Norah Jones

          သူမရဲ့ သီချင်းလေးတွေက Country music ကို jazz နဲ့ ရောထားတဲ့ သီချင်းအေးအေးလေးတွေ…။   မိုးအေးအေးလေးရွာနေတဲ့အချိန် ကော်ဖီလေးတစ်ခွက်နဲ့ ညဖက် သူမရဲ့ သီချင်းလေးတွေကို အခန်းထဲမှာ ခပ်တိုးတိုးလေးဖွင့်ထားပြီး နားထောင်ရတဲ့ အရသာက ကျွန်တော့် ဖေးဘရိတ်။  သူမရဲ့ သီချင်းတွေကို စပြီးတော့ နားထောင်ဖြစ်တာက ၂၀၀၉ ခုနှစ်လောက်မှ။  ကျွန်တော်တို့ အိမ်က အစ်ကိုကြီးက နားထောင်ကြည့်ဆိုပြီး ပေးတော့ နားထောင်ကြည့်လိုက်တာ။  အဲဒီထဲက ရှတတ အသံလေးနဲ့ သူမရဲ့ သီချင်း အေးအေး လေးတွေကို ကြိုက်တယ်။  ၂၀၀၂ ခုနှစ်ကထွက်တဲ့ Come away with me ထဲက သီချင်းလေးတွေကိုလဲ အကုန်ကြိုက်တယ်။  နောက်ပိုင်း Feels like home၊ Not Too late ထဲက သီချင်းတွေကိုလဲကြိုက်တယ်။

Come away with me

မနီ မနီ ထထ၊ ထထ နီမ နီမ (သို့) တြီဂို

          အလုပ်ထဲမှာ ခဏ ခဏ ပြဿနာတက်ရသည်မှာ မနီ မနီ ထထ၊ ထထ နီမ နီမ ပြဿနာပင်ဖြစ်သည်။  ထုံးစံအတိုင်း အလုပ်ထဲမှာ Thruster well machining လုပ်တဲ့အခါတွေ၊ Inclining test လုပ်တဲ့အခါတွေမှာ၊ Shaft alignment ရဲ့ tolerance ပြန်တွက်တဲ့အခါတွေမှာ ဒီပြဿနာ ခဏ ခဏတက်သည်။  မနီ၊ မနီ ထ ထ ကိုပင် ပြန်ရှင်းရသည်မှာ ပိုပြီး အချိန်ကုန်သည်။  တစ်ကယ်တော့ တြီဂိုဟာ စိတ်ဝင်စားစရာ တော်တော်ကောင်းသော ဘာသာရပ်ဖြစ်သည်။

          တြီဂို အကြောင်း မစခင် စက်ဝိုင်း နှင့် တြိဂံ အကြောင်း အရင်စပြောရတာ ပိုကောင်းမည်။  စက်ဝိုင်းဆိုသည်မှာ စက်ဝိုင်းဖြစ်သည်။  တြိဂံ ဆိုသည်မှာ တြိဂံဖြစ်သည်။  စက်ဝိုင်းတွင် ဒီဂရီပေါင်း ၃၆၀ အားဖြင့် ပိုင်းထားသည်။  ဘာကြောင့် ၃၆၀ ပိုင်းလဲ?  အပိုင်းပေါင်း ၈၀၀၊ ၉၀၀၊ ၁၀၀၀ ပိုင်းရော မဖြစ်နိုင်ဘူးလား မေးစရာတော့ ရှိသည်။  ရနိုင်သည်။  စိတ်ကြိုက်ပိုင်းပေါ့။  ဒါပေမယ့် ဒီဂရီ ဆိုသော အခေါ်အဝေါ်ကို ဆူမားရီးယန်း တွေက ကြေးခေတ် (ခရစ်တော် မပေါ်ခင် နှစ်ပေါင်း ၄၀၀၀၊ ၄၅၀၀ လောက်ကထဲက) ထွင်ပြီးဖြစ်သည်။  ထို့ကြောင့် သူတို့ ထွင်ပြီးသာကို လိုက်ပြီး သုံးရတာ အဆင်ပြေသည်။  ကိုယ့်အရင်လူတွေကလည်း စက်ဝိုင်းကို အပိုင်းပေါင်း ၃၆၀ ပိုင်းပြီးတော့ စဉ်းစားပြီး သီအိုရီတွေ၊ ညီမျှခြင်းတွေ၊ မှန်ကန်မှု့တွေ တွက်ချက်ခဲ့ကြသည်။ 

သူတို့ကရော ဘာဖြစ်လို့ ၃၆၀ ပိုင်းလဲ ဆိုတာကျတော့ ပြောရတာ နဲနဲ လက်ပေါက်ကပ်သည်။  ဟိုးတုန်းက ကြယ်တွေကို ကြည့်ကြသည်။  အဲ့ဒီတုန်းက ပြက္ခဒိန်တွေက တစ်နှစ်ကို အကြမ်းအားဖြင့် ရက်ပေါင်း ၃၆၀ လို့ သက်မှတ်ကြသည်။  ခုလိုမျိုး ၃၆၅.၂၄၂ ရက် အတိအကျ မဟုတ်သေး။  ဒီတော့ ရက်တစ်ရက်ကုန်တိုင်း ကြယ်တွေ ရွှေ့သွားတဲ့ နေရာကို မှတ်ရလွယ်အောင် စက်ဝိုင်းပေါ်မှာ အပိုင်း ၁ ပိုင်း (၁ ဒီဂရီ) သတ်မှတ်ပြီး တစ်နှစ်ပြည့်တော့ ရက်ပေါင်း ၃၆၀ စက်ဝိုင်းပေါ်မှာ အပိုင်း ပေါင်း ၃၆၀ လို့ သတ်မှတ်တယ်လို့ ဆိုကြတာပဲ။    ကိုယ့်အလှည့်ကြတော့မှ ထူးပြီး ပိုပိုင်းလိုက်လျှင်၊ လျှော့ပိုင်းလိုက်လျှင် ကိုယ့်ထွင်ထားတာကို တစ်ခြားသော ယူနစ်တွေနှင့် လိုက်ချိန်ရင်း အချိန်ကုန်သွားနိုင်သည်။  ပြီးလျှင် ကိုယ့်ကို အရူးကြီးလို ၀ိုင်းကြည့်ကြဦးမည်။  ထားတော့၊ ထို့ကြောင့် စက်ဝိုင်းတွင် ဒီဂရီ အပိုင်းပေါင်း ၃၆၀ နှင့် ပိုင်းသည်။ ဒါကို မျက်စိထဲ မြင်နေရင် ပြီးတာပဲ။ 

ပလက်စတစ်ရုပ်ကလေးလို မိန်းကလေး

          ယူကရိန်းနိုင်ငံက ဗာလီရီယာ ဆိုသူလေးကတော့ အများနဲ့ မတူ တစ်မူထူးလို့ ဘာဘီ ကော်ပတ်ရုပ်လေးနဲ့ တူပါတယ်ဆိုပြီး အင်တာနက်တစ်ခွင်မှာ နာမည်ကြီးနေပါတယ်။  သူမကတော့ ရုရှားဘာသာစကားသုံး အင်တာနက်မှာ နာမည်အကြီးဆုံး ဖြစ်ရမယ်လို့ ဆိုနေပါတယ် (အင်း ဗယာကြော် ရောင်းခိုင်းလိုက်ရင် ကောင်းမလားပဲ)။  အသက် ၂၁ နှစ်သာရှိသေးတဲ့ သူမရဲ့ ရွှေအိုရောင် ဆံပင်၊ အရုပ်လို အချိုးအစားတွေကြောင့် သူမကို ဘာဘီရုပ် သက်ရှိလူသားလို့ ခေါ်ဆိုနေကြပါတယ်။

H7N9

          စီလုတ်ပြည်တွင် နေရသည်မှာ ခုရက်ပိုင်း အတော့်ကို နေမထိထိုင်မသာ ဖြစ်နေ၏။  အကြောင်းမူကား H7N9 ကြောင့်ပင်ဖြစ်သည်။  ကျွန်တော်နေသည်က ရှန်ဟိုင်း၊  H7N9 ဖြစ်ပွားမှု့အများဆုံးနေရာကလည်း မြေပုံမှာ ပြထားသလို ဒီနေရာပင်ဖြစ်သည်။  ဧပြီလ ၁ ရက်နေ့တုန်းက WHOက Influza A (H7N9) တုပ်ကွေးကို လူတွေဆီမှာ ကူးစက်ကြောင်း တရားဝင်ထုတ်ပြန်သည်။  လောလောဆယ်အထိတော့ လူပေါင်း ၁၁၃ ယောက်ကို ကူးစက်ပြီးဖြစ်ကြောင်းကို ဓာတ်ခွဲခန်းစစ်ဆေးချက်များအရ အတည်ပြုထုတ်ပြန်ထားပြီး ဒီအထဲကနေ ၂၂ ယောက်ကတော့ သေသွားပြီ။ ငှက်တွေ၊ ကြက်တွေက ကူးသည်ဟုဆို၏။ အများဆုံး သံသယရှိသည်က ကြက်ခြံ၊ ဘဲခြံတွေကနေ စတင်ကူးသည်ဟု ဆိုသည်။

Shanghai F1

         Formula 1 Grand Prix ကို ခုမှ အရှင်လတ်လတ် အပြင်မှာ မြင်ဖူးခြင်းဖြစ်သည်။  စလုံးမှာတုန်းကတော့ ညဖက် မောင်းသည့် F1 ပြိုင်ပွဲရှိသော်လည်း သွားမကြည့်ဖြစ်။  ဈေးကြီးသည်ဟု ဆိုသောကြောင့်ဖြစ်သည်။  ဟုတ်သည် မဟုတ်သည်တော့မသိ။  ရှန်ဟုိုင်းမှာတော့ ရုံးက လက်မှတ်ပေးသောကြောင့် သွားကြည့်ဖြစ်သည်။  လက်မှတ်က စနေ၊ တနင်္ဂနွေ နှစ်ရက်စာ လက်မှတ်ဖြစ်သော်လည်း စနေနေ့ အလုပ်လုပ်ရသောကြောင့် တနင်္ဂနွေနေ့မှ သွားကြည့်ဖြစ်ခြင်းဖြစ်သည်။

ဝက်ကလီစာ မဆလာချက်

          မင်းသိင်္ခရဲ့ ၀တ္တုထဲမှာ ဖတ်ဖူးတယ်…  တရုတ်ဆိုင်က ခေါက်ဆွဲကြော်ကိုဝယ်… ပြီးရင် မဆလာ ဖြူးပြီးစားရင် တယ်စားလို့ ကောင်းလို့ ဆိုတာပဲ။  ဒီလိုပဲ ဆိတ်ကလီစာမဟုတ်ပဲနဲ့ ၀က်ကလီစာကို မဆလာနိုင် နိုင်နဲ့ ချက်လိုက်ရင် မွှေးပြီးတော့ စားလို့အကောင်းသား။

          စင်ကျားပေါမှာ သောင်တင်နေတာ ၂ ပတ်ကျော်သွားပြီ။  အင်း… ဒီအတိုင်းနားနေရတော့လဲ နေရ၊ ထိုင်ရတာ တစ်ခုခုလိုနေသလိုပဲ။  ဒီနေ့တော့ ၀က် ကလီစာကို မဆလာတွေ ဘာတွေနဲ့ အုပ်ပြီးတော့ ချက်ဖြစ်လိုက်တယ်။  အစာအိမ်၊ နှလုံး၊ လျှုာ၊ အသည်း အင်း အဲ့ဒီ ၄ မျိုးပဲ ထည့်လိုက်တယ်။  ကလီစာလေးတွေကို အနေတော်လေးတွေ တုံး၊  ဆား၊ ဆနွင်း နည်းနည်း၊ သံပရာရည်လေး နဲနဲညှစ်ပြီးတော့ နယ်ပြီး သိပ်ထားလိုက်။  နောက် ကြက်သွန်လှီး၊ ဘာညာ စသည်အားဖြင့် ဟင်းချက်ဖို့ပြင်။  အသည်းကိုတော့ သပ်သပ် ခွဲထားရတယ်။  ဒီကောင်က ဟင်းချက်လို့ ကြာသွားရင် မာပြီးတော့ စားလို့ မကောင်းတော့ဘူး။

ဂူဂဲလ်နှင့် ကစားခြင်း

          တစ်ခုခုရှာချင်ရင် အသုံးများတာကတော့ ဂူဂဲလ်။  ဂူဂဲလ်မှာ ဂူဂဲလ်ရဲ့ ထူးခြားချက်လေးတွေလဲရှိတယ်….  စကားလုံးလေးရိုက်ထည့်ပြီး ရှာနေရမယ့်တူတူ ဂူဂဲလ်ရဲ့ စာမျက်နှာပေါ်မှာ အပျင်းပြေ ဆော့ကြည့်လို့လဲရပါတယ်။

ပထမတစ်ခုက do a barrel roll

          အဲဒီစာလုံးလေးကို ဂူဂဲလ်ထဲမှာ ရိုက်ကြည့်လိုက်ပါ…

နောက်တစ်ခုက askew

          သူ့ကိုလဲ အဲ့ဒီလိုပဲ ဂူဂဲလ်ထဲမှာ ရိုက်ကြည့်လိုက်ပါ…

 

နောက်တစ်ခုက equation.. ဂူဂဲလ် ဂဏန်းပေါင်းစက်ကနေတွက်ပေးတာ

ဟောဒီ equation လေးကို ကော်ပီကူးပြီးတော့ ရိုက်ကြည့်လိုက်.. sqrt(cos(x))*cos(300x)+sqrt(abs(x))-0.7)*(4-x*x)^0.01, sqrt(6-x^2), -sqrt(6-x^2) from -4.5 to 4.5 

ပေါ်လာတာလေးကို ကိုယ့်ကောင်မလေးကို ပြလိုက်ပေါ့..

Monkey D Luffy

        စင်ကျားပေါ ပြန်ရောက်တုန်း အလုပ်အတော်များနေသည်။  ဆိုင်ကယ် နောက်တစ်မျိုးထပ်ခေါက်သည်။  အရင်တစ်ခေါက်တုန်းက အဖြူအမည်း၊ အခုဟာက ကာလာနှင့်ဖြစ်သည်။  ထမင်းချက်ဖြစ်သည်။  လျှောက်သွားသည်။  ရုံးကိုတော့ မသွား။  ကျန်တဲ့ နေရာတွေ လျှောက်သွားသည်။  လျှောက်စားသည်။  ပိုက်ဆံတော်တော်ကုန်သွားတော့ နောင်တရချင်သလိုလို ဖြစ်နေသည်။  နောက်ပြီးတော့ Candy Crush ဆိုသော ဖဘမှ ဂိမ်းတစ်ခု ဆော့ဖြစ်သည်။ 

          အဓိကကတော့ Monkey D Luffy ဖြစ်သည်။ One Piece ကာတွန်းကားကို အွန်လိုင်းကနေ ကြည့်နေခြင်းဖြစ်သည်။  ကြည့်ချင်သူများ ဟောဒီလင့်ကနေ တစ်ဆင့် သွားကြည့်နိုင်ပါသည်။  ဘဖမှာ နိုင်ငံရေး သတင်းတွေ စုံနေသည်။  ကြည့်ရင်းကြည့်ရင်း ဘာမှလုပ်ချင်ကိုင်ချင်စိတ်မရှိတော့ပေ။  လောလောဆယ် နိုင်ငံရေးထက် ၀မ်းရေးကို ပိုပြီး စိတ်ကရောက်နေသည်။  ရွှေပြည်ကြီးကထွက်လာပြီးတော့ လက်ထဲမှာ ဘာမှ မည်မည်ရရ မရှိသေး။  အင်ဗက်စ်မန့် ဆိုသော ခပ်ရှိန်ရှိန်စာလုံးထွက်သည့်အရာကို နည်းနည်း တီးခေါက်ကြည့်သည်။  ဘာတဲ့ Risk Management ဆိုလားဘာလား… ဟိုနေ့က အဲ့သလို ကုမ္ပဏီက ကိုယ်စားလှယ် တစ်ယောက်နှင့် စကားပြောကြည့်သည်။  တစ်လကို ဘယ်၍ ဘယ်မျှစုလျှင် နှစ်ပေါင်း၂၀ ကြာလျှင်၊ နှစ်ပေါင်း ၃၀ ကြာလျှင် ဘယ်လောက်ရမည်။  စုတဲ့အထဲမှာ စုနေရင်း သေသွားလျှင် ကျန်သောလူကို ဘယ်လောက်ပေးမည်။  ကိုယ်အလုပ်မလုပ်နိုင်တော့လောက်အောင် ဒဏ်ရာ အပြင်းအထန်ရသွားလျှင် ဘယ်၍ဘယ်မျှ ပြန်ရနိုင်သည့် အာမခံရော ဘာရောပါသော saving ပုံစံမျိုးနှင့် မိတ်ဆက်ပေးသည်။

ငါးပုဏ္ဏား

          စင်ကျားပေါသို့ ခဏပြန်ရောက်နေသည်။  ပူသည်။  ဘလောဂ့်မရေးဖြစ်သည်မှာ ကြာပြီဖြစ်သည်။  ဟင်းမချက်ရသည်မှာလည်း ကြာပြီ။  ရွှေပြည်ကြီးမှ မြန်မာအစားအစာတွေ ငတ်နေသည်မှာလည်းကြာပြီ။  မနေ့က ငါးပုဏ္ဏားချက်သည်။  Duty Free မှ ဘုမ်ဘေ ဒရိုင်းဂျင် ၂ လုံးပါလာသည်။  ဂျင်တိုးနစ်ရှိသည်။ ဆိတ်သားခြောက်၊ ငါးခြောက် ရွရွလေးတွေရှိသည်။ 

          ထမင်းနှင့် စားဖို့ရာသာ ဟင်းလို၏။  စီးတီးဟောမှာ ငါးပုဏ္ဏား တစ်ထုပ်ကို ၅ ကျပ်ဖြစ်သည်။   ခပ်လတ်လတ် အကောင် နှစ်ဆယ် အစိတ်လောက်ပါ၏။  ငါးကို အနံသတ်သည်။  အနံသတ်သည်ဆိုသည်မှာ အကြေးခွံထိုးပြီးတော့ နနွင်းရယ်၊ ဆားရယ်၊ Ground Pepper နည်းနည်းရယ်၊ သံပရာရည်လေးနည်းနည်း နှင့်ရောနယ်ပြီးတော့ နှပ်ထားခြင်းဖြစ်သည်။  ဤသို့လုပ်လိုက်လျှင် ငါး၏ အညှီနံ ပျောက်လေသတည်း။

S4 or One

          ကုန်တော့မည်။  Starhub နှင့် မိုဘိုင်း ၂ နှစ်စာချုပ် သက်တမ်း ကုန်တော့မည်။  ပိုက်ဆံ ထပ်ကုန်တော့မည်။  သို့သော် ဘာဖုန်း ယူရမှန်း မသိပေ။  ခုသုံးနေတာက HTC sensation ဖြစ်သည်။  Beats နှင့် ပေါင်းပြီးတုန်းက ထုတ်လိုက်တဲ့ ဖုန်း။ beats audio နားကြပ်ပါလာလို့ နားကြပ်ပါ အလကားရတယ်ဆိုပြီး ၀ယ်လိုက်ခြင်းဖြစ်သည်။  သုံးလို့တော့ကောင်းသည်။  မကောင်းသည်မှာ Battery ဖြစ်သည်။  ဂိမ်းဆော့လိုက်လျှင် ပူတက်လာသည်။  ဘက်ထရီက ပြိုက်ကနဲ ကုန်သွားသည်။  3G ပင် ကောင်းကောင်းမဖွင့်ရဲ သလောက်ဖြစ်နေသည်။   ထို့ကြောင့် ဂိမ်းဆော့ဖို့၊ တို့တိ တို့တိတွေ ကလိဖို့အတွက် iPod တစ်လုံးထပ်ဝယ်ထားသည်။  Apple store နှင့် Android Market နှစ်ခုမှာ တချို့ App တွေက အလကားရတာချင်း မတူ။  တစ်ခါတစ်လေ ဟိုဘက်က Free ဖြစ်ပြီး ဒီဘက်မှာ ပိုက်ဆံပေးချင် ပေးရသည်။ 

 နောက်တစ်ခုဆိုးတာက သင်္ဘောကျင်းထဲက သံမှုန်တွေက speaker ရဲ့ သံလိုက်ထဲကို ၀င်ဝင်သွားခြင်းဖြစ်သည်။  သံလိုက်တုံးနှင့် သံမှုန့်တွေကို ပြန်ပြန်ဆွဲထုတ်ပြီး သန့်ရှင်းရေးလုပ်သည်။  ကြာလာတော့ အသံက နဲနဲ အက်တက်တက်ဖြစ်ချင်လာသည်။  သူ့တင်မဟုတ် တစ်ခြား ဖုန်းတွေလည်း ထိုနည်း လည်းကောင်း။  ရှု့မငြီးကတော့ သူ့ အိုင် 5 နှင့် သူငြိမ်နေသည်။  သို့သော် ဘက်ထရီ သိပ်မခံဟု ပြောသည်။  အိုင်ဖုန်းကတော့ သိပ်ပြီး မသုံးချင်လှ။  ပါးလွန်းပြီး၊ ပေါ့လွန်းအားကြီးနေသည်။   ဖုန်းနှင့်မတူတော့။  ဘာမှန်းမသိ။ 

အကြောင်းကြောင်းကြောင့် စိတ်ရှုပ်နေရင် ဦးနှောက်ဆေးဖို့ပေါ့ ၁၄

အင်တာနက်မှာ တွေ့သမျှ စိတ်အပန်းဖြေစရာပုံလေးတွေကို တင်ပေးလိုက်ပါတယ်......  စိတ်ပင်ပန်းနွမ်းနယ်နေသူများ လက်ပြေလက်ပျောက် ကြည့်ရင်း ရယ်မောပျော်ရွှင်နိုင်ကြပါစေသောဝ်.....

ရယ်သောသူသည် အသက်ရှည်၏     

ရုပ်ရှင် ကြောက်ဖို့ကောင်းချက်ကတော့ လူတင်မက ခွေးရော၊ ကြောင်ရော၊ ကြွက်ရော အကုန်ကြောက်လေသတည်း...

ဆိုင်ကယ်

          ခုရက်ပိုင်း တော်တော့်ကို အလုပ်ရှုပ်နေသည်။  ရှုပ်သည်မှာ အလုပ်မှာ မဟုတ်။  အလုပ်နားပြီးတော့ ဟိုတယ်ပြန်ရောက်ရင် ရှုပ်နေခြင်းဖြစ်သည်။  ဘာရှုပ်လဲဆိုတော့ စက္ကူတွေနှင့် ရှုပ်နေသည်။  ဆိုင်ကယ် လုပ်နေခြင်းဖြစ်သည်။  ပထမ A4 size စက္ကူကို ညှပ်ပြီး လုပ်သည်။  ပြီးခါနီးတော့မှ သန့်ရှင်းရေး ကအခန်းထဲဝင်ပြီးတော့ ခေါက်ထားတဲ့ ဆိုင်ကယ် အပိုင်းကလေးတွေကို လွှတ်ပစ်သည်။

          မတတ်နိုင်၊  သေချာမှ မသိမ်းခဲ့ပဲကိုး….  A3 size စက္ကူနှင့် Print ထပ်ထုတ်ပြီးတော့ ဆိုင်ကယ်ထပ်လုပ်သည်။  ၄ ရက်လောက် ရုံးကပြန်တိုင်း မရပ်မနား လုပ်လိုက်သည်။  ဘလော့ဂ်ထဲကိုလဲ မ၀င်ဖြစ်။  ခုတော့ ဆိုင်ကယ်ပြီးပြီ ဖြစ်သည်။  ဟောဒီမှာ….

ကျွန်တော်နှင့် ဥစ္စာစောင့် တစ်ကယ်ရှိတာလား ၃

          ဥစ္စာစောင့် တကယ်ရှိမရှိကတော့ ကျွန်တော်လည်း သေသေချာချာတော့ မပြောတတ်။  အရင်အပိုင်း ၁ ကတော့ ကျွန်တော့် အမေရဲ့ ဆေးခန်းမှာ ဖြစ်သွားတဲ့ အဖြစ်အပျက်ကလေးကို ရေးထားတာ။  ခုအပိုင်းကတော့ ကျွန်တော့် အဖေရဲ့ ဇာတိမြို့ကလေး ကန်ကြီးဒေါင့်မြို့က အကြောင်းလေး။  ကန်ကြီးဒေါင့်ဆိုတာက ပုသိမ်ကနေဆိုရင် ၁၈ မိုင်လောက်ဆိုတော့ နာရီဝက် ၁ နာရီလောက် ကားမောင်းသွားရင်ရောက်တယ်။  အရင်တုန်းက ကားလမ်းတွေသိပ်ပြီးတော့ မပေါက်သေးတော့ ကန်ကြီးဒေါင့်နားက ဘဲကရက်၊ ဒေါင့်ကြီး၊ ကံကုန်း၊ ဖားစီကွင်း စတဲ့ စတဲ့ ရွာကလေးတွေက ကန်ကြီးဒေါင့်ကိုပဲ အားထားနေရတာ။  ဘာဖြစ်လို့လဲဆိုတော့ ကန်ကြီးဒေါင့်က မြစ်ကမ်းဘေးက ဆိပ်ကမ်းမြို့ကလေးလို ဖြစ်နေတော့ ရေလမ်းက အဓိကပဲ။  အနီးအနားကရွာတွေက စပါးပေါ်ချိန်ဆိုရင် စက်လှေတွေနဲ့ လာပြီးတော့ စပါးလာအပ်ကြ၊ ကြိတ်ကြ၊ ရလာတဲ့ ငွေစလေးတွေနဲ့ ငရုပ်၊ ကြက်သွန် စတဲ့ ကုန်စိမ်းတွေ ဖြစ်ဖြစ်၊ အ၀တ်အစားတွေဖြစ်ဖြစ် ကန်ကြီးဒေါင့်မှာပဲ လာပြီး ၀ယ်ကြတာ။  ခုကျတော့ ကားလမ်းတွေပေါက်လာပြီဆိုတော့ ကန်ကြီးဒေါင့်မြို့လဲ အရင်လောက် သိပ်ပြီး စည်စည်ကားကားမရှိတော့ပါဘူး။  အဲ.. စကားမစပ် မော်ဒယ် ချောရတနာ ကလည်း ကန်ကြီးဒေါင့် ဇာတိပဲ။

          ကန်ကြီးဒေါင့်ရောက်ရင် လောကမှန်ကူ ဆုတောင်းပြည့်စေတီတော် ရှိမယ်။  ပုဂံခေတ်က ပုံစံကို ယူပြီးတော့ ဆောက်ထားတဲ့ စေတီတော်။  စေတီတော်ထဲမှာ ရွှေ၊ ကျောက်မျက်ရတာနာတွေနဲ့ ပူဇော်ထားတဲ့ ဆင်းတုတော် ရှိတယ်။  ပွဲတော်ရက်တွေဆိုရင်တော့ အပူဇော်ခံပါတယ်။  အနီးကပ် ကြည့်လို့လဲရတယ်။ ဒီ စေတီတော်ကို တည်တုန်းက ထူးထူးခြားခြားလေးတွေတော့ ရှိခဲ့ဖူးတယ်။  ဒါကတော့ သိုက်မောင်နှမ ဇာတ်လမ်းပဲ။  စေတီတော်ကို ဦးစီးဦးဆောင်ပြီးတော့ တည်ထားခဲ့တာက အခု ပျံလွန်တော်မူသွားပြီးတဲ့ ကန်ကြီးဒေါင့်ဆရာတော်ကြီး။  စေတီတော်ကြီးနဲ့ ကပ်ရပ်မှာက မင်္ဂလာရာမ ကျောင်းတိုက်ရှိတယ်။  ပရိယတ္တိစာပေတွေကို သင်ကြားပို့ချပေးနေတဲ့ ကျောင်းတိုက်။  ကျောင်းတိုက်ကြီးကလည်း တော်တော့်ကို ထည်ဝါတဲ့ မှန်စီရွှေချ ကျောင်းတိုက်ကြီး။  သင်္ကြန်တို့၊ အခါကြီး ရက်ကြီးတွေဆိုရင် မိုးကုတ်ဝိပဿနာတရားစခန်းဖွင့်တယ်။ နောက်ပြီးတော့ ရှင်ပြု နားသ မင်္ဂလာပွဲတွေလဲ ရွာနီးချုပ်စပ်ကလူတွေ လာပြီးတော့ စုပေါင်းရှင်ပြု ပွဲတွေ လုပ်ကြတယ်။  နောက်ပြီး နှစ်တိုင်း ဘုရားပွဲရှိတယ်။  ဘုရားပွဲတော်ဆိုရင် အရမ်းပျော်ဖို့ ကောင်းသပေါ့။  ဇာတ်ပွဲ၊ စားသောက်ဆိုင်တန်းတွေ၊ ဒေသထွက် ပစ္စည်းရောင်းတဲ့ဆိုင်တွေ.. စသည် စသည်ဖြင့်။

ပိုင်

          စက်ဝိုင်းတစ်ခုရဲ့ ပိုင် ဆိုတာက ၂၂ ကိုတည် ၇ နဲ့စား အဲ့ဒါပိုင်၊  ၃.၁၄၁၅၉ ဆိုပြီးတော့ ကျောင်းတုန်းကတော့ သင်ခဲ့ရတာပဲ။  ဒါပေမယ့် ဘာဖြစ်လို့ အဲဒီ တန်ဖိုးရလာလဲ၊  Pi (သို့) π  (သို့) ပိုင် လို့ခေါ်တဲ့ အဓိပ္ပာယ်လေးကို သေသေချာချာကို မသိခဲ့တာ။  ဆရာတွေကို မေးဖို့ကြံတိုင်း တစ်ခြား အခန်းတွေရောက်ရောက်သွားတာနဲ့ ပိုင် အကြောင်းကို မမေးဖြစ်ခဲ့ဘူး။  နောက်ပိုင်း အင်တာနက်ပေါ်လာတော့မှ ပိုင်အကြောင်းကို နဲနဲပါးပါး သိလာရတော့တယ်။

          ပိုင် ဆိုတာ စက်ဝိုင်းတစ်ခုရဲ့ အချင်း (diameter) နဲ့ သူ့ရဲ့ စက်ဝန်း (circumference) ရဲ့ အချိုးကို ပိုင်လို့ခေါ်တာ။  စက်ဝိုင်း ဘယ်လောက်ကြီးကြီး၊ ဘယ်လောက်သေးသေး ဒီအချိုးဟာ ပြောင်းလဲမသွားပါဘူး။  ဒါကိုတော့ ကျောင်းတုန်းက သိခဲ့တယ်။  ဒါပေမယ့် စက်ဝိုင်းရဲ့ အချင်း (diameter) နဲ့ စက်ဝန်း (circumference) ကို ဘယ်လို အချိုးချသလဲဆိုတာက စဉ်းစားစရာ ပြဿနာတစ်ခု။  အဲဒါကို မြင်သာအောင် ဟောဒီ ပုံလေးကို ကြည့်နိုင်ပါတယ်။

ဂဏမ်း မတူသော စတိုင်များ

             YouTube မှာ လျှောက်မွှေရင်းနဲ့ PSY ရဲ့ Gangnam Style ကို မူကွဲလေးတွေနဲ့ Solo cover လုပ်ထားတာလေးတွေကို သဘောကျလို့ တင်လိုက်ပါတယ်....

ပထမဆုံး Cover က Steph Micayle ရဲ့ solo...  နားထောင်လို့ကောင်း၏

Shanghai Zoo

          ပြီးခဲ့တဲ့ စနေနေ့က ရှန်ဟိုင်းကို နောက်တစ်ကျော့ ပြန်သွားဖြစ်တယ်။  ပန်ဒါကြည့်ချင်လို့…  ပန်ဒါကို အပြင်မှာ တစ်ခါမှ မမြင်ဖူး။  ရှန်ဟိုင်းမှာ နေတာမဟုတ်ဘူးလား ဆိုတော့ အင်းဟုတ်တယ်… ဒါပေမယ့် သင်္ဘောကျင်းက ရှန်ဟိုင်းကနေ တစ်နာရီလောက်သွားရတဲ့ ချန်ရှင်းဆိုတဲ့ ကျွန်းလေးပေါ်မှာဆိုတော့ အဲဒီကျွန်းပေါ်က ဟိုတယ်မှာပဲ အနေများတယ်။  စနေနေ့ဆိုရင်တော့ ရှန်ဟိုင်းဘက်ကိုသွားပြီး ညစာစား ဖြစ်တယ်။  ကျွန်းပေါ်မှာက သင်္ဘောကျင်းကလွဲပြီးတော့ ကျန်တာဘာမှ ရှိသည်မဟုတ်။  ပျင်းစရာကောင်းသည်။  ပုံမှန်ဆိုရင် စနေနေ့ည ပြန်လာဖြစ်ပေမယ့် ဒီတစ်ခေါက်တော့ ရှန်ဟိုင်းမှာ တစ်ည အိပ်ဖြစ်လိုက်သည်။ 

          ညစာကတော့ KAAB ဆိုတဲ့ XinTianDi(French quarter) က Grill ဆိုင်မှာ စားဖြစ်သည်။  ဒီဆိုင်က Beef Steak ကောင်းသည်။  ပြီးတော့ အဲ့ဒီနားက Rendezvous Bar မှာ Live Band နားထောင်လို့ကောင်းသည်။  ထို့ကြောင့် သွားနားထောင်ဖြစ်သည်။  နောက်တစ်နေ့တော့ Zoo ကိုသွားဖြစ်သည်။  Metro လိုင်း ၁၀ကို Nanjing West Station ကနေစီးသွားပြီး Shanghai Zoo Station မှာ ဆင်းလိုက်လျှင် ရှန်ဟိုင်း တရိစ္ဆာန်ဥယျာဉ်သို့ရောက်လေ၏။  ၀င်ကြေး ယွမ် ၄၀ ဖြစ်သည်။  ကျောပိုးအိတ်ကို customer service မှာအပ်သည်။  ၂ ယွမ် ပေးရသည်။  ပန်ဒါ… ပန်ဒါ  ကြည့်ချင်သည်မှာ ပန်ဒါဖြစ်သည်။  ပန်ဒါက zoo ရဲ့ အလည်လောက်မှာရှိသည်။  တရိစ္ဆာန်ရုံရောက်တော့ တိရိစ္ဆာန်တွေမြင်ရသည်ပေါ့….  အင်း… အဲ့ဒါ ဓာတ်ပုံလေးတွေ တင်လိုက်ပါတယ် ခင်ဗျာ။ 

ကျွန်တော်နှင့် ဘေဂျင်းအပိုင်းအစများ ၄

          ဘေဂျင်းရောက်ရင်တော့ ပီကင်းဘဲကင်စားဖြစ်အောင် စားရမည်ဟုဆိုပြန်သည်။  ထို့ကြောင့် ပီကင်းဘဲကင်ဆိုင် ချီတက်ကြသည်။  ဆိုင်ရှေ့မှာ စားဖိုမှုး ဘဲရုပ်က လက်ယပ်ခေါ်နေသည်။  ဒီ ဘဲကင်ဆိုင်ကတော့ နာမည်အကြီးဆုံးပဲဟု တစ်ယောက်ကပြောသည်။  ဘာတွေ နာမည်ကြီးသည်တော့မသိ။  အထဲရောက်တော့ စင်မြင့်တစ်နေရာမှာ တစ်မျိုးပြီး တစ်မျိုး ပြနေကြသည်။  မျက်လှည့်လဲပါ၏၊  ရုပ်သေးလဲပါ၏၊  မျော့လိုမျိုး ခန္ဓာကိုယ် တွန့်လိမ်သော ပြကွက်လဲပါ၏။  လွတ်သွားသည်မှာ မျက်နှာဖုံး ပြောင်းသည့် show ပွဲဖြစ်သည်။  “သိုင်းမင်းသားနှင့် နတ်ကလျှာ”  ဇာတ်ကားထဲက နာမည်မမှတ်မိတော့သော ဂိုဏ်းချုပ်ကြီးလိုပင် မျက်နှာဖုံးများကို ရွှပ်ကနဲ ရွှပ်ကနဲ ဖလပ်၊ ဖလပ် နေအောင် ပြောင်းနိုင်သည်ဟုဆိုသည်။  ဘယ်လိုပြောင်းသည်တော့မသိ။  မြင်လဲ မမြင်ဖူး၊  ပွဲကလဲ လွတ်သွားသောကြောင့် သူများပြောသမျှ  သြော်…. ဟုပင် ဆိုနိုင်သည်။  သို့သော် ဘယ်လိုပြောင်းလဲက သိချင်သည်။  သိချင်သောကြောင့် နံရံမှာချိတ်ထားသော မျက်နှာဖုံးကို ယူတပ်ကြည့်သည်။  သစ်သားမျက်နှာဖုံးကြီးဖြစ်သည်။  ဒါကို ဘယ်လိုများ ဖလပ် ဖလပ်နေအောင် ပြောင်းနိုင်ပါသနည်း?  သူနည်း သူ့ဟန်တော့ ရှိမှာပေါ့။  သစ်သားလဲ သုံးချင်မှ သုံးလိမ့်မည်ထင်သည်။  

ဟာသတိုလေးများ ၁၀

ကောင်းမှု့တော့ လုပ်ခဲ့တယ် 

          စိန့်ပီတာသည် ပုလဲတံခါးဝတွင် ရပ်နေသည်။  လူငယ်တစ်ယောက်လျှောက်လာသည်။ 

“သူငယ် သင်လူ့ပြည်မှာတုန်းက ဘာကုသိုလ်ကောင်းမှု့တွေ လုပ်ခဲ့လဲ?”

“အင်း…. ကျွန်တော်တစ်ခုတော့ သတိရတယ်… ကျွန်တော်ခရီးသွားတုန်းကပေါ့။  လမ်းမှာ ကောင်မလေးတစ်ယောက်ို လူဆိုးတွေ ၀ိုင်ပြီးတော့ နှောက်ယှက်နေကြတာ။  ကျွန်တော်လည်း အဲ့ဒီလူဆိုးတွေဆီလျှောက်သွားတယ်။  ကောင်မလေးကို လွှတ်ဖို့ပြောတယ်။  အံမယ်.. ဒီကောင်တွေက ဂရုတောင် မစိုက်ဘူး။  ဒါနဲ့ အဲ့ဒီ လူဆိုးခေါင်းဆောင်ဆီကိုသွားပြီးတော့ အဲ့ဒီကောင်ရဲ့ မျက်နှာတည့်တည့်ကို လက်သီးနဲ့ထိုးပစ်လိုက်တယ်။  ပြီးတော့ အဲ့ဒီကောင်ရဲ့ ဆိုင်ကယ်ကို ကန်ပြီးတော့ လှဲပစ်လိုက်တယ်။  နောက်ပြီးတော့ အဲ့ဒီကောင်ကို နားရွက်ဆွဲပြီးတော့ ဟေ့ကောင်တွေ မင်းတို့ ကောင်မလေးကို လွှတ်လိုက်လို့ ပြောနေတာ မကြားဘူးလားလို့” ကျွန်တော်ပြောလိုက်တယ်။

စိန့်ပီတာ ထိုသူငယ်ကို အတော်လေးစားသွားသည်

“အင်းပြီးတော့ရော ဘာဖြစ်သေးတုန်း ဆက်ပါဦး”

“အင်း ပြီးတော့ မိနစ်ပိုင်းအတွင်း ကျွန်တော် ဒီကို ရောက်လာတာပဲလေ”

အရှုံးပေးပါပြီ

          သင်္ဘောတစ်စီးပေါ်တွင်ဖြစ်သည်။  မျက်လှည့်သမားတစ်ယောက်သည် မျက်လှည့်ပြကွက် အမျိုးမျိုးကို ခင်းကျင်းပြသနေသည်။  ကြာလာလေသော် ကပ္ပတိန်မွေးထားသော ကြက်တူရွေးမှာ မျက်လှည့်ဆရာ၏ ပြကွက်များကို သိရှိလာ၏။ 

          “ဟော.. ဦးထုပ်က တစ်ခြားဦးထုပ်နဲ့ လဲလိုက်တာ….”

          “အဲဒီ စားပွဲအောက်မှာ ပန်းတွေကို ဖွက်ထားတာ….”

          “ဟော ဟော… ဖဲချပ်တွေကို လက်ထဲကနေ လွှတ်ချလိုက်ပြီ…”

စသည်ဖြင့် မျက်လှည့်ဆရာ၏ လှည့်ကွက်တွေအားလုံးကို ပွဲတိုင်းမှာ ဘေးနားကနေ အော်နေသည်။  ဤသို့နှင့် ပွဲပျက်သည့်နေ့မှာလည်း မနည်းမနော။

          ဒီလိုနှင့် တနေ့တော့ သင်္ဘောမှောက်သည်။  မျက်လှည်ဆရာလဲ ပျဉ်ချပ်ကလေးကို ဖက်ပြီး ပင်လယ်ထဲမျောနေသည်။  ကြက်တူရွေးကတော့ သူ့ဘေးမှာ ပါလာသည်။  ဒီလိုနှင့် ပင်လယ်ထဲမှာ တစ်ရက်ပြီး တစ်ရက်…..။  နောက်ဆုံးတော့ ကြက်တူရွေးက မျက်လှည့်ဆရာကိုပြောသည်….

          “ကဲ.. ကျုပ်အရှုံးပေးပါပြီဗျာ….  သင်္ဘောကို ဘယ်လိုဖွက်လိုက်သလဲဆိုတာ ကျွန်တော့်ကို ပြောပြ”

ကျွန်တော်နှင့် ဘေဂျင်းအပိုင်းအစများ ၃

          တရုတ်ပြည်ရောက်လျှင် မဟာတံတိုင်း မတက်မိခြင်းမှာ ကြီးစွာသော ဆုံးရှုံးမှု့ဖြစ်သည်ဟု တရုတ် တစ်ယောက်ကပြောသည်။  မင်းရော တက်ပြီးပြီလား မေးတော့ ဟင့်အင်း တဲ့။  ဒါပေမယ့် တစ်နေ့နေ့ပေါ့လို့ ပြန်ပြောသည်။  ဘာပဲဖြစ်ဖြစ် မဟာ တံတိုင်းကို တက်ဖြစ်သည်။  ဘေဂျင်းကနေ ဆိုလျှင် မဟာတံတိုင်းကို နေရာနှစ်ခုမှ တက်နိုင်သည်။  တစ်ခုကတော့ တော်တော်လေး ပြန်ပြင်ထားသည့် မဟာတံတိုင်း ဖြစ်သည်။  နောက်တစ်ခုကတော့ ရှေးဟောင်းအတိုင်းကို ထိန်းသိမ်းထားသတဲ့။  ကလင်တန် တို့ဘာတို့က မဟာတံတိုင်း အဟောင်းကို တက်သတဲ့။  ဘယ်တံတိုင်းကို တက်ချင်လဲမေးတော့ လူနည်းတဲ့ နေရာသွားမယ်ဆိုပြီး တံတိုင်း အဟောင်းဘက်ကို ဦးလှည့်ဖြစ်သည်။

          ဘေဂျင်းမြို့ထဲကနေ ၁ နာရီခွဲ ၂နာရီလောက် မောင်းသွားရသည်။  ဟိုရောက်တော့ ဘာရယ်မသိ ကျိုက်ထီးရိုးကို သွားသတိရမိသည်။  အမှတ်တရပစ္စည်းရောင်းတဲ့ဆိုင်တွေက တောင်တက်လမ်းတစ်လျှောက် အများကြီးမှ အများကြီး။  မဟာတံတိုင်းပေါ်မှာတော့ ရေခဲနေပြီ။  Cable Car တွေရှိသည်။  ကော်ဖီက လက်တစ်ဖက်၊ ကင်မရာက တစ်ဖက်၊ Cable car က ယိမ်း နောက်ဆုံးတော့ ကော်ဖီခွက် မှောက်ခြင်းနှင့် အဆုံးသတ်သည်။ 

ဖန်ခွက်

          တခါတလေကျတော့ ဖန်ခွက်နဲ့ စကားပြောရတာ တော်တော်လေး အဆင်ပြေတယ်။  တခါတလေတော့ ဖန်ခွက်နဲ့ စကားပြောရတာ ပျင်းစရာကောင်းတယ်။  ဒါပေမဲ့ အလုပ်ဖြစ်တယ်။  ကိုယ်ပြောချင်တာပြော… သူကနားထောင်တယ်။  ဒီအတွက် တစ်ခါမှ ပျင်းရိတယ်မှရှိဘူး။  အမြဲတမ်း လတ်ဆတ်နေတယ်၊  မကြိုက်ရင် ဖန်ခွက်အသစ်တစ်ခွက် လဲလိုက်ဖို့ပဲ။  ပြောချင်တဲ့ အကြောင်းအရာ တစ်ခုပြီးသွားတိုင်းမှာ ဖန်ခွက် အသစ်တစ်ခွက် လဲလိုက်ဖို့ပဲ။  ဒီအတွက် ဘာမှ ထူးထူးထွေထွေ လုပ်နေစရာမလိုဘူး။ 

ဒါဟာ လူတစ်ယောက်ကို စကားပြောနေရတာနဲ့ မတူတဲ့ အချက်ပဲ။  လူတွေကျတော့ ဒီလိုမဟုတ်ဘူး။  ဖန်ခွက် တစ်ခွက်လိုမျိုး အလှဲအလှယ်လုပ်လို့မရဘူး။  နောက်ပြီးတော့ သူတို့ပြောချင်တဲ့ အကြောင်းအရာတွေကို လိုက်လိုက်လျောလျော နားထောင်ပေးရတာမျိုးလဲ ရှိသေးတယ်။  နွားပျောက်သွားတဲ့ အကြောင်းလဲ ပြောချင်ပြောမယ်၊  ဇာတ်ပျက်သွားတဲ့ အကြောင်းလဲ ပါချင်ပါမယ်၊  သမိုင်းထဲက နေ့စွဲတွေကို ရွတ်ချင်ရွတ်နေဦးမယ်၊  တခါတလေ အလိုက်သင့် နားထောင်ပေးရတာ တော်တော့်ကို ကသိကအောက် ရောက်တဲ့ ကိစ္စတစ်ခု။  ဒီလိုနေရာတွေကျတော့ ဖန်ခွက်တွေနဲ့ ဆက်ဆံရတာ အများကြီး နေသာထိုင်သာ ရှိတယ်။

ဖန်ခွက်မှာလဲ သူ့ရာဇ၀င်နဲ့ သူတော့ ရှိတာပဲ… ဒါပေမယ့် သိပ်ပြီးတော့  ခမ်းနားကြီးကျယ်တဲ့ ဇာတ်ကြောင်းလှန်ဖို့ရာ သိပ်မရှိဘူး။  ဖန်ခွက်တစ်လုံးဟာ လူတစ်ယောက်နဲ့ နှုတ်ခမ်းချင်းတေ့ပြီးတော့ အလုပ်သဘော ဆက်ဆံဖူးတာရှိဖူးမယ်။  ပြီးရင် နောက်တစ်ယောက်၊ နောက်တစ်ယောက် ဒီလိုနဲ့ သူ ကွဲရှသွားတဲ့တစ်နေ့ဟာ သူ့ဘ၀ ဆုံးခန်းသတ်သွားတဲ့နေ့ပဲ။  သူ့နေရာမှာ တစ်ခြား ဖန်ခွက်တစ်လုံးက ဆက်လက် အလုပ်လုပ်ပေးနေဦးမှာပဲ။ 

အရှေ့တိုင်းဖန်ခွက်နဲ့ အနောက်တိုင်း ဖန်ခွက် ဘာကွာခြားလဲတော့ မသိဘူး။  ဖန်ခွက်ဟာ ဖန်ခွက်ပဲပေါ့။  ဒါပေမဲ့ အရှေ့တိုင်းက မိန်းကလေးတွေနဲ့ အနောက်တိုင်းက မိန်းကလေးတွေကတော့ ကွာချင်ကွာမှပေါ့။  ဂျပန်မှာဖြစ်ဖြစ်၊ တရုတ်မှာဖြစ်ဖြစ် ဘား မှာ သွားထိုင်ရင် သူတို့က ခင်ဗျားဘေးမှာ လာထိုင်ပေးမယ်။  ခင်ဗျား ပြောသမျှ သူတို့နားထောင်မယ်။  ဒီအတွက်တော့ ခင်ဗျားက သူတို့သောက်သမျှ ရှင်းပေးရဦးမယ်။  That’s the deal.  ဖန်ခွက်တွေကျတော့ သူတို့အတွက် တိကျတဲ့ ဈေးနှုန်းရှိပြီးသား။  ကိုယ်ကြိုက်တာမှာပြီး ငွေပေးခြေလိုက်ရုံပဲ။  သိပ်ပြီး ထူးထူးထွေထွေ ရှိလှတယ် မဟုတ်ဘူး။