ပစ်ကြဦးမလား သားရေကွင်း သေနတ်များ

          ငယ်ငယ်တုန်းကဆိုရင် လမ်းထဲမှာ အရုပ်ကလေးတွေထောင် သားရေကွင်းနဲ့ ချိန်ပစ် လဲသွားတဲ့ အရုပ်ကလေးတွေယူ ဒီလိုမျိုးကစားခဲ့ကြပါတယ်။  ခုတော့ သားရေကွင်းကို လက်နဲ့ ချိန်စရာမလိုပဲ သေနတ်နဲ့ ချိန်ပစ်လို့ရတဲ့ သားရေကွင်းပစ် သေနတ်ပါတဲ့။  သားရေကွင်းပစ်တဲ့ သေနတ်ဆိုလို့ ဈေးပေါမယ်လို့တော့ မထင်လိုက်ပါနဲ့ အနည်းဆုံး ဒေါ်လာ ၂၃၀ လောက်ရှိပါသတဲ့။

          ဒီသေနတ်ကို ထုတ်လုပ်တဲ့ ကုမ္ပဏီကတော့ ZumA2 ဆိုတဲ့ ကုမ္ပဏီကဖြစ်ပြီးတော့ သေနတ်တစ်ခုလုံးကို hand made လုပ်ထားတာပါ။  အရောင်းရဆုံးဖြစ်တဲ့ Fenrir သေနတ်အပြင်ကို အခြားသေနတ် အမျိုးအစား ၃၀ ကျော်ထုတ်လုပ်ထားတယ်လို့ ဆိုပါတယ်။  သေနတ်တွေမှာ ၁၀ ချက်ကနေ ၁၂ ချက်အထိ ပစ်နိုင်တဲ့ semi-auto သေနတ်တွေရှိသလို fully automatic submachine gun ဆိုရင် အချက် ၃၀ ဆက်တိုက် ပစ်နိုင်ပါသတဲ့။  သူ့ရဲ့ ပထမဆုံး သေနတ် Silver Wolf ကတော့ Playstation 3 ဂိမ်းတစ်ခုဖြစ်တဲ့ Metal Gear Solid 4 ထဲက သေနတ်ပုံစံကို သားရေကွင်းနဲ့ ပစ်လို့ရအောင် ထုတ်ထားတာဖြစ်ပါသတဲ့။   တစ်ခုရှိတာက ဒါက လူကြီးတွေ ဆော့တဲ့ သေနတ်ဖြစ်တာကြောင့် ကလေးတွေဆော့ရင် မျက်စိတွေဘာတွေ မှန်မှာကိုတော့ စိုးရိမ်ရပါတယ်။ ကဲ သေနတ်ကလေးတွေကို ကြည့်လိုက်ကြရအောင်လား။

Source : (Link)