိုလိုက်ကြတယ်ဆိုတာကို တွေ့ရှိခဲ့လို့ပါပဲ။  နောက်ပြီးတော့ လူတွေဟာ အဲ့ဒီအာဏာဆိုတဲ့အရာကြီးရဲ့ ထောင်ချောက်ပိတ်မိနေတဲ့အချိန်မှာ သူတို့ အသက်ရှင်ဖို့အတွက် ဘယ်လိုမျိုးတုံ့ပြန် ကြတယ်ဆိုတာကိုလည်း နားလည်ခဲ့ပါတယ်။  တစ်ချိန်က အရှင်သခင်လို ခစားခဲ့ရတဲ့၊ ဖြိုချလို့မရနိုင်ဘူးလို့ ထင်ခဲ့တဲ့ ဗြိသျှတွေ ဒီကျွန်းမှာ။ ဟော နောက်နေ့ ကျနော်တို့ဟာ မျက်ပေါက်ကျဉ်းကျဉ်းနဲ့ ဂျပန်ငပုတွေရဲ့ အညှင်းဆဲ၊ အနိုင်ကျင့်မှု့တွေကို ခဲ့ကြရပါပကော”

ဒုတိယ ကမ္ဘာစစ်အပြီး ဗြိသျှတို့ စင်ကာပူကို ပြန်လည် သိမ်းပိုက်ဖို့ ကြိုးစားချိန်
          “အိုဟောင်းနေတဲ့ ယန္တယားကြီးကတော့ လွန်သွားပြီ… အရင်ခေတ်ကလိုမျိုး ဗြိသျှတွေကို ဦးနှိမ်၊ နာခံ၊ လေးစားခဲ့ အကျင့်လည်း လွန်ခဲ့ပြီ။  ဘာဖြစ်လို့လဲဆိုတော့ ဂျပန်တွေဝင်လာတုန်းက ဗြိသျှတွေ ဘယ်လို အထုပ်ပြင်ပြီး ထွက်ပြေးခဲ့တယ်ဆိုတာကို မျက်ဝါးထင်ထင်မြင်ခဲ့လို့ပါပဲ။
          ဗြိသျှတွေဟာ ဂျပန်တွေ ဗုံးမိုးရွာချတော့ ကျနော်တို့၊  စင်ကာပူကျွန်းမှာနေထိုင်တဲ့ လူတွေ ကြောက်ရွံထိတ်လန့် စိုးရိမ်တာထက်ပိုပြီးတော့ကို ကြောက်ရွံထိတ်လန့် ခဲ့ကြတာလေ”

Wednesday, July 23, 2014

ခမ်းနားသော ဖွင့်ပွဲ


         [ဒီဝတ္တုတိုလေးကို ဆရာ မြင့်သန်းဘာသာပြန်ထားပြီးတော့ မူရင်းကတော့ တရုတ်စာရေးဆရာ လောဝ်ရှု ရေးသားထားတာဖြစ်ပါတယ်။  သူ့ခေတ်၊သူ့အခါက လူ့အဖွဲ့အစည်းမှာ ဖြစ်ပျက်နေတာကို သရော်ပြီးရေးထားတဲ့ ၀တ္တုတိုလေးဖြစ်ပါတယ်။]

ဝါန်း­­­­ရယ်၊ ချူရယ်၊ ကျွန်တော်ရယ် စပ်ပြီး ဆေးရုံတစ်ခု ဖွင့်ကြတယ်။  ၀ါန်းရဲ့ မိန်းမက သူနာပြုဆရာမချုပ်ဖြစ်လာမယ်။  အလျင်ကတော့ ရိုးရိုးသူနာပြုဆရာမပဲ။  ယောက်ျားရတော့ ဆရာဝန်ကတော်ရယ်လို့ အဆင့်တက်သွားရာက အခု သူနာပြုဆရာမချုပ်ဖြစ်လာမှာ။  ချူရဲ့ ယောက္ခမအထီးကြီးကတော့ လုပ်ငန်းပိုင်းဆိုင်ရာ မန်နေဂျာနဲ့ စာရင်းကိုင်အဖြစ် တာဝန်ယူမယ်။  ဒီိကိစ္စ အားလုံးအတွက် ၀ါန်းနဲ့ ကျွန်တော် ညှိပြီးပြီ။  တကယ်လို့များ ချူရဲ့ ယောက္ခမကြီး စာရင်းလိမ်တာတို့၊  အလွဲသုံးစားလုပ်တာတို့များ လုပ်လာခဲ့ရင် ၀ါန်းနဲ့ ကျွန်တော်က အဘိုးကြီးရဲ့ သမက်ကို ပညာပေးရုံပဲ။  အပြတ်ကိုင်ရုံပဲ။  ဒီတော့ ချူက သူ့ယောက္ခမကြီး အတွက် အာမခံတင်ထားရတာမျိုး။  ၀ါန်းနဲ့ ကျွန်တော်က ဒီကိစ္စမှာ အမာခံတွေ။  ဆေးရုံဖွင့်ကြမယ်ဆိုတဲ့ အကြံကိုက ကျွန်တော်တို့နှစ်ယောက်ရဲ့ အကြံ။  ကျွန်တော်တို့ခေါ်လို့ ချူက နောက်မှ ပါလာတာ။  သူ့ကိုတော့ မျက်စိဒေါက်ထောက် ကြည့်ရမှာပဲ။

         ဘယ်လိုစီးပွားရေးလုပ်ငန်းကိုပဲ လုပ်လုပ်။  လုပ်ကိုင်ကြတဲ့ လူအရေအတွက်က ဘယ်လောက်ပဲ နည်းနည်း၊ သူ့လူ ကိုယ့်လူ ရယ်လို့ အုပ်စုခွဲတာကလေးကတော့ ရှိမှာပဲ။  အဲဒီလိုမှမဟုတ်ရင် လုပ်ငန်းတစ်ခုလုံးအပေါ် သိပ်ပြီး ဂရုမစိုက်သလိုမျိုး ဖြစ်နေမှာပဲ။  မဟုတ်ပေဘူးလား။  ဒီတော့ ကျွန်တော်တို့ ဘယ်လို အုပ်စုခွဲမယ် ဆိုတာကို တင်ကူးပြီး စီမံထားလိုက်ကြတယ်။  ၀ါန်းနဲ့ကျွန်တော့် အုပ်စုထဲမှာ ချူ မိန်းမကို ထည့်ရမယ်။  ဒါမှ တစ်ခုခုအပေါ် မဲခွဲကြရင် ကျွန်တော်တို့က သုံးမဲ၊ သူက တစ်မဲတည်း။  သူ့ယောက္ခမကြီးက ၀ါးန်ဘက်က ပါကောင်း ပါမယ်။  အဘိုးကြီးက အိုလှပြီ။  ၀ါန်း မိန်းမက ကျွန်တော်တို့အုပ်စုထဲ ပါနေမှတော့ အဘိုးကြီး ကိစ္စကို သူ့စရိတ်နဲ့သူ ရှင်းပါလိမ့်မယ်။

         ချူနဲ့ ပတ်သက်လို့ ချီမွမ်းစရာ ရှိတာကလေးကိုတော့လည်း ချီးမွမ်းရဦးမယ်။  သူ့ဟာနဲ့သူ တော်တဲ့အပို်င်း ရှိတယ်။  လိပ်ခေါင်းဖြတ်ရာမှာ တော်တယ်။  ဓားကိုင်ကောင်းတဲ့ လူတစ်ယောက် သူ့အလုပ်မှာ သူတော်တယ်ဆိုတာကဖြင့် ၀မ်းမြောက်စရာပဲ။  ဒါကြောင့်မို့ပဲ သူ့ကို ကျွန်တော်တို့ လုပ်ငန်းထဲကို ဖိတ်ခေါ်ခဲ့တာ။  တကယ်လို့များ သင်းက လူလည် ကျလာခဲ့ရင်တော့ သူ့ရဲ့ ခွဲစိတ်ကုသရာမှာ ကျွမ်းကျင်တာတွေ အသာမေ့ထား၊ ကောင်းကောင်းချည်း ဆုံးမပေးရလိမ့်မယ်။

Thursday, May 8, 2014

Apple ကွန်ပျူတာများနှင့် နှစ်၃၀


၁၉၇၆ ခုနှစ်မှာ Apple ကို စတင်တည်ထောင်ခဲ့တဲ့ Steve Jobs နဲ့ Steve Wozniak တို့ရဲ့ ပထမဦးဆုံး ကွန်ပျူတာလေးပါ။  ဒါကို Apple 1 လို့ အမည်တပ်ခဲ့ကြပါတယ်။  ဒီကွန်ပျူတာလေး လုပ်ဖို့အတွက် Steve Jobs က သူ့ရဲ့ VW ကားလေးကို ရောင်းခဲ့ပြီးတော့၊  Steve Wozniak ကတော့ သူ့ရဲ့ HP-65 calculator လေးကို ရောင်းချခဲ့ပါတယ်။  ဒီကွန်ပျူတာကို Steve Waozniak ကိုယ်တိုင် လက်နဲ့ လုပ်ခဲ့တာဖြစ်ပါတယ်။

Wednesday, February 12, 2014

အံရောသော်ဝ်.... မြောက်ကိုရီးယား ၂၀

မြောက်ကိုရီးယားရဲ့ တရားဝင် မှတ်တမ်းမှာတော့ သွားလေသူ ခေါင်းဆောင်ကြီး ကင်မ်ဂျုံအီးဟာ အမိဝမ်းက ကျွတ်လို့ ၃ ပတ်သားအရွယ်မှာတင် လမ်းလျှောက်နိုင်ပါသတဲ့။  ၈ ပတ်သားအရွယ်မှာ စကားစတင်ပြောနိုင်ပါသတဲ့။  သူ ကင်မ်အီလ်ဆုံ တက္ကသိုလ်မှာ ၃ နှစ်ကျောင်းနေခဲ့စဉ်အတွင်း စာအုပ်ပေါင်း ၁၅၀၀ လောက် ရေးသားခဲ့ပြီး အော်ပရာပြဇာတ် ၆ ပုဒ်ပါ ရေးပါသတဲ့။  သူ့ရဲ့ အတ္တုပတ္တိ စာအုပ်ထဲမှာတော့ သူရေးခဲ့တဲ့ အော်ပရာ ပြဇာတ်တွေဟာ ဂီတ သမိုင်းအဆက်ဆက်က ဇာတ်ထုပ်တွေထက်တောင် ပိုကောင်းပါသတဲ့။  သူ့ရဲ့ အားကစားထူးချွန်ပုံကလည်း အံမခန်းပါတဲ့ဗျာ။  ၁၉၉၄ မြောက်ကိုရီးယားရဲ့ တစ်ခုတည်းသောရှိတဲ့ ဂေါက်ကျင်းမှာ ဂေါက်ရိုက်သင်ပြီးပြီးချင် ၃၈ ကျင်းရိုက်တော့ ၁၁ ကျင်းမှာ hole-in-one ရတယ်လို့ ပြုံယမ်း မီဒီယာတွေမှာ ဖော်ပြသွားပါတယ်။  သူ့ရဲ့ ကိုယ်ရံတော် ၁၇ယောက်က ဒီလိုမျိုး စံချိန်တွေချိုးတာကို မှတ်တမ်းတင်ပေးခဲ့တယ်လို့ ဆိုပါတယ်။  ဒီလိုမျိုး လက်စွမ်းပြပြီးကထဲက ကင်မ်ဂျုံအီးတစ်ယောက် ဂေါက်လောကကို လက်ပြနှုတ်ဆက်ခဲ့တယ်လို့ ဆိုပါတယ်။

Tuesday, February 11, 2014

သူတို့တွေ နုစဉ်အခါက (၂)

အနုပညာရှင်တွေရဲ့ ငယ်စဉ်ဘ၀လေးတွေကို အင်တာနက်မှာတွေ့လို့ တင်ပေးလိုက်ပါတယ်.... 


 Sydney Bristow မင်းသမီးမဖြစ်ခင်တုန်းက အထက်တန်းကျောင်းရဲ့ တီးဝိုင်းအဖွဲ့မှာ Saxophone တီးမှုတ်ခဲ့ပါသတဲ့....

Monday, February 10, 2014

သူတို့တွေ နုစဉ်အခါက (၁)

ကမ္ဘာ့နိုင်ငံ အရပ်ရပ်က ခေါင်းဆောင်တွေရဲ့ ငယ်စဉ်ဘ၀ ပုံရိပ်ကလေးတွေကို အင်တာနက်မှာတွေ့လို့ တင်ပေးလိုက်ပါတယ်.....


အိုဘားမား ငယ်စဉ်

Thursday, January 23, 2014

Troy (သို့) ပျောက်ဆုံးခဲ့သော မြို့တော် (၁)

          စင်ကာပူပြန်ရောက်နေတဲ့ ရက်ပိုင်းတုန်းက ထရွိုင်မြို့အကြောင်း ရုပ်ရှင်ကြည့်ဖြစ်တယ်… နောက်ပြီး စိတ်ဝင်စားလို့ ဟိုရှာဖတ် ဒီရှာဖတ်နဲ့။  Troy မြို့ကြီးရဲ့ ကြီးကျယ်ခမ်းနားပုံတွေက ကိုယ့်မျက်စေ့ရှေ့မှာ မြင်နေရသလိုပဲ။  မြန်မာ Sea Game ဖွင့်ပွဲတုန်းက “မဟာ….ကြီးမြတ်လေသော သမိုင်းကြောင်းများ.. ဒီမြေကြီးထက်မှာဆိုပြီး”  ကျွန်တော်တို့ ပုဂံအကြောင်း သရုပ်ဖော်တော့ ရဲစိတ် ရဲမာန်တွေ တက်ကြွလာသလိုပဲ… ထရွိုင်မြို့အကြောင်းဖတ်လိုက်ရင် လည်းဒီလိုပဲ စိတ်ဝင်စားစရာတွေနဲ့ တွေးစရာတွေ အများကြီးကျန်ခဲ့တယ်။
          လွန်ခဲ့တဲ့ နှစ်ပေါင်း ၄၀၀၀ ကျော်က ကြေးခေတ်လူသားတွေရဲ့ ဗိသုကာလက်ရာတွေနဲ့ တည်ဆောက်ခဲ့တဲ့ မြို့တော်ကြီး၊  ကမ္ဘာ့အလှဆုံးဆိုတဲ့ ဂုဏ်ဒြပ်နဲ့ ပြည့်စုံတဲ့ နတ်ဒေ၀ီတစ်ပါး အလား ဖမ်းစားနိုင်ခဲ့တဲ့ မင်းသမီး ဟယ်လင်၊  ရာဇမာန်ကို ထိလာခဲ့ရင် ဆတ်ဆတ်ထိမခံခဲ့တဲ့ စပါတာ(ဂရိ) လူမျိုးတွေထဲက ဘုရင်းတပါး ဖြစ်တဲ့ မန်နီလော့စ်၊  အချစ်အတွက် အသက်ပင်ပေးခဲ့ရတဲ့ ထရွိုင်မြို့ရဲ့ အိမ်ရှေ့သခင် ပဲရစ်၊ သမိုင်းတွင်ခဲ့တဲ့ ထရိုဂျန် စစ်ပွဲကြီးပွား ခဲ့တဲ့ မြို့တော်…  အာခီလီစ်၊ ဟက်တာ၊ အိုင်းယက်စ် စတာတွေ အပြင် သူရဲကောင်းတွေ များစွာရဲ့ သွေး မြေကျခဲ့ရတဲ့ နေရာ၊  ရန်သူတွေကို ပရိယာယ်ဆင် အောင်ပွဲခံတုန်းက အဓိက အသုံးပြုခဲ့တဲ့ ထရိုဂျန် မြင်းရုပ်ကြီး၊  ဂရိတွေ ဘယ်လိုမှ တိုက်လို့မရပဲ တပ်ဆုတ်ပြီး သင်္ဘောတွေ ပြန်လည်ထွက်ခွာသွားတော့ ထရွိုင်မြို့သားတွေ အောင်ပွဲခံ သတိလွတ်နေတုန်း မြင်းရုပ်ဗိုက်ထဲက ဂရိစစ်သည်ထွက်၊  မြို့တံခါးကို ဖွင့်လို့ ၁၀ နှစ်ကြာ တိုက်ယူလို့မရခဲ့တဲ့ ထရွိုင်မြို့ကြီးဟာ ညတွင်းချင်းမှာပဲ မြေပေါ် ပြားပြားဝပ်သွားခဲ့ရတဲ့ အဖြစ်…..စသည်အားဖြင့် ရေးထားတဲ့ ဟိုးမားရဲ့ ILIAD ကဗျာရှည်ကြီးထဲမှာ ဇာတ်ကောင်များစွာ သက်ဝင်လှုပ်ရှားနေတုန်း။  ဒါပေမယ့် ဒီ ကဗျာရှည်(၀တ္တု) ကြီးထဲက ထရွိုင်မြို့ကြီးဟာ တစ်ကယ်ရှိခဲ့တာလား?

Monday, January 6, 2014

အလုပ်ထဲမှာ ဒီလိုရှိတယ် (၃)

အဟက် အဟက်
          မနှစ်က ဆောက်ခဲ့တဲ့ သင်္ဘော နှစ်စီးကကျတော့ အတော်လေး အကုန်အကျအများသား။  သင်္ဘောကျင်းကို စာချုပ်နဲ့အပြီး အပ်လိုက်ပေမယ့် အဲ့ဒီ တရုတ်သင်္ဘောကျင်းက သင်္ဘော မဆောက်တတ်ပေါင်။  ဒီတော့ နောက်ဆုံး လိုချင်တဲ့ အရည်အသွေးမရတာနဲ့၊  ပြန်ပြင်ရတာနဲ့၊ နှေးတာနဲ့ လုံးလည်ချာလပတ်တွေလိုက်ပြီးတော့ ကျွန်တော့်တို့ ကုမ္ပဏီက လူတွေထပ်ခေါ်၊  ကျွန်တော်တို့ Contractor တွေကို သင်္ဘောကျင်းထဲထည့်ပြီး ကိုယ့်သင်္ဘော ကိုယ်ပြန်ဆောက်ရတဲ့ အခြေအနေကို ရောက်ရော။ 
          အဲ….ပြဿနာက အဲ့ဒီ တစ်ပြုံတစ်မကြီးရဲ့ စားစရိတ်၊ အထွေထွေသုံးစရိတ် ဒါတွေက Delay ဖြစ်ရင်ဖြစ်သလောက် Overhead cost ကတက်လာပါပရော။  ဒါ့အပြင် ကိုယ်ထည့်ချင်တဲ့ ပစ္စည်းတွေ တရုတ်မှာ Custom clear လုပ်တာတွေ၊ Transport စရိတ်တွေ ဒါတွေအားလုံးပေါင်းလိုက်တော့ ဘေဂျင်းက ကျွန်တော်တို့ရုံးလည်း ၁နှစ်ခွဲလောက် ရော့ရော့ ကြိုက်သလောက်သာယူပေတော့ ဆိုပြီး ပေးလိုက်၊ ပေးလိုက်နဲ့ ငွေလုံးလုံးမရှိတဲ့ ဘ၀ကိုရောက်သွားရော။ 
          ဒီလိုနဲ့ အေးဂျင့်တစ်ယောက်နဲ့ တွဲလုပ်ဖြစ်လိုက်တယ်။  ဒီအေးဂျင့်က ကော်ဖီမှုန့်ကစလို့၊  Contractor ဖိုးတွေ၊ Custom Clearance တွေ၊ Transport စရိတ်တွေအားလုံး ကြားထဲက အကျိုးဆောင်ပြီး ရှင်းပေးသပေါ့လေ။  ဒါပေမယ့် ရာခိုင်နှုန်းလေးတော့ ကြားထဲက သူကစားတယ်ပေါ့။  အားလုံး အဆင်ပြေပါတယ်။  နောက်ဆုံး သင်္ဘောပြီး ပရောဂျက် စရင်းသိမ်းတော့ ငွေရှင်းတမ်းလုပ်ပါလေရောလား။  ဘယ်၍ဘယ်မျှကျတယ်၊ ဘယ်လိုမျိုးခွဲပေးကြမယ် စတာတွေကို အီးမေးနဲ့ ပို့ကြသပေါ့။ အဲ့ဒီမှာ အေးဂျင့်ရဲ့ အီးမေးလ်က အဟက်ခံထားရပါသကောလား။  ကျွန်တော်တို့ ဘက်ကပို့လိုက်တဲ့ အီးမေးလ်တွေကို ဟို ဟက်ကာကောင်က စောင့်ဖတ်ပြီးတော့ နောက်ဆုံး ဘယ်ဘဏ်ကို ငွေလွှဲရမလဲ၊  ဘဏ့်အကောင့်ပေးပါဆိုပြီး တောင်းတဲ့ စာလည်းရောက်ရော ကြားထဲက ဖျောင်လိုက်တာပဲ။  ပြီးတော့ သူက ကျွန်တော်တို့ ဆီကို မေးလ်ပြန်ပို့သဗျ၊  သူ့ ဟောင်ကောင်က ဘဏ်နဲ့ သူ့အကောင့် ကို။  ကျွန်တော်တို့ကလည်း မသိဘူးလေ အဲ့ဒီကို လွှဲဆိုတော့ လွှဲလိုက်တာ။  လွှဲပေမယ့် စလုံးက ကျွန်တော်တို့ ကုမ္ပဏီက ကျွန်တော်တို့ အေးဂျင့်နာမည်တပ်ပြီး အဲ့ဒီအကောင့်ကို လွှဲပေးလိုက်တာ။  ဒီအတွက် ဟိုအကောင်တွေက ဘဏ်ထဲက ထုတ်လို့မရဘူးဖြစ်နေရော။  ဒီလိုနဲ့ ဘဏ်က Transition ကို Cancel လုပ်ပစ်လိုက်တယ်။ 

Saturday, January 4, 2014

ကျွန်တော်နှင့် ဆာယိုနာရား ၂၀၁၃

          ၂၀၁၃ ကြီးသည် လက်ပြကျန်ခဲ့ပြီဖြစ်သည်။  လက်ပြမပြတော့ မသိ၊  ကိုယ့်စိတ်ထဲမှာ ကိုယ့်ဟာကိုယ် လက်ပြပြီး ထားခဲ့ခြင်းဖြစ်သည်။  ၂၀၁၁ က စခဲ့သော သင်္ဘောနှစ်စီးသည်၊  ၂၀၁၃ ဒီဇင်ဘာတွင် ထွက်သွားခဲ့ပြီ ဖြစ်သည်။  တစ်စီးက မီးထိုးဖို့ တစ်စီးက ကက်ဆက်ဖွင့်ဖို့ အဲလေ… တစ်စီးက လျှပ်စစ်မီးကြိုးတွေ ပင်လယ်ထဲ ဆွဲပြီး သွယ်ဖို့၊ နောက်တစ်စီးက Offshore စင်အသစ်ဆောက်တဲ့နေရာမှာ ပင်လယ်ထဲ ပနက်ရိုက်ဖို့ ဘာဖို့ လုပ်တဲ့ Rock Dumping လုပ်ပစ်လိုက်ကြသည်။  ကောင်း၏။  နှုတ်ဆက်ပါသည် ရှန်ဟိုင်း၊  လမ်းခွဲခဲ့ပြီ။  ကိုပီတာကြီး ပြောသလို နန်ကျင်းလမ်းကိုလွမ်းသည်၊  The Bund ကိုလွမ်းမည်၊  ယောင်ချာချာနှင့် ရှင်ထျန်ဒီး ကိုလွမ်းပြီး ကျန်ခဲ့မည်။  ဒီလိုနှင့် ၂၀၁၃ သည်ကုန်သွားလေ၏။  ဘလော့ဂ်မတင်ဖြစ်။  သူကြီးမင်း၏ တစ် လိုဖြစ်နေပြီ။

Thursday, November 28, 2013

N!xau သို့ The Gods Must Be Crazy

          ကျွန်တော်တို့ ငယ်ငယ်တုန်းက Gods must be crazy ဇာတ်ကားလေးကို ကြည့်ဖူးကြမှာပါ။  ဒီရုပ်ရှင်ကို ၁၉၈၀ ခုနှစ်က Jamie Uys ဆိုတဲ့ ဒါရိုက်တာက ရေးသား  ရိုက်ကူးခဲ့တာပါ။  အာဖရိကတိုက်မှာ ပထမဆုံး ရုံတင်ပြသခဲ့ပြီး စံချိန်တင် လူကြိုက်များခဲ့ပါတယ်။  နောက် နိုင်ငံတကာက ရုပ်ရှင်ရုံတွေမှာ ပြသဖို့အတွက် မူရင်း အာဖရိက စကားပြောတွေကို အင်္ဂလိပ်လို ပြင်ဆင်ခဲ့ပါတယ်။  အမေရိကန်နိုင်ငံနဲ့ ဂျပန်မှာ ဒီရုပ်ရှင်ဟာ စံချိန်တင် ပြသခဲ့ရပြီး အလွန်ကို အောင်မြင်ခဲ့ပါတယ်။  ကမ္ဘာအရပ်ရပ်မှာပြသခဲ့ပြီးတော့ ဒီရုပ်ရှင်ဟာ ဒေါ်လာ သန်း ၁၀၀ ကျော် အမြတ်အစွန်းရရှိခဲ့ပါတယ်။  ဒီအထဲမှာ ကျွန်တော်စိတ်ဝင်စားမိတာကတော့ ဒီရုပ်ရှင်ထဲက ကိုကာကိုလာ ပုလင်းလေး တစ်လုံးနဲ့ အလုပ်ရှုပ်ခဲ့တဲ့ ဇာတ်လိုက်ကျော်ကြီး အာဖရိကတိုက် ကာလာဟာရီ သဲကန္တာရထဲက Bushmen စီ အကြောင်းလေးပဲဖြစ်ပါတယ်။  ဒီလို သန်ပေါင်းများစွာ စံချိန်တင်ပြီး အောင်မြင်ခဲ့တဲ့ ရုပ်ရှင်ရဲ့ အဓိက ဇာတ်ဆောင်တစ်ယောက်ဟာ ဘယ်လောက်များ အကျိုးခံစားခွင့် ရခဲ့သလဲဆိုတာကိုပေါ့။
          ဒီရုပ်ရှင်ထဲက ဇာတ်လိုက် စီ ရဲ့ မူရင်းနာမည်ကတော့  Nǃxau ǂToma ဖြစ်ပါတယ်။  သူဟာ နမ်မီဘီယား ဒေသမှာ မွေးဖွားခဲ့ပြီးတော့ သူ့အသက် ဘယ်လောက်ရှိပြီလဲဆိုတာကို သူကိုယ်တိုင် မသိခဲ့ပါဘူး။  သူဟာ အာဖရိက ဘာသာစကား ၃ မျိုးလောက်ကိုတော့ ကောင်းကောင်းကြီး ပြောတတ်ပါတယ်။  မြို့ကြီးတွေကိုလည်း တစ်ခါမှ ရောက်ခဲ့ဖူးတာမဟုတ်သလို ဒီရုပ်ရှင် မရိုက်ကူးခင်အထိ သူ့ဘ၀မှာ လူဖြူ ၃ ယောက်လောက်ပဲ မြင်ခဲ့ဖူးတာပါ။  နောက်ပြီး ပိုက်ဆံ၊ ငွေကြေးဆိုတာကို တစ်ခါမှ မမြင်ဖူးခဲ့ပါဘူး။  ငွေကြေးနဲ့ ဘယ်လို ဖလှယ်ရမှန်းလည်း မသိသလို၊  ဒီငွေကြေးရဲ့ တန်ဖိုးကိုလည်း မသိခဲ့ဘူးလို့ ဆိုပါတယ်။  ဒီရုပ်ရှင်ရိုက်ကူးခအတွက် သူဟာ ဒေါ်လာ ၂၀၀၀ အောက်သာ ရရှိခဲ့တယ်လို့ ဆိုပါတယ်။ 

Monday, November 18, 2013

အဆုံးစွန်အထိ ခရီးဆက်နေဦးမည့် Voyager ၁ နှင့် ၂

          ကျွန်တော်ငယ်ငယ်တုန်းက လမင်းကြီး ရယ်၊  မှိတ်တုတ် မှိတ်တုတ် လက်နေတဲ့ ကောင်းကင်က ကြယ်လေးတွေကို လသာတဲ့ ညဖက်ဆိုရင် မော့ကြည့်ပြီး အများကြီး စဉ်းစားခဲ့ဖူးတယ်။ ဒီ ကြယ်လေးတွေက ဘယ်လောက်ဝေးလဲ?  ဘယ်နေမှာ ရှိနေတာလဲ?  ဘာဖြစ်လို့ ကျွန်တော်တို့ဆီကို ရောက်မလာတာလဲ?  ကျောင်းရောက်တော့လည်း ဆရာမက ကျွန်တော်တို့ကမ္ဘာကြီးကနေကို လှည့်ပတ်နေပြီးတော့ သူ့မှာ မိသားစု ဂြိုလ်ပေါင်း ကမ္ဘာအပါအ၀င် ကိုးလုံး ရှိတယ်လို့ဆိုပြန်တယ်။  နောက်ပြီး ကျွန်တော်တို့ နေမိသားစုဟာ နဂါးငွေ့တန်း ဂလက်ဆီဆိုတဲ့ အရာကြီးထဲက အစိတ်အပိုင်းလေးတစ်ခုတဲ့။  အဲ့ဒီ နဂါးငွေ့တန်းဆိုတဲ့ ဟာကြီးကလည်း စကြ၀ဋ္ဌာ ပင်လယ်ကြီးထဲမှာ မျောချင်ရာမျောနေသတဲ့။
          နောက်ပိုင်း အတန်းထဲမှာ မှန်ပြောင်းတွေ အကြောင်းသင်ရပြန်ရော…  ဟိုး အဝေးကြီးက အရာဝတ္တုတွေကို နီးနီးလေးမှာလိုမျိုး လှမ်းပြီး မြင်ရပါသတဲ့။  အရမ်းအားကောင်းတဲ့ မှန်ပြောင်းကြီးတွေနဲ့ ဆိုရင် ဂြိုလ်တွေကိုပါ လှမ်းပြီး ကြည့်လို့ရပါသတဲ့။  အင်း… ကျွန်တော်တို့ မသိတဲ့ အရာတွေ တော်တော်များနေပါလားနော်…..  ကျွန်တော်တို့ အနေနဲ့ ကမ္ဘာမြေကြီးပေါ်ကနေ ထိုင်ပြီးတော့ အများကြီးတွေးနေ၊  ငေးနေမဲ့အစား အဆိုပါ ဂြိုလ်ကြီးတွေ၊  ကြယ်ကြီးတွေ ရှိတဲ့ နေရာကို အနီးကပ်သွားရောက်ကြည့်ရှု့လို့ရရင်တော့ ကျွန်တော်တို့ အနေနဲ့ ပိုပြီးတော့ ဒီအရာတွေရဲ့ အကြောင်းကို သိလာနိုင်တာပေါ့လေ။  ဒီလိုမျိုး လူတွေ စဉ်းစားခဲ့ကြပါတယ်။ စဉ်းစားခဲ့သလို အကောင်အထည်လည်း ဖော်ခဲ့ကြပါတယ်။  ဒီလိုမျိုး ဂြိုလ်တွေ၊ ကြယ်တွေကို စူးစမ်းဖို့အတွက် လူသားတွေဟာ လမင်းကြီးဆီကို၊ အင်္ဂါဂြိုလ်ဆီကို၊ ဂျူပီတာ ဂြိုလ်ဆီကို… စသည် စသည်ဖြင့် အာကာသ စူးစမ်းရေး ယာဉ်ကြီးတွေ လွှတ်တင်ခဲ့ကြပါတယ်။
          ခု Voyager 1 & 2 ဆိုတဲ့ အကြောင်းလေးကတော့ ကျွန်တော့် ကွန်မန့် ဘောက်စ်ထဲကို အကိုတစ်ယောက်က ရေးပါလားဆိုလို့ တင်လိုက်ဖြစ်တဲ့ ပိုစ့်လေးတစ်ခုပါ။  ဒီပိုစ့်အတွက် ကျွန်တော့် အဓိက ကိုးကားခဲ့တာကတော့ Nasa နဲ့ Wikipedia  ၀ဘ်ဆိုဒ် နှစ်ခု ဖြစ်ပါတယ်။  Voyager ၁ နှင့် ၂ ဆိုတဲ့ အာသာကယာဉ် ကတော့ ကျွန်တော်တို့ နေမိသားစုထဲက Satun လို့ခေါ်တဲ့ စနေဂြိုလ်ကြီးနဲ့ Jupiter ဂြိုလ်ကြီးနှစ်ခုကို အနီးကပ်လေ့လာဖို့အတွက် ကနဦး စီမံကိန်းချခဲ့ပေမယ့် ခုတော့ ဒီ ညီနောင် အာကာသယာဉ် နှစ်စီးဟာ သူတို့ရဲ့ လေ့လာရေး အစီအစဉ်တွေကို ကျွန်တော်တို့ နေမိသားစုရဲ့ အပြင်ဖက် အဆုံးစွန်အထိရောက်အောင် လက်ဆက် ခရီးနှင်နေဆဲ ဖြစ်ပါတယ်။ 

Sunday, October 13, 2013

ငါ လွှတ်ချကြည့်လိုက်တယ်..

သက္ကရာဇ်တွေ… အထွေးလိုက် အထွေးလိုက်…
မြင်ရက်စရာမရှိတဲ့……… အိုမင်းခြင်းတွေ…
သင်္ဘောတွေ အပုံလိုက် အပုံလိုက်….
လေထဲမှာမျောလွင့်သွားတဲ့ အိတ်စပီးရန့်ဆိုသော အရာများ…
ငါလွှတ်ချကြည့်လိုက်တယ်…

မသတီစရာကောင်းတဲ့ လုပ်ပြုံးပြုံးထားတဲ့.. အပြုံးများ..
မချိသွားဖြဲ..ရွေးချယ်စရာမရှိခဲ့တဲ့ ရွေးချယ်ခွင့်များ….
မှားမှန်းသိရက်နဲ့… compromise လုပ်ခဲ့ရတဲ့ အကြောင်းအရာများ…
ဘာတဲ့ Naval Architect ဆိုတာ Science or Art တဲ့…
တကယ်တော့ Naval Architect ဆိုတာ၊ “Art of compromise…”
အို….. ငါလွှတ်ချကြည့်လိုက်တယ်….

အကောင်းဆုံးဆိုတာ စာရွက်ထဲမှာပဲရှိတယ်လေ…
လုပ်ပိုင်ခွင့်၊ အတိုင်းအတာ၊  ငွေကြေး၊ အချိန် ဒါတွေအားလုံးကြားထဲမှာ…
ငါတို့တွေဟာ စစ်မြေပြင် ရှေ့တန်း က ပွန်းရုပ်ကလေးတွေပဲ…
သိရက်နဲ့ ထမင်းတစ်လုပ်က ကျန်တာတွေထက် ပိုအရေးကြီးလား…
Commitment ဆိုတာ ဘာလဲ?  Ethic ဆိုတာဘာလဲ?  ခဏလေးတော့ ငါ… အားလုံးကို…
လွှတ်ချကြည့်လိုက်တယ်…..

Saturday, October 12, 2013

Note 3 or 5s

         လွန်ခဲ့တဲ့ ၇ လလောက်တုန်းက ပိုစ့်တစ်ခု တင်ဖြစ်သည်။  ဘာ ဖုန်းဝယ်ရင်ကောင်းမလဲဟုဖြစ်သည်။  S4 or HTC 1 or iPhone 5 သို့သော် မ၀ယ်ဖြစ်။  ခု ဖုန်းဝယ်ဖို့ ရောဂါ ထနေပြန်ပြီ။  ဘာဝယ်ရမှန်းမသိပေ။  အချိန်ဆိုသည်မှာ ဖြိုက်ကနဲကုန်သွားသည်။  ဖုန်းအသစ်တွေ ထပ်ထွက်နေပြန်ပြီ။     အရင်တုန်းကတော့ ဖုန်းတစ်လုံးဝယ်လိုက်လျှင် ၂ နှစ်လောက် ခေတ်မီမီ သုံးနေလို့ရသည်။  ခုကတော့ ၆ လ လောက်ဆိုလျှင် ကိုယ်ကိုင်နေတဲ့ ဖုန်းက မော်ဒယ်အောက်သွားပြီဖြစ်သည်။  ခက်လှချေတကား။
         ခု ရောဂါထနေသည်မှာ iPhone 5s နှင့် Note 3 ဘယ်ဟာရွေးရရင် ကောင်းမလဲ ဟူသော အရာပင်ဖြစ်သည်။ အင်တာနက်ထဲမှာ လျှောက်မွှေပြီး review တွေ ဖတ်ကြည့်သည်။  သူ့ဟာနှင့် သူတော့ အားလုံး ကောင်းနေသည်ချည်းသာဖြစ်သည်။  မည်သို့ပင်ဆိုစေကာမူ ဖုန်းတစ်လုံး ၀ယ်လိုက်လျှင် အနည်းဆုံး ၂ နှစ်တော့ မဖြစ်မနေသုံးရမည်ဖြစ်သည်။  ထို့ကြောင့် ၂ နှစ် လက်ထဲရောက်နေမည့် ဖုန်းအတွက် ကျွန်တော့်ဟာ ကျွန်တော် review လုပ်ကြည့်သည်။  5s နှင့် Note 3 ကို ယှဉ်ကြည့်ခြင်းဖြစ်သည်။

ကြံခုိုင်မှု့
Samsung သည် ကော်ခွံထဲက မထွက်သေးချေ။  Leather casing ဟု ထင်ယောင်ထင်မှား ဖြစ်အောင် လုပ်ထားသော ကော်ခွံသည်သာ ဖြစ်သည်။  Hard ware အားလုံး ဈေးပေါသော အရာများကို သုံးထားသည်။  အရင် S4 သုံးသူများကို လိုက်ကြည့်လေသော်… screen ကွဲသူများလေသည်။  ပြုတ်ကျသည်နှင့် Screen ကွဲလေသည်။  screen ဘေးနားမှ ကာထားသော လုိုင်းကလေးမှာ ဟောင်းလောင်းပေါက် ပိုက်ကလေးဖြစ်သည်။  ပြုတ်ကျလျှင် ပိန်သွားလေသတည်း။  ထို ဟောင်းလောင်းပေါက် ပိုက်ကလေးပြီးလျှင် သံမဏိဟု ထင်ယောင် ထင်မှာ ဖြစ်စရာရှိသော မည်သည့်အရာမှန်းမသိသည့် သတ္တုတစ်ခုဖြင့် ကာထားကာ ၃ လလောက်ကြာရင် ကွာထွက်ကုန်လေ၏။  ထို့ကြောင့် အတွင်းကလီစာများသည် iPhone 5s ထက် Spec မြင့်ပြီး သုံးလို့ကောင်းသော်လည်း အကြမ်းပတမ်း သုံးသူများအတွက် iPhone 5s သည် ပိုမို သင့်လျှော်သည်ဟု ကောက်ချက် ချမိလေသည်။  အဘယ်ကြောင့်ဆိုသော်… မည်သည့်ဖုန်းကို လက်ထဲ ထဲ့ပေး ထဲ့ပေး ပျက်အောင် ကိုင်သော ကျွန်တော်၏ ရှုမငြီးသည် iPhone 5 လက်ထဲထည့်ပေးလိုက်သော် အချိန်အတော်အတန် ငြိမ်ပြီး complain မတက်ဘဲ နေသည်မှာ iPhone ၏ durability သည် ပိုမိုကောင်းသည်ဟု သက်သေ ပြခြင်းပင်ဖြစ်သည်။

Thursday, August 29, 2013

တင်ပို့ခြင်း အနုပညာ

         တနေ့က ရုံးမှာ အလုပ်လုပ်နေရင်းနဲ့ ဟော်လန်က တစ်ယောက်ကလှမ်းပြောတယ်။  မင်းတို့ ဆီမှာ ဗုဒ္ဒဘာသာဝင် တွေက မွတ်စလင်တွေ အိမ်ကို မီးရှို့နေတယ်ဆိုတဲ့။  အစကတော့ ဒီပိုစ့်ကို မရေးဘူးလို့ထားမလုို့။  ဒါပေမယ့် အခုရေးဖြစ်သွားတယ်။  သူ့ကွန်ပျူတာသွားကြည့်လိုက်တော့ ပုဂံ ဘုရားပုံတွေရိုက်ထားတဲ့ ဓာတ်ပုံရယ်။  ပြီးတော့ ဟိုရက်က ဖြစ်သွားတဲ့ အဖြစ်အပျက်ကို ဟော်လန် စကားလုံးတွေနဲ့ ရေးထားတယ်။  ဘာသာပြန်ခုိုင်းလိုက်တော့ အတိုချုံးလိုက်ရင် အဲ့ဒီအဓိပ္ဗါယ် သက်ရောက်နေတာပဲ။  အင်း ဘယ်လို့ရှင်းရပါ့နော်… နုိုင်ငံရေးလည်း ကိုယ်က ဒီလောက်စိတ်ဝင်စားလှတာမဟုတ်။  ဒီ သတင်းကြီးကလည်း ကွက်ပြီးရေးထားတဲ့ သတင်းကြီး။
         မင်း ဗိုလ်ချုပ်အောင်ဆန်းကိုသိလားဆိုတော့ မသိဘူးတဲ့။  အောင်ဆန်းစုကြည်ကိုသိလားဆိုတော့ သိတယ်တဲ့။  အင်္ဂလိပ်က ငါတို့နုိုင်ငံကို နှစ် ၁၀၀ ကျော် ကိုလိုနီလုပ်ခဲ့တယ်ပေါ့လေ။ အဲ့ဒီကစရတာပေါ့။  အဲ့ဒီတော့ ကိုလိုနီ လက်ထက်မှာ ပို့ကုန်တစ်ချို့ကို တင်သွင်းခြင်းခဲ့ခဲ့ရတယ်ပေါ့လေ။  အဲ့ဒီအထဲမှာ အန္ဒိယနုိုင်ငံက လူသားအရင်းအမြစ်တွေလည်း ပါတယ်ပေါ့လေ။  ပြီးတော့ လွတ်လပ်ရေးကို ဗိုလ်ချုပ်အောင်ဆန်း ဆိုတဲ့ ဒေါ်အောင်ဆန်းစုကြည်ရဲ့ ဖခင်ဖြစ်သူက ယူပေးခဲ့တယ်ပေါ့လေ။ ငါတို့အတွက်တော့ နိုင်ငံ လွတ်လပ်ရေး ဖခင်၊ နောက် assassinate အလုပ်ခံရတယ်။ မြန်မာနုိုင်ငံဟာ နုိုင်ငံပေါင်း ငါးနုိုင်ငံနဲ့ နယ်နမိတ်ချင်း ထိစပ်နေတယ်။  အဲ့ဒီတော့ အိမ်နီးချင်းနိုင်ငံတွေကြားမှာ နုိုင်ငံသား စိမ့်ဝင်မှု့ရှိသလို၊ ယိုစီးမှု့လည်း ရှိနေတယ်။  ဒီအထဲမှာ တရုတ်ဆိုရင် ကွန်မြူနစ်ပါတီ ဖြန်ကျက်မှု့အားကောင်းတဲ့ အချိန် ရောက်လာတုန်းက ချန်ကေရှိတ်ရဲ့ ကူမင်တန်တွေ တပ်ဆုတ်တုန်းကလည်း တို့နုိုင်ငံထဲ အများကြီး ရောက်ခဲ့တယ်။  ထိုနည်းတူ ဘင်္ဂလားဒေ့ရ်ှနုိုင်ငံနဲ့ ထိစပ်နေတဲ့ ပြည်နယ်တွေမှာ ဘင်္ဂလားဒေ့ရ်ှလူမျိုးတွေ စိမ့်ဝင်မှု့ရှိခဲ့တယ်။  ဗိုလ်ချုပ်အောင်ဆန်း နောက် ဦးနုဆိုတဲ့ တစ်ယောက်က ၀န်ကြီးချုပ်ဖြစ်လာတယ်။  မဲ ကိစ္စတွေရှိလာတယ်။  မဲပေးဖို့ လူလိုတယ်။  အဲ့ဒီအချိန်မှာ နုိုင်ငံရေး လှည့်ကွက်တွေ ရှိခဲ့တယ်။  နိုင်ငံခြားသားတွေ နုိုင်ငံသားပေးပစ်တယ်။  နောက်ပိုင်းလည်း ဒီလိုမျိုး စိမ့်ဝင်မှု့တွေ ရှိခဲ့တယ်။ 
         နောက်တော့ နုိုင်ငံရေးမှာ အလှည့်ပြောင်းတွေ အများကြီးဖြစ်ခဲ့တယ်ပေါ့လေ။  ဆိုရှယ်လစ်နုိုင်ငံဆိုပြီး ထူထောင်ခဲ့တယ်၊  အဲ့ဒီအချိန်မှာ အဖွဲ့တွေ အများကြီး ကွဲကုန်တယ်။  နောက် စစ်အုပ်ချုပ်ရေးဖြစ်လာခဲ့တယ်။  အဲဒီမှာလည်း အဖွဲ့တွေ အများကြီး ထပ်ပြီးတော့ ကွဲထွက်သွားသေးတယ်။  ကွဲသွားတဲ့ အတိုက်အခံ အများစုဟာ တောထဲကို ရောက်ပြီး လက်နက်ကိုင်ကြတယ်။   တစ်ချို့ကတော့ အတိုက်အခံအနေနဲ့ အစိုးရရဲ့ အာဏာသက်ရောက်မှု့ အ၀န်းအ၀ိုင်းထဲမှာပဲ ဆက်လက် တည်ရှိခဲ့တယ်။  ဒီအထဲမှာ ဒေါ်အောင်ဆန်းစုကြည်ရဲ့ ပါတီလဲ ဖြစ်ပေါ်လာခဲ့တယ်။  ဒီအစုိုးရ အဆက်ဆက်လက်ထက်မှာ ပြဋ္ဌာန်းခဲ့တဲ့ ဥပဒေအများစုဟာ နုိုင်ငံသားတွေနဲ့ စပ်လျှင်းခဲ့တာတွေ များပြီးတော့ တစ်ခြားနုိုင်ငံ၊နုိုင်ငံခြားသားတွေနဲ့ဆက်စပ်တဲ့ ဥပဒေတွေမှာ ငါသိသလောက်တော့ လွပ်လပ်ရေးရပြီးခါစနေ ပြဋ္ဌာန်းခဲ့တဲ့ ဥပဒေကို ပြင်ဆင်မှု့ အများကြီး မလုပ်ခဲ့တဲ့အပြင် ဥပဒေကိုပဲ မေးခွန်းထုတ်စရာ အပိုင်းတွေ အများကြီးရှိခဲ့တယ်လို့ ပြည်သူတွေက ယူဆခဲ့ကြတယ်။  ဒါပေမယ့် လွှတ်တော်ဆိုတာ မရှိခဲ့တဲ့အတွက် ဘယ်သူက မေးခွန်းထုတ်နုိုင်လဲဆိုတဲ့ ဟာမျိုးမရှိခဲ့ဘူး။  မေးခွန်း မရှိခဲ့တဲ့ အတွက် အဖြေ မရှိခဲ့ဘူး။   အဲ့ဒီအတွက် အခွင့်အရေးလည်း မရှိဘူးပေါ့။  စစ်အုပ်ချုပ်ရေး ရာစုနှစ် တစ်ဝက်လောက်ပြီးတော့ လွန်ခဲ့တဲ့ နှစ်အနည်းငယ်မှာ ဒီမိုကရေစီဆိုပြီးဖြစ်လာတယ်။  ငါတို့နုိုင်ငံရဲ့ သတင်းတော်တော်များများကို အခု မင်းတို့ဖတ်ရလာတယ်ပေါ့လေ။

Sunday, August 25, 2013

ကျွန်တော်နှင့် မ-၁၆

            မိဘတိုင်းကတော့ ရင်သွေးလေးတွေ ရလာရင် အကောင်းဆုံး ဖြစ်ချင်ကြတာ။  ကျောင်းထားချိန်ဆိုရင် ဘယ်လိုကျောင်းကမှ နာမည်ကြီးတာ၊ အသင်အပြကောင်းတာ၊  ဂုဏ်ရှိတာ စသည်အားဖြင့်ပေါ့။  ကျွန်တော် မူလတန်းတန်း တက်ခဲ့တဲ့ ကျောင်းကလေးက ပုသိမ်မှာ။  ပုသိမ်မှာမွေးပြီး၊ ပုသိမ်မှာ ကြီးတဲ့ ကျွန်တော် ပုသိမ်မှာ မူလတန်းတက်ခဲ့တာ ဘာဆန်းမှာတုန်း။  အဲ… ဆန်းတာက ကျွန်တော်တက်ခဲ့တဲ့ ကျောင်းကလေး။  အ.မ.က ၁၆ တဲ့။ 
            အိမ်နားက မိဘတွေကတော့ သူတို့ လက်လမ်းမီသမျှ တတ်နိုင်တဲ့ ကျောင်းလေးတွေမှာ သား၊ သမီးတွေကို ထားကြတယ်။  ကျွန်တော် အမေကတော့ ဘယ်လိုသဘောထားတယ်မသိဘူး။  ကျွန်တော့်ကို အဲ့ဒီ အ.မ.က ၁၆ ဆိုတဲ့ ကျောင်းကလေးမှာ သွားထားတာပဲ။  အိမ်နဲ့ တစ်လမ်းထဲ.. ကျွန်တော်နေတဲ့ လမ်းနာမည်က အောင်သုခလမ်းတဲ့။  အောင်သုခလမ်းဆိုပြောရဦးမယ်။  အောင်သုခလမ်းကို နှစ်ပိုင်းခွဲလို့ရတယ်။  အလယ်မှာက ချောင်းကလေးရှိတယ် အဲ့ဒီချောင်းကလေးပေါ်မှာ တံတားလေးထိုးထားတယ်။  တံတား ဟိုဘက်ခြမ်းကတော့ ကျွန်တော်တို့အိမ်၊  တံတား ဒီဘက်ခြမ်းကတော့ အမက ၁၆ ရှိတဲ့ အခြမ်းပေါ့လေ။  ကျွန်တော်တို့ဘက်ကလမ်းကိုတော့ ကျွန်တော်တို့ဟာ ကျွန်တော်တို့ အောင်ဒုက္ခလမ်းလို့ခေါ်တယ်။  ဟိုဖက်ကိုတော့ အောင်သုခလမ်းလို့ခေါ်တယ်။  ဘာဖြစ်လို့လဲဆိုတော့ ကျွန်တော်ငယ်ငယ်တုန်းက စည်ပင်ကလမ်းချဲ့မယ်ဆိုပြီး ခြံစည်းရိုးနောက်ကို ၅ ပေဆုတ်ဆိုပြီး ဗိုလ်ချုပ်ကြီး တစ်ယောက်ရဲ့ အမိန့်နဲ့ ဆုတ်ပေးလိုက်ရတာ အိမ်ရှေ့က မရမ်းပင်ကြီး ၃ ပင် ပါသွားရောလား။  အဲ့ဒါက လမ်း တစ်ဖက်ထဲဗျ။  ကျွန်တော်တို့ အောင်သုခလမ်းရဲ့ တံတားကနေ ကျွန်တော်တို့ဖက် တစ်ခြမ်းထဲ။  ဟိုဖက်ခြမ်းကျတော့ မဆုတ်ရဘူး။  ဟိုဖက်ခြမ်းကျတော့ ထိလို့မရလို့ စည်ပင်က နှာစေးသွားလား မသိပါဘူး။  အဲ့ဒီကနေ အောင်သုခနဲ့ အောင်ဒုက္ခဆိုပြီး ဖြစ်သွားတာပဲ။ 
            ခြံပဲ့ပါသွားတာနဲ့ ပြီးတာမဟုတ်ဘူး။  အရင်တုန်းက အခိုင်အခန့်ဆောက်ထားတဲ့ ခြံစည်းရိုး အုတ်တံတိုင်းကို ဖြိုရတယ်။  ပြီးတော့ ကိုယ့်အုတ်တံတိုင်း ကိုယ်ပြန်ခတ်လို့က မရသေးဘူး။  စည်ပင်ရဲ့ စံချိန်စံညွှန်းမီ ဆောက်ရမယ်ဆိုပြီး လိုက်ဆောက်လိုက်တာ မိုးတွင်းကျတော့ အုတ်တံတိုင်း တစ်ခြမ်း ပြိုပါလေရောလား။  အဲ့ဒါ ပြန်ပြင်ရသေးတယ်။  ခုအိမ်ပြန်ရင်တော့ ခြံထဲမှာအရင်အုတ်တံတိုင်းဖြိုတုန်းက ကျန်ခဲ့တဲ့ အုတ်တွေက နှစ်တွေသာကြာတယ် ဒီအတိုင်းပဲ ခိုင်တုန်း။ အုတ်တံတိုင်းနဲ့တင်ပြီးတာမဟုတ်ဘူး၊  မြောင်းတူး၊ မြောင်းလုပ်ဆိုပြီး ပိုက်ဆံပါ အဆစ်ပါ ထည့်လိုက်ရသေးတယ်။  ပြီးတော့ ချဲ့မယ်ဆိုတဲ့ လမ်းကလည်း တစ်နှစ်တစ်ခါ မိုးတွင်းပြီးရင် အိမ်ရှေ့ကလမ်းမှာ ပေါက်နေတဲ့ မြက်တွေသာ လိုက်ရှင်းရတယ်  ကတ္တရာက ချဲ့လိုက်တဲ့ နေရာကို ဘယ်တော့မှ ရောက်မလာဘူး။  ကတ္တရာရောက်ဖို့နေနေသာသာ၊  အရင်တုန်းက ရှိခဲ့တဲ့ ဓာတ်တိုင်တွေကလည်း အရင်နေရာမှာ ခုထိရှိတုန်းပဲ။  ဆိုတော့ ဘယ်လို စီမံကိန်းကြီးကို အကောင်အထည်ဖော်ခဲ့လည်းတော့ အကျွန်လည်း မလျှောက်တတ်။  ပါသွားတဲ့ မရမ်းပင်သုံးပင်မှာ တစ်ပင်က အချိုသီး၊  နှစ်ပင်က ချိုချဉ်၊  ခုထိ မရမ်းပင်ပေါ်တက်ပြီး မရမ်းသီးမခူးရတော့လို့ အစာတော့သိပ်ကြေတာတော့ မဟုတ်ဘူး။