လှေကားထစ်ကလေးများ

          ဒီနေ့ အင်တာဗျူးလေးတစ်ခုဖတ်လိုက်ရတော့ တော်တော်လေး အားတက်မိတယ်။ ကျွန်တော်များသောအားဖြင့် အပြုသဘောဆောင်တဲ့ အတွေးအမြင်ကို တတ်နိုင်သလောက် လက်ခံဖို့ ကြိုးစားပါတယ်။  လှေကားထစ်လေးတွေထဲက လှေကားထစ် တစ်ထစ်ပြီး တစ်ထစ်ကို တက်ဖို့ အားယူနေတဲ့ မြန်မာပြည်အတွက် ဒီလိုသတင်းလေးတွေဖတ်ရတာ ပိုပြီးတော့ အားရမိတယ်။  သတင်းလေးကတော့ နိုင်ငံခြား ရင်းနှီမြှုပ်နှံမှု့ဆိုင်ရာဥပဒေအသစ်ကို ဇူလိုင်လကုန်ပိုင်းမှာ အတည်ပြုနိုင်ဖို့ မျှော်လင့်တယ်ဆိုတဲ့ သတင်းလေးပါ။  ဒီ ဥပဒေ အသစ်ထဲမှာ နိုင်ငံခြားက လာရောက်ပြီး ရင်းနှီမြှုပ်နှံမယ့် ကုမ္ပဏီတွေအတွက် သက်လာတဲ့ အခွန်နှုန်းထား၊ ဒေသတွင်း မြေပိုင်တွေဆီကနေပြီးတော့ ပိုမိုလွတ်လပ်စွာ မြေယာ ငှားရမ်းနိုင်ဖို့ စတဲ့ အချက်အလက်တွေပါဝင်တဲ့ ဥပဒေသစ်ကို ပြည်ထောင်စု လွှတ်တော်မှာ ဆွေးနွေးနေတယ်လို့ ဆိုပါတယ်။  လွှတ်တော်မှာ အတည်ပြုပြီးရင်တော့ သမ္မတကြီးဆီကို တင်သွင်းလို့ တရားဝင်ထုတ်ပြန်နိုင်မယ်လို့ ဆိုပါတယ်။  နိုင်ငံခြား ရင်းနှီးမြှုပ်နှံမှု့ဆိုင်ရာ ဥပဒေ အသစ် အတည်ဖြစ်ဖို့ကတော့ ဇွန်လိုင် လကုန်လောက်မှန်းထားတယ်လို့ ဆိုထားပါတယ်။  ဒီအထဲမှာ ကိုကာကိုလာ ကုမ္ပဏီကလည်း မြန်မာနိုင်ငံမှာ နှစ်ပေါင်း ၆၀ အတွင်း ပထမဆုံးအကြိမ်အဖြစ် စတင်ဖို့ ဆောင်ရွက်နေသလို GE (General Electric Co.) ကလည်း လျှပ်စစ် ဓာတ်အားပေးစက်တွေနဲ့ ပါတ်သတ်တဲ့ ထုတ်ကုန်တွေကို သွင်းဖို့ ဆွေးနွေးနေတယ်လို့ဆိုပါတယ်။  

            ရင်းနှီမြှုပ်နှံမှု့ဆိုင်ရာ ဥပဒေ အသစ် ပြဋ္ဌာန်းနိုင်မှသာ ပွင့်လင်းမြင်သာလို့ ရင်းနှီမြှု့ပ်နှံသူတွေ ၀င်ရောက်လာနိုင်မှာပါ။  နောက်တစ်ချက်ဖြစ်တဲ့ လျှပ်စစ် ကဏ္ဍကိုလည်း သမ္မတကြီးနဲ့CNE တို့ အင်တာဗျူးမှာ ဖြေသွားတာတွေ့တော် အတော်လေး အားတက်မိပါတယ်။  ဆိုလေတော့ အလုပ်အကိုင်အခွင့်အလမ်းတွေလည်း ဟပ်ချလောင်းမဟုတ်ပေမယ့်၊ တဖြည်းဖြည်း ပွင့်လမ်းလာဖို့ အခွင့်အရေးတွေ မြင်မိတော့ အားတက်မိတယ်။  အလုပ်သမား သမဂ္ဂတွေ၊ သက်ဆိုင်ရာပါတီတွေလည်း ရင်းနှီးမြှုပ်နှံမှု့ ဥပဒေ မတင်ခင်က စလို့ နိုင်ငံခြားကုမ္ပဏီတွေနဲ့ အလုပ်လုပ်တဲ့အခါ အလုပ်သမားတွေရဲ့ ရပိုင်ခွင့်၊ လုပ်ပိုင်ခွင့်ကစတဲ့ အလုပ်သမား အခွင့်အရေးတွေနဲ့ ပါတ်သတ်တာတွေ ကြိုတင် ပြင်ဆင်ထားနိုင်ရင်တော့ အကောင်းဆုံးပေါ့လေ။  အလုပ်သမားတွေနဲ့ သက်ဆိုင်တဲ့ ဥပဒေတွေမှာလည်း နိုင်ငံခြား ကုမ္ပဏီတွေနဲ့ ပါတ်သတ်ပြီး ဖြစ်ပေါ်လာမယ့် အမှု့အခင်းတွေကို တိကျစွာ ကိုင်တွယ်နိုင်ဖို့ တိကျ၊ သေချာတဲ့ ဥပဒေမျိုးတွေ ကြိုတင်ဖြည့်စွက်နိုင်ဖို့လည်း အရေးကြီးတယ်လို့ ကျွန်တော်က မြင်ပါတယ်။ 

အင်္ဂလိပ်စာထဲက နှိုက်နှိုက်ချွတ်ချွတ်များ

၁။ အင်္ဂလိပ်စာဟာ အေဒီ ၅ ရာစုလောက်တုန်းက ဂျာမန်မျိုးနွယ်စုတွေ အင်္ဂလန်ကျွန်းကို ရောက်လာတော့မှ အင်္ဂလိပ် ဘာသာစကားဆိုပြီး အစပျိုးပါသတဲ့။  အဲ့ဒီ အချိန်တုန်းကတော့ အင်္ဂလန်နိုင်ငံမှာ ဆဲလ်တစ် ဘာသာစကားပြောပါသတဲ့။  ဒါပေမယ့် အဆိုပါ မျိုးနွယ်စုတွေ နယ်ချဲ့လာတဲ့အတွက် ဒေသခံတွေဟာ မြောက်အရပ်ကို တဖြည်းဖြည်းနဲ့ ရွှေ့လျှားလာတာ ယခု ဝေးလ နယ်လို့ခေါ်တဲ ဝေးလ်စ် ဒေသကို ရောက်သွားပါသတဲ့။  ကျူးကျော်လာတဲ့ လူမျိုးစုဖြစ်တဲ့ အိန်ဂျယ် မျိုးနွယ်စုတွေသုံးတဲ့ ဘာသာစကားကတော့ Engilsc ဆိုတာဖြစ်ပြီး နောက်တော့ အင်္ဂလန် နဲ့ အင်္ဂလိပ်ဆိုပြီး ပြောင်းလဲ လာခဲ့ပါတယ်။

Source : (Link)

၂။ အင်္ဂလိပ်ဘာသာစကားမှာ အရှည်ဆုံးသော ဝေါဟာရကတော့ “pneumonoultramicroscopicsilicovolcanokoniosis” ဆိုတာဖြစ်ပြီးတော့ စကားလုံးပေါင်း ၄၅ လုံး ပါဝင်ပါတယ်။  သူ့ရဲ့ အဓိပ္ပာယ်ကတော့ သေးငယ်လှတဲ့ ဆီလီကာ အမှုန်လေးတွေကြောင့် အဆုတ်ရောင်တယ်လို့ ဆိုပါတယ်။  ဒုတိယ အရှည်ဆုံး ဝေါဟာရကတော့ “electrophotomicrographically”  ဆိုတာပဲ ဖြစ်ပါတယ်။ 

Source : (Link)

၃။ နေ့စဉ်သုံး အင်္ဂလိပ်စာတွေထဲမှာ ပါဝင်တဲ့ စကားလုံးတွေရဲ့ ရာခိုင်နှုန်းကတော့ အောက်ပါအတိုင်း ဖြစ်ပါသတဲ့

A–၈.၁၇%၊ B-၁.၄၉%၊ C-၂.၇၈%၊ D-၄.၂၅%၊ E–၁၂.၇%၊ F-၂.၂၃%၊ G-၂.၀၂%၊ H-၆.၀၉%၊ I–၆.၉၇%၊ J-၀.၁၅%၊ K-၀.၇၇%၊ L-၄.၀၃%၊ K-၀.၇၇%၊ L-၄.၀၃%၊ M-၂.၄၁%၊ N-၆.၇၅%၊ O-၇.၅၁%၊ P-၁.၉၃%၊ Q-၀.၁%၊ R-၅.၉၉%၊ S-၆.၃၃%၊ T-၉.၀၆%၊ U-၂.၇၆%၊ V-0.98%၊ W-၂.၃၆%၊ X-၀.၁၅%၊ Y-၁.၉၇%၊ Z-၀.၀၇%

Source : (Link)

၎။ သင့်ကွန်ပျူတာ ကီးဘုတ်က A to Z စာလုံးတွေ အလုပ် လုပ်၊ မလုပ်သိချင်ရင် ထွေထွေထူးထူး လုပ်နေစရာမလိုပါဘူး “The quick brown fox jumps over the lazy dog” လို့သာရိုက်လိုက်။ အဲ့ဒီ ၀ါကျထဲမှာ A to Z အကုန်ပါပြီးသား။

Source : (Link)

အင်ဂူဒက်စ်မန်း နှင့် ဂျူး

         မနေ့ကတော့ Igudesman and Joo ဆိုတဲ့ နှစ်ယောက်တွဲ ဂီတ အဖွဲ့ A BIG Nightmare Music ဖျော်ဖြေမှု့လေးတွေကို YouTube မှာ ကြည့်ဖြစ်တယ်။  သူတို့နှစ်ယောက်ဟာ အသက် ၁၂ နှစ်အရွယ်၊ အင်္ဂလန်က ရဟူဒီ မီနူဟင်ကျောင်းမှာကထည်းက စတင်တွေ့ခဲ့ကြပြီး အဲ့ဒီထဲက အခင်ဆုံးသူငယ်ချင်းတွေ ဖြစ်ခဲ့ကြတယ်။ သူတို့ရဲ့ ဂန္တ၀င်ဂီတ ဖျော်ဖြေမှု့ဟာ ရိုးစဉ်းမနေပဲ အသောလေးတွေ၊ ယဉ်ကျေးမှု့၊ ခေတ်နဲ့ ထင်ဟပ်စေတဲ့ ရယ်စရာလေးတွေ ပါဝင်လို့ ဂန္တ၀င်တေးဂီတတွေကို လူငယ်တွေပါ စိတ်ဝင်စားလာကြတယ်လို့ ဆိုပါတယ်။  သူတို့ရဲ့ 8 To 88 Musical Education For Children of All Ages မှာလည်း အဲ့ဒီသီချင်းလေးတွေ သွားနားထောင်နိုင်ပါသေးတယ်။  ကဲ… ဒီ တနင်္ဂနွေနေ့တော့ အားလပ်ရက်နားချင်သူတွေ Igudesman and Joo တို့ရဲ့ ဖျော်ဖြေမှု့လေးတွေကို ကြည့်နိုင်ဖို့ တင်ပေးလိုက်ပါတယ်။

Stability of damaged ships

             ကျွန်ုပ်တို့သည် သင်္ဘောကို ခွက်ပုံစံရေပေါ်ပေါ်နေသော အရာတစ်ခုဟု ယူဆကြည့်ပါ။  လည်းကောင်းသင်္ဘောတွင် အလျှားလိုက်သော်လည်းကောင်း၊ ဒေါင်လိုက်သော်လည်းကောင်း ရေလုံးခန်းစည်းများ မရှိဟုယူဆပါ။  ထိုသင်္ဘော၏၀မ်းတွင်ရှိသော အပေါက်တစ်ခုမှ ရေများဝင်လာသည်ဆိုပါစို့။  လည်းကောင်းသင်္ဘောသည် အရှေ့အနောက် တိမ်းစောင်းခြင်း (Trim)၊ ဘေးဘက်သို့တိမ်းစောင်းခြင်း (List) မရှိဘဲ တည့်မတ်သော အခြေအနေဖြင့် တစ်ဖြည်းဖြည်း နစ်မြုတ်သွားမည်ဖြစ်သည်။  ဤအခြေအနေတွင် ပတ်ဝန်းကျင်မှ ဥပမာ- လှိုင်းကြောင့် သင်္ဘောတိမ်းစောင်းမှု့ စသည် စသည်တို့ကို ထည့်သွင်းစဉ်းစားခြင်းမပြုပါနှင့်။  ထိုအချိန်အတွင်တွင် ခရီးသည်များ သင်္ဘောသားများသည် သင်္ဘောကို စွန့်ခွာပြီး ဘေးကင်းရာသို့ ထွက်ပြေးနိုင်ရန် အချိန်အနည်းငယ်ရသည်။

          သို့သော် ကျွန်ုပ်တို့ လက်တွေ့၌ သင်္ဘောများတွင် ဒေါင်လိုက် နှင့် အလျှားလိုက် ရေလုံခန်းစည်းများဖြင့် (Longitudinal and Transverse Bulkheads) တည်ဆောက်ထားသည်။  ထို့ကြောင့် အဆိုပါ Bulkheads များအကြားရှိ Tanks များသို့ ရေများယိုစိမ့် ၀င်ရောက်ပါက သင်္ဘောသည် ထို ရေ၀င်သော Tanks များရှိရာဘက်သို့ တိမ်းစောင်းသွားသည်။ အကယ်၍ အဆိုပါ Tanks or Compartments (ရေလုံခန်းများ) ၏ ပမာဏသည် သင်္ဘောတစ်စီးကို တိမ်းမှောက်စေသော ပမာဏ အထိကြီးမားပြီး ရေများအလျှင်အမြန်ဝင်ရောက်လာပါက အဆိုပါ သင်္ဘောကို ဆွဲလှဲသကဲ့သို့ဖြစ်စေပြီး မိနစ်အနည်းငယ်အတွင်း တိမ်းမှောက်စေသည်။  ထို့ကြောင့် တည်ဆောက်သော သင်္ဘောများတွင် ရေလုံခန်းများ၏ ပမာဏ Permeability ကို ထည့်သွင်းစဉ်းစားရန်လိုအပ်သည်။

          Permeability ဆိုသည်မှာ သင်္ဘောတစ်စီးတွင်ရှိသော ရေလုံခန်းတစ်ခုတွင် အများဆုံးရေ၀င်နိုင်သော ပမာဏကို ဆိုလိုသည်။  Stability တွက်ချက်ရာတွင် ၀င်လာသောရေ၏ ပမာဏပေါ်မူတည်၍ Permeability ကို သုည သို့မဟုတ် ၁ ဟု သတ်မှတ်သည်။  အကယ်၍ အဆိုပါရေလုံခန်းကို ရေလုံးဝ မ၀င်သော အခြေအနေ သို့ အခန်းလွတ်ဟု ယူဆပါက Permeability ကို ၁ ဟုသတ်မှတ်သည်။  ခန်းလုံးပြည့်ရေပြည့်နေသောအခြေအနေကို Permeability တန်ဖိုး သုည ဟု ယူဆသည်။  သင်္ဘောတစ်စီးရှိ အင်ဂျင်ခန်းတစ်ခုအတွက် Permeability၏ တန်ဖိုးကို ကို ယေဘုယအားဖြင့် 0.85 ဟု သတ်မှတ်သည်။  ဆိုလိုသည်မှာ အဆိုပါ အင်ဂျင်ခန်းအတွင်းသို့ ရေ သို့မဟုတ် အခြားသော အရည် 0.15% အထိဝင်ရောက်သော်လည်း ထိုသင်္ဘော၏ Buoyance သည် လုံလောက်နေသေးပြီး မနစ်မြုတ်နိုင်သေးဟု ဆိုလိုသည်။  ထို့ကြောင့် Permeability တန်ဖိုးများပြားသော အခန်းများသည် ထိခိုက်မှု့များကြောင့် ရေယိုစိမ့်မှု့များစွာဖြစ်ပေါ်သော်လည်း Stabitily ကို ထိန်းထားနိုင်သည်။  Permeability ကိန်းညွှန်းတစ်ခု ဖြစ်သော permissible length နှင့် ပတ်သတ်သည့် Freeboard အကြောင်း၊ ပလင်းဆိုး (Plimsoll) mark အကြောင်းကို Load Line အကြောင်းရေးဖြစ်ရင် ဖော်ပြသွားပါမည်။

Intact Stability

         သင်္ဘောတစ်စီးကို ဒီဇိုင်းရေးဆွဲလျှင် ရေပေါ်တွင် တည့်မတ်စွာ (၉၀ ဒီဂရီ တည့်မတ်စွာ) တည်နေရန် ဒီဇိုင်းရေးဆွဲသည်။  ထို့ကြောင့် သင့် Hull Form ဒီဇိုင်းအပြီးသတ်သောအချိန်နှင့် သင်္ဘော၏ စက်ပစ္စည်းများ ဥပမာ- Engines, Generators, pumps အစရှိသည်တို့ကို ထည့်သွင်းသောအခါတွင် Load Distributionကို ဂရုပြုရန် လိုအပ်သည်။  Tanks arrangement များမှာ Hull form ဖန်တီးစဉ်ကပင် ထည့်သွင်းစဉ်းစားပြီး ဖြစ်သဖြင့် အထူးမဖော်ပြတော့ပေ။

          Stability ဆိုသည်မှာ အကုန်နစ်မြုတ်နေသည်ဖြစ်စေ၊  တစ်ပိုင်းတစ်စနစ်မြုတ်နေသည်ဖြစ်စေ၊ အဆိုပါရေတွင် နစ်မြုတ်နေသော အရာဝတ္တုကို တည့်မတ်သော အခြေအနေတွင် တည်ရှိနေစေခြင်းဖြစ်သည်။  အကယ်၍  အကြောင်းအမျိုးမျိုးကြောင့် အဆိုပါ တည်ငြိမ်မှု့ (Stability) ပျက်ယွင်းသွားသောအခါတွင်လည်း မူလ တည်ငြိမ်သော အခြေအနေသို့ ပြန်လည်ရောက်ရှိစေခြင်းဖြစ်သည်။ 

          Stability ဟုဆိုရာတွင် သင်္ဘောကို အလျှားလိုက် (Longitudinal Stability)နှင့် ကန့်လက်ဖြတ် (Transverse Stability)ဟူ၍  နှစ်မျိုး သတ်မှတ်နိုင်သည်။  ပုံမှန်အားဖြင့် သင်္ဘောများတွင် Longitudinal Stability သည် လုံလောက်လေ့ရှိသည်။  သင်္ဘောသည် အနံထက် အလျှားသည် ပိုမိုရှည်လျှားသည်။  ထို့ကြောင့် ယခုအခန်းတွင် Transverse Stability အကြောင်းကိုသာ အဓိက ဆွေးနွေးသွားမည် ဖြစ်ပါသည်။  ထို့ကြောင့် ယခုအခန်းတွင် Stability ဟုသုံးနှုန်းပါက Transverse Stability ဟုသာ ယူဆကြပါရန်။

          သင်္ဘောတစ်စီးတွင် ၆ ဒီဂရီမျှသော အနည်းငယ်တိမ်းစောင်းသည့် ဒီဂရီ ပမာဏကို Initial Stability ဟုခေါ်သည်။

အံရောသော် ၂၀၁၂ လန်ဒန်အိုလံပစ် အချက်အလက်များ

လန်ဒန် က အိုလံပစ်ကွင်းကြီးကို တည်ဆောက်ရာမှာ ထွက်ပေါ်လာတဲ့ အချက်အလက်တွေကတော့ ဟောဒီက အတိုင်းဖြစ်ပါသတဲ့...

အကြီးချဲ့ကြည်လိုလျှင် ဓာတ်ပုံကို click လုပ်လိုက်ပါ....

အကြောင်းကြောင်းကြောင့် စိတ်ရှုပ်နေရင် ဦးနှောက်ဆေးဖို့ပေါ့ ၁၁

အင်တာနက်မှာ တွေ့သမျှ စိတ်အပန်းဖြေစရာပုံလေးတွေကို တင်ပေးလိုက်ပါတယ်......  စိတ်ပင်ပန်းနွမ်းနယ်နေသူများ လက်ပြေလက်ပျောက် ကြည့်ရင်း ရယ်မောပျော်ရွှင်နိုင်ကြပါစေသောဝ်.....

ရယ်သောသူသည် အသက်ရှည်၏    

ကြော်ငြာ.. ကြော်ငြာ

ထီပေါက်ရင်၊ ငွေရရင် ရုတ်တရက်ချမ်းသာသွားခဲ့ရင်

              “ကျန်းကျန်း မာမာ၊ ချမ်းချမ်းသာသာ ဘေးရန် ကာဆီးမည်… လူမွဲတွေက သဋ္ဌေးဖြစ်မည်၊ မနှေးဖြစ်တော့မည်” ဆိုတဲ့ တို့နဂါးနီ သီချင်းကို လူတိုင်းနီးပါး ကြားဖူးကြမှာပါ။  အဲ့ဒါနဲ့ တွဲမြင်မိတာက လက်တွန်းလှည်း ထီဆိုင်လေးတွေ။  ထီဆိုင်တွေနဲ့ ဒီသီချင်းတွဲဖွင့်တာကတော့ နားလည်ရ အတော်ခက်သည်။  နဂါးနီသီချင်းရဲ့ ရည်ရွယ်ချက်က လူတွေ ထီးများများလှိမ့်ထိုး ကံကောင်းလို့ ထီများပေါက်ခဲ့ရင် ဆိုတဲ့ ရည်ရွယ်ချက်တော့ မဟုတ်ဘူးပေါ့လေ။  ထီပေါက်ရင် ငွေရရင် ရုတ်တရက်ချမ်းသာသွားခဲ့ရင်… ဘာလုပ်မှာလဲ? တိုက်ကြီးကြီးမှာ နေမှာလား၊ ကားအကောင်းစားတွေ ၀ယ်မှာလား… ပလက်တီနမ် လက်မလုံးလောက် ဆွဲကြိုးကြီးဆွဲမှာလား?  သို့ပေမယ့် နိုင်ငံသားတိုင်း ချမ်းသာသွားဖို့က လူတိုင်း ထီမပေါက်နိုင်၊  ဒီတော့ ထီပေါက်ရင်၊ ငွေရရင်၊ ရုတ်တရက် ချမ်းသာသွားဖို့ဆိုတာ သန်း ၆၀ ပုံ ၁ ပုံသာ အခွင့်အရေးရှိသည်။

          ခုဒီမိုကရေစီရပြီးတော့လည်း ဆင်းရဲ့မှု့ ပပျောက်ရေး စီမံချက်ဆိုပြီး သမ္မတကြီး မကြာ မကြာထည့်သွင်း ပြောတာလည်း ကြားဖူးပါရဲ့။  သို့ပေမယ့် ဆင်းရဲမှု့ ပပျောက်အောင် ဘယ်လိုလုပ်မတုန်း။  လုပ်သားတိုင်းရဲ့ ၀င်ငွေ တက်လာအောင်လုပ်မယ်။  ဒါလည်း နည်းလမ်းတစ်ခုပဲ။  သို့ပေမယ့် ကျွန်တော် တစ်ခုတော့ စဉ်းစားကြည့်တယ်။  ကျွန်တော်တို့ နိုင်ငံမှာ ဘာတွေ ဆင်းရဲနေလည်းဆိုတာကိုပါ။  ဆင်းရဲခြင်းကို ဘာနဲ့တိုင်းတာသလဲ… ငွေကြေးနဲ့ တိုင်းတာလား။  အင်း ဟုတ်တော့ဟုတ်တယ်။  ငွေကြေးဟာ ဓန အင်အားကိုပြသနဲ့ အထင်ရှားဆုံး ပြယုဒ်တစ်ခု။  ဒါပေမယ့် အဲ့ဒီ ငွေကြေးကို ဘာတွေနဲ့ ဖလှယ်ယူလဲ?  တိုင်းပြည်တစ်ခု ချမ်းသာလာဖို့ဆိုတာက အခြားတိုင်းပြည်က ငွေ၊ ငွေနဲ့ ဖလှယ်လို့ရတဲ့ ကုန်ပစ္စည်းတွေကို ကိုယ့်တိုင်းပြည်ထဲကို များများ စီးဝင်လာအောင် လုပ်တော့မှ တိုင်းပြည်ထဲမှာ ရှိတဲ့ လူတွေလည်း ချမ်းသာလာမယ်။  ဒီတော့ ဒီလို စီးဝင်မှု့လမ်းကြောင်းကို ဘယ်ကနေ ရနိုင်သလဲ? ထုတ်ကုန်နဲ့လား၊ ကုန်သွယ်မှု့နဲ့လား၊ လူ့စွမ်းအား အရင်းအမြစ်နဲ့လား၊ ခရီးသွား လုပ်ငန်းကနေပြီးတော့လား၊ လက်ညှိုးထိုးပြီး ငါ ဒါလိုချင်တယ်ဆိုတဲ့ ပြီး အိတ်ထဲထည့်တဲ့ လက်ညှိုးထိုး ပညာရပ်နဲ့လား။  လက်ညှိုးထိုးရင် ရေဖြစ်လောက်တဲ့ တန်ခိုးနဲ့ ပြည်စုံတဲ့ လူတွေ မြန်မာပြည်မှာတော့ မရှိတာသေချာတယ်။  ဒီတော့ လက်ညှိုးထိုး ပညာရပ်နဲ့တော့ တိုင်းပြည်ကြီးကို ဓနအင်အား တောင့်တင်းလာအောင် လုပ်လို့ မရဘူးဆိုတာ သေချာတယ်။  ဒီတော့ ငွေကြေးရဲ့ ၀င်ငွေစီးဝင်လာမယ့် လမ်းကြောင်းတွေမှာ ကျွန်တော်တို့ ဘာတွေ ဆင်းရဲနေလဲဆိုတာကို ဆန်းစစ်ကြည့်ဖို့ လိုအပ်လာတယ် လို့ ကျွန်တော်က မြင်မိပါတယ်။ 

ဟမ်းစတားတို့ရဲ့ ၂၀၁၃ အိုလံပစ်

          ဟမ်းစတားလို့ နာမည်တပ်လိုက်ပေမယ့် ဟမ်းစတားအစစ်တော့မဟုတ်ပါဘူး။  Guinea Pig လို့ခေါ်တဲ့ အိမ်မွေး အကောင်ကလေးတွေရဲ့ အကြောင်းပါ။  လန်ဒန်မှာ ၂၀၁၂ အိုလံပစ်ကြီးနီးလာပြီးဆိုတော့ စီးပွားရေး လုပ်တဲ့လူတွေလည်း နည်းအမျိုးမျိုးနဲ့ ငွေရှာလာကြတာပေါ့လေ။  ခုလည်း Maverick Arts Publishing ကနေပြီးတော့ လန်ဒန် အိုလံပစ်ပြိုင်ပွဲမှာ ပါဝင်လာမယ့် အားကစားနည်းတွေအတိုင်း အဲ့ဒီ Guinea Pig လေးတွေကို ထည့်သွင်းလို့ ၂၀၁၃ အတွက် ပြက္ခဒိန် ထုတ်ဝေလိုက်ပါသတဲ့။  ၀ယ်ယူလိုသူများ http://www.themavertickshop .com/calandars/ မှာ ၀ယ်လို့ရပါသတဲ့ဗျား။  Guinea Pig အကြောင်းသိချင်ရင်တော့ မပူးပူးရဲ့ ဆိုဒ်မှာ သွားဖတ်လို့ရပါတယ်။  သူကတော့ ဟမ်းစတား စပယ်ရှယ်လစ် ဖြစ်လေတော့ အဆိုပါ အကောင်လေးတွေအကြောင်း တော်တော်လေး သိပါတယ်။

ဝယ်ကြဦးမလား ဘွဲ့လက်မှတ်များ

          အကောင်ကြီးကြီး အမြီးရှည်ရှည်ဆိုတာ ကြားဖူးမှာပေါ့။  အမြီးရှည်လို့ အကောင်ကြီးတာလား၊ အကောင်ကြီးလာလို့ အမြီးတွေရှည်လာတာလားတော့ သေချာမသိ။  သို့သော် ၂၁ ရာစုမှာတော့ လူတိုင်း အမြီးရှည်မှ အကောင်ကြီးဖို့ ပိုမို အခွင့်အလမ်းရှိမည်ဟု ယုံကြည်လာကြသည်။  ဆိုလိုတာက ရာထူးကြီးကြီးရဖို့ရာ အတွေ့အကြုံသာမက ပညာရေး လက်မှတ်တွေလည်း လိုလာကြသည်။     ပညာရေးလက်မှတ်တွေ ရှိမှ ရာထူးမြင့်မြင့်ရနိုင်မယ်လို့ ယုံကြည်လာကြလေတော့ များများလေ့လာရမှာပေါ့လေ။  များများလေ့လာနိုင်ဖို့ကတော့ တက္ကသိုလ်တွေတက်ပေါ့။  တက္ကသိုလ်တွေက ကျင်းပတဲ့စာမေးပွဲတွေကို အရည်အချင်းရှိရှိ ဖြေနိုင်ရင်တော့ ဘွဲ့လက်မှတ်ရ၊ ရတော့ အမြီးထပ်ရှည်၊ ရာထူးတိုးဖို့ ပိုလွယ် ဒီလိုမျိုးပေါ့။  ဆိုလိုတာက တတ်ထားတဲ့ ဘွဲ့ဟာ အသုံးချလုပ်ငန်းအတွက် အထောက်အကူဖြစ်ရမယ်ကို ဆိုလိုတာပါ။  ဒီနေ့ သတင်းလေးတစ်ပုဒ်ဖတ်လိုက်ရတယ်။  တရုတ်နိုင်ငံက ရောင်းနေတဲ့ ဘွဲ့လက်မှတ် အကြောင်းတွေပါ။  အတုအကုန်လုံး တရုတ်မှာ ပေါတယ်။  ကားလည်း အတုရှိတယ်၊ တံဆိပ်မျိုးစုံ အတုရှိတယ်.. ဟော အခုတောင် အိုင်ဖုန်း၅ ကြိုမှာလို့ရပြီဆိုပြီး တစ်ချို့ဆိုင်တွေမှာ ကြော်ငြာနေပြီ။  ပန်းသီးကတောင် တရားဝင်မထုတ်သေးဘူး။  စတိဂျော့ဘ်သာ ဒီသတင်းကြားရင်တော့ အုတ်ဂူထဲကနေ ရင်ထုနေရမယ့် ကိန်း။  ဒီတော့ ဘွဲ့လက်မှတ် အတုတွေ ၀ယ်လို့ရတာလည်း မဆန်းလှပါဘူး။  တရုတ်နိုင်ငံတွင်းမှာ နှစ်စဉ်နှစ်တိုင်း ဘွဲ့ရတဲ့ မောင်၊မယ် သစ်လွင် အရေအတွက် ဘယ်လောက်ထင်သလဲ?  ၇ သန်းတဲ့ဗျ။  ဒီတော့ သူတို့ရတဲ့ ဘွဲ့နဲ့ ကိုက်ညီမယ့် အလုပ်ကို ရှာဖို့၊ လစာကောင်းတဲ့ အလုပ်တွေရှာဖို့ ဆိုတာကလည်း စိန်ခေါ်မှု့တစ်ရပ်ပေါ့လေ။  ဒီကြားထဲ ဘွဲ့လက်မှတ် အတုတွေ ကိုင်ထားတဲ့ လူတွေပါ ရောတိုးတော့ လူငယ်တွေအတွက် အခက်အခဲပိုများလာတယ်လို့ဆိုပါတယ်။

လန်ဒန်ရဲ့ အိုလံပစ်မှာ ဒိုက်ထိုးမယ့် ဘက်စ်ကား

           ချက်နိုင်ငံသား အနုပညာရှင် ဒေးဗစ် ဆန်နီ (David Cerny) ကတော့ ၂၀၁၂ ခုနှစ် လန်ဒန်မှာ ကျင်းပမယ့် အိုလံပစ်အတွက် ထူးထူးခြားခြား ဖန်တီးလိုက်တာကတော့ ဒိုက်ထိုးမယ့် ဘက်စ်ကားပါတဲ့။  ပြီးခဲ့တဲ့ သောကြာနေ့ကတော့ အဆိုပါကားကို စတင်စမ်းသပ်နိုင်ခဲ့ပါတယ်။

          ဆန်နီဟာ ဟော်လန်ကနေ အဆိုပါ ဘက်စ်ကားကို ၀ယ်ယူခဲ့ပြီးတော့ ကြီးမားတဲ့ လူသား လက်မောင်းပုံစံ စက်လက်တံကြီးကို တပ်ဆင်ခဲ့တာပါ။  ဒီ လျှပ်စစ်စွမ်းအားသုံး လက်ကြီးတွေဟာ အဆိုပါ ဘက်စ်ကားကို မတင်ပြီးတော့ ဘက်စ်ကားဟာ ဒိုက်ထိုးနိုင်မှာဖြစ်ပါတယ်။  ဘက်စ်ကားကြီး ဒိုက်ထိုးတဲ့အချိန်တိုင်းမှလည်း အားတင်ပြီး ဒိုက်ထိုးတဲ့ အသံထွက်ပေါ်လာမှာဖြစ်ပြီးတော့ ဘက်စ်ကားရဲ့ ပြုတင်းပေါက်တွေမှာလည်း အရုပ်တွေ ထွက်ပေါ်လာမှာဖြစ်ပါတယ်။

          “အားကစားသမားတိုင်းရဲ့ လေ့ကျင့်ခန်းတွေထဲမှာ မပါမဖြစ်ကလည်း ဒိုက်ထိုးခြင်းပဲလေ” လို ဆန်နီက ပြောသွားပါသေးတယ်။ ဆန်နီကတော့ သူ့ရဲ့ ဒိုက်ထိုးတဲ့ ကားကြီးကို London Booster လို့ နာမည်ပေးထားပါတယ်။  သူ့ရဲ့ ဒိုက်ထိုးတဲ့ ကားကြီးကို လောလောဆယ် လန်ဒန်က Czech Olympic House တည်ရှိရာ Islington မှာ ထားရှိပါတယ်။  

             အောက်မှာတော့ ဒေးဗစ် ဆန်နီရဲ့ ဘက်စ်ကားကြီး ဘယ်လို ဒိုက်ထိုးလဲဆိုတာကို YouTube ဗီဒီယိုလေးက တစ်ဆင့် ကြည့်နိုင်ပါတယ်။

သွားကြဦးမလား ဖိလစ်ပိုင်က ရေတံခွန် စားသောက်ဆိုင်

               ဖိလစ်ပိုင်နိုင်ငံ ကျူဇွန်ပြည်နယ်က ဗီလာ အက်စ်ကူဒဲရို ဆိုတဲ့ အပန်းဖြေနေရာလေးကတော့ သွားရောက် လည်ချင့်စဖွယ်နေရာလေးပါ။  ကျယ်ဝန်းတဲ့ အိမ်နဲ့ခြံတွေမှာ အေးအေးဆေးဆေး အနားယူနိုင်သလို အဓိကစိတ်ဝင်စားဖို့အကောင်းဆုံး နေရာလေးကတော့ ရေတံခွန် စားသောက်ဆိုင်ပဲ ဖြစ်ပါတယ်။  သစ်ရွက်သစ်ခက်တွေနဲ့ ပြင်ဆင်ထားတဲ့ စားဖိုမှုးတွေရဲ့ ဒေသခံ အစားအသောက် ပြင်ဆင်မှု့၊ ၀ါးထိုင်ခုံလေးတွေနဲ့ ရေတံခွန်းကြီးအောက်မှာ ရေတံက ကျလာတဲ့ စမ်းရေလေးတွေထဲကို ခြေထောက်ချပြီး နေ့လည်စားစားရတဲ့ အရသာဟာ ဘာနဲ့မှ လဲနိုင်မှာမဟုတ်ပါဘူး။ 

လက်ဖက်ရည်

PSPC – Performance Standard for Protective Coating အကြောင်း

          ဒီပိုစ့်က သင်္ဘောတည်ဆောက်မှု့နဲ့ သက်ဆိုင်တဲ့ ပိုစ့်ဖြစ်လို့ သင်္ဘောတည်ဆောက်မှု့ လိုင်းက မဟုတ်သော စာဖတ်သူတွေအတွက် ပျင်းစရာကောင်းမှာပါ။  PSPC စတော့ သင်္ဘောကျင်းတွေ ကျယ်ကျယ်လောင်လောင် အသံထွက်လာသည်။  အထူးသဖြင့် Ballast Tank တွေနဲ့ ပါတ်သတ်ပြီးတော့ ပိုမိုတင်းကျပ်လာသည်။  သင်္ဘောစတင်တည်ဆောက်ချိန်မှစပြီးတော့ Ballast Tank တွေမှာ ပိုမိုပြီးတော့ အလုပ်တွေများလာမည်၊ စသည်၊ စသည်ဖြင့်။ ဒီတော့ PSPC နဲ့ပါတ်သတ်ပြီးတော့ အနည်းငယ်လေး တင်ပြပါရစေ။

PSPC ရဲ့ သတ်မှတ်မှု့များ

          နံပါတ်တစ်အနေနဲ့ PSPC ကို ဘယ်သင်္ဘောတွေမှာ မဖြစ်မနေ လိုက်နာဆောင်ရွက်ရမလဲဆိုတာပါ။  ၁) International Maritime Organization (IMO) က resolution MSC. 215(82) အနေနဲ့ ၂၀၀၈ ခုနှစ် ဇူလိုင် ၁ရက်နေ့မှာ စတင်ပြီးတော့ သင်္ဘောအသစ်ဆောက်ဖို့ စာချုပ်ချုပ်တဲ့ သင်္ဘောတွေအတွက် လိုက်နာရမည်လို့ ပြဋ္ဌာန်းပါတယ်။  ဒါပေမယ့် သင်္ဘောအားလုံးကိုတော့မဟုတ်ပါဘူး။  Gross Tonnage ၅၀၀ အထက်သင်္ဘောတွေနဲ့ Double-side skin ပုံစံနဲ့ ဆောက်တဲ့ Bulk Carrier သင်္ဘော (မီတာ ၁၅၀ အထက်) ဆိုရင်  PSPC ကို မဖြစ်မနေ လိုက်နာရမှာပါ။  (ဆိုလိုတာက Gross Tonnage ၅၀၀ အထက် သင်္ဘောတွေရဲ့ Ballast Tanks တွေရယ်၊ မီတာ ၁၅၀ အထက်ရှိတဲ့ Double skin Bulk Carrier သင်္ဘောတွေရဲ့ Ballast Tanks တွေနဲ့ Double Bottom Tanks တွေရယ် မှာ PSPC ကို မဖြစ်မနေ လိုက်နာရမယ် ဆိုတာပါ။)

၂) ဒါ့အပြင် ၂၀၁၃ ဇန်န၀ါရီ ၁ ရက်နေ့မှာ နောက်ထပ် အကျုံးဝင်လာမည့် သင်္ဘောတွေလည်း ရှိပါသေးတယ်။  ဒီသင်္ဘောတွေအတွက် IMO က resolution MSC. 288(87) အနေနဲ့ ထပ်မံ ပြဋ္ဌာန်းထားပါတယ်။  MSC. 288(87) မှာ အကျုံးဝင်လာမည့် သင်္ဘောတွေကတော့ တန် ၅၀၀၀ deadweight အထက်ရှိတဲ့ Oil Tanker တွေထဲက Crude Oil Tanker တွေ ပဲဖြစ်ပါတယ်။

ခုလောလောဆယ်မှာတော့ International Maritime Organization (IMO) က Safety of Life At Sea (SOLAS) regulations တွေထဲမှာ resolution MSC.216(82) နှင့် MSC.291(87) တို့ကို ထပ်မံထည့်သွင်းပြီး PSPC စနစ်နဲ့ သင်္ဘောတွေကို တည်ဆောက်ဖို့ အတည်ပြု ပြဋ္ဌာန်းထားပါတယ်။  ဒါ့ကြောင့် SOLAS II-1/3-2 regulation မှာ IMOရဲ့ MSC.215(82) အကျုံးဝင်နေတာကို တွေ့ရမှာပါ။ ဒါ့အပြင် နံပါတ် ၂ မှာပြောခဲ့တဲ့ resolution MSC.288(87) ဟာလည်း SOLAS ရဲ့ Chapter II-3-2 regulation တွေထဲမှာ ၂၀၁၃ ဇန်န၀ါရီ ၁ ရက်နေ့ကစပြီးတော့ သက်ရောက်လာမှာပါ။ 

သွားကြဦးမလား မြွေအနှိပ်ခန်းတဲ့

          အစ္စရေးနိုင်ငံမှာတော့ ထူးထူးခြားခြား မြွေအနှိပ်ခန်း ဖွင့်ထားတယ်လို့ဆိုပါတယ်။  ပိုင်ရှင်ဖြစ်သူ အဒါ ဘားရက် ကတော့ သူ့အနှိပ်ခန်းကို လာရင် ကလီဖိုးနီးယားက မြွေ၊ ဖလော်ရီဒါကမြွေ၊ အပြင် မြွေမျိုးစုံနဲ့ နှိပ်ပေးမယ်လို့ ဆိုပါတယ်။  ဘားရက်ကတော့ စပါးကြီးမြွေနဲ့ ကြီးမားတဲ့ မြွေကြီးတွေကို အသုံးပြုခြင်းအားဖြင့် ခန္ဓာကိုယ်ရဲ့ အကြောတွေကို ဖြေလျှော့ပေးနိုင်ကြောင်းကို နှစ်ပေါင်းများစွာ လေ့လာခဲ့ပါသတဲ့။  အနှိပ်ခံသူများဟာ မြွေကြီးတွေနဲ့ ထိတွေ့ပြီးနောက်မှာ သူတို့ရဲ့ စိတ်ဖိစီးမှု့တွေကိုပါ ဖြေလျှော့နိုင်တယ်လို့လဲ ဆိုပါတယ်။ 

          မြွေအရွယ်အစားကတော့ နှိပ်နည်းအမျိုးမျိုးပေါ်မူတည်ပါသတဲ့။  သင်ဟာ အရမ်းကို ပင်ပန်းနွမ်းနယ်နေရင်တော့ မြွေအကောင် ကြီးကြီးတွေနဲ့နှိပ်ပေးမှာဖြစ်ပြီးတော့ မြွေအကောင် သေးသေးလေးတွေကတော့ မျက်နှာလိုမျိုး၊ ခြေထောက်လိုမျိုး သေးငယ်တဲ့ အစိတ်အပိုင်းတွေ အတွက်ဖြစ်ပြီ တလှပ်လှပ် ခံစားရစေမယ်လို့ ဆိုထားပါတယ်။  အဲ.. တစ်ခါနှိပ်ရင်တော့ အမေရိကန်ဒေါ်လာ ၈၀ ယူပါသတဲ့ဗျား။  ကဲ.. အလုပ်ပင်ပန်း၊ ညောင်းညာ၊ စိတ်ဖိစီးသူများ မြွေအနှိပ်ခန်းကလေးကို သွားပြီး စမ်းကြည့်ကြပါဦးလား?

ခွေး

          ခွေးဆိုလေတော့ ခွေးပေါင်းစုံ နဲ့ပါတ်သက်ပြီး YouTube က ဗီဒီယိုလေးတွေ တင်ပေးလိုက်ကြောင်းပါ။ 

ဒီဗီဒီယိုကတော့ ခွေး ထမင်းစားပွဲပါတဲ့.. ရယ်တော့ ရယ်ရသဗျိုး

သြော်.. ဆိုင်းဘုတ် ဆိုင်းဘုတ် ၂

ဂူဂဲလ်မှာ တွေ့သမျှ ဆိုင်းဘုတ်လေးတွေ တင်ပေးလိုက်ပါတယ်။  ရယ်မော ပျော်ရွှင်နိုင်ကြပါစေသောဝ်...    မူရင်း ဓာတ်ပုံ ရိုက်သူတွေကိုတော့ ဒီနေရာကနေပဲ ခရက်ဒစ်ပေးပါရစေခင်ဗျာ။  ဘယ်သူတွေရိုက်လို့ ဘယ်သူတွေက တင်ပြီး ဘယ်လိုများ ပြန့်ပွားသွားလည်းဆိုတာ မသိတဲ့အတွက်.. မူရင်း ဓာတ်ပုံပိုင်ရှင်တွေကို အထူးပဲ ကျေးဇူးတင်ကြောင်းပါ။

စာလုံးပေါင်းလေးလွဲတော့ မတွေးရဲစရာပါလား

ဆက်ဆိုဖုန်းနဲ့ ဟန်ကျနေတဲ့ ဖျံ

          တူရကီနိုင်ငံက လင်းပိုင်လေးတွေကို ပြသတဲ့ ပြတိုက်မှာတော့ ရွှေပွဲလာ ပုရိသတ်တွေ ပွဲကျတဲ့ပြပွဲလေးတစ်ခုကတော့ ဆက်ဆိုဖုန်း တီးမှုတ်ပြတဲ့ အာတိတ်ဒေသက ဖျံအမျိုးအစား “ဆာရာ” ရဲ့ ရှိုးပွဲပဲဖြစ်ပါတယ်။  ဒီပြတိုက်ဟာ တူရကီနိုင်ငံ အစ္စတန်ဘူး မြို့မှာရှိပြီးတော့ ရုရှားနဲ့ တူရကီနှစ်နိုင်ငံ ပူးပေါင်းပြီး ဖွင်လှစ်ခဲ့တာဖြစ်ပါတယ်။

          ကဲ ဆက်ဆိုဖုန်းနဲ့ ဟန်ကျနေတဲ့ ဖျံကလေး ဆာရာကို ရှု့စားကြပါစို့ဗျား…

တရုတ်လူမျိုးစုများ၏ ၀တ်စားဆင်ယင်မှု့

          အငြိမ်မနေ ၀ိကီပီဒီယာထဲမှာ ရှာကြည့်လိုက်တော့ တရုတ်လူမျိုးစု စာရင်းလေးသွားတွေ့တယ်။  လူမျိုးစုပေါင်း ၅၆ မျိုးကို တရားဝင်လူမျိုးစုအဖြစ် သတ်မှတ်ထားတာ တွေ့ရပြီးတော့ ၅၇ခုမြောက်မှာတော့ ရောရာအဖြစ်ပေါင်းထည့် ထားတာတွေ့ရတယ်။  အဲ့ဒီလူမျိုးစုတွေထဲမှာ သူတို့အခေါ် ဂျင်းပို (မြန်မာလို ကချင် (ဂျိန်းဖော)) လူမျိုးစု၊ လားဟူ လူမျိုးစု၊ တရုတ်အခေါ် အချန်လူမျိုးစု (မြန်မာလို - မိန်ဿ) လူမျိုးစု၊ ၀ လူမျိုးစုတွေကိုလည်း တရုတ်တိုင်းရင်းသားလူမျိုးစုတွေထဲမှာ ထည့်ထားတာ တွေ့ရတယ်။  အောက်မှာတော့ အဲ့ဒီလူမျိုးစုတွေထဲက အချို့ လူမျိုးစုတွေရဲ့ ရိုးရာ ၀တ်စားဆင်ယင်ပုံလေးတွေကို ဖော်ပြပေးလိုက်ပါတယ်ဗျား။

ဂျင်းပို လို့ခေါ်တဲ့ (ကချင်လူမျိုး)

သတိ- ရည်းစားမရလျှင် အလုပ်ထွက်မည်

          ခုရက်ပိုင်း တရုတ် အင်တာနက်မှာ ပျံနှံနေတာကတော့ လူငယ်လေး တစ်ယောက်ရဲ့ အလုပ်ထွက်စာပဲဖြစ်ပါတယ်။  သူအလုပ်ထွက်ရတဲ့ အကြောင်းအရင်းကို ရေးထားတာကတော့  “ကုမ္ပဏီဟာ ခပ်သေးသေးလေးမို့ မိန်းကလေး အရေအတွက်လည်း နည်းလှပါတယ်။  ဒါ့ကြောင့် ဒီကုမ္ပဏီမှာ အလုပ်လုပ်ရင်းနဲ့ ရည်းစားရှာဖို့မလွယ်သောကြောင့် အလုပ်ထွက်ပါသည်” ဟူ၏။ 

          ထိုလူငယ်လေးကတော့ ထွက်စာရိုးရိုးတင်ရုံတင်မက သူ့ကိုယ်ပိုင် ဘလော့ဂ်မှာပါ သူ့ထွက်စာကို တင်လိုက်ပါသေးတယ်။  ခေါင်းစဉ်မှာကတော့ “ဒါဟာ ဟာသမဟုတ်ဘူး၊ ဒါဟာ ဆွန်တဲ ကျင်းတိုင် တဲ့ရှန်း ကားကုမ္ပဏီကို တင်တဲ့ တစ်ကယ့် အလုပ်ထွက်စာ” ဆိုပြီးတော့ ခေါင်းစဉ်နဲ့ တင်ထားပါသတဲ့ဗျား။ 

          သူ့ထွက်စာကို မြင်တော့ မန်နေဂျာက လက်မှတ်ထိုးပေးရုံသာမက အောက်မှာပါ ဖြည့်ပြီးတော့ရေးပေးလိုက်ပါသေးတယ်။  မန်နေဂျာ ရေးထားတာကတော့ “မောင်ရင်.. ရည်းစားမရတာနဲ့ တစ်ခြားလူတွေကို အပြစ်လှိမ့်တင်မနေနဲ့၊ မောင်ရင့်ဘာသာ မောင်ရင် ရည်းစားမရှာနိုင်တာ” ဆိုပြီး ရေးထားတာပါ။  ဒါပေမယ့် ဒီထွက်စာဟာ အဲ့ဒီ ကုမ္ပဏီက  တကယ့် အလုပ်ထွက်စာ ဟုတ်မဟုတ်ကိုတော့ စုံစမ်းနေတုန်းပဲလို့ ဆိုပါတယ်။  အဆိုပါ ကုမ္ပဏီမှာတော့ လူပေါင်း ၁၀၀၀ လောက် အလုပ်လုပ်နေတယ်လို့ ဆိုသတဲ့။ 

          ကဲ.. လူပျိုကြီးများ ရည်းစားရဖို့ အလုပ်ထွက်ကြဦးမလားဗျာ?

Source : (Link)