စုံစီနဖာများကို ရေးချင်ရာလျှောက်ရေး၊ တင်ချင်ရာလျှောက်တင်နေသော ကျွန်တော့်၏ ကြွက်သိုက်ဂေဟာသို့ တကူးတက ကြွရောက်လာကြသော ဘလော့ဂ်ဂါကြီးများ၊ ဧည့်သည်တော်ကြီးများကို ကျွန်တော် အားနာစွာဖြင့်ပင် ကျေးဇူးအထူး တင်ရှိပါသည်။

Saturday, December 29, 2012

အရုပ်ကျွန်း


         အရုပ်ကျွန်း ဆိုတာက မက္ကစီကိုနိုင်ငံ မှာရှိတဲ့ ထူးဆန်းတဲ့နေရာလေးပါ။  ဒီကျွန်းလေးတစ်ခုလုံးမှာ ရာပေါင်းများစွာသော အရုပ်တွေနဲ့ ပြည့်နေပါတယ်။  ဒါပေမယ့် အဲ့ဒီအရုပ်တွေအားလုံးဟာ ကိုယ်လက်အင်္ဂါမစုံတဲ့ အရုပ်တွေချည်းပါပဲ။  ခြေပြတ်လက်ပြတ် အရုပ်တွေ၊ ခေါင်းပြတ်အရုပ်တွေကို ကျွန်းရဲ့ သစ်ပင်တွေ၊ ထိုင်ခုံတွေ အနှံမှာ ချိတ်ဆွဲလို့ထားပါတယ်။ 
          ဒီကျွန်းလေးရဲ့ ပုံပြင်လေးကလည်း စိတ်ဝင်စားစရာကောင်းလှပါတယ်။  အစတုန်းကတော့ ဒီနေရာလေးဟာ လူသူမရှိတဲ့ နေရာလေးတစ်ခုပါပဲ။  ဒါပေမယ့် လွန်ခဲ့တဲ့ နှစ်ပေါင်း ၅၀ လောက်တုန်းက ဒွန် ဂျူလီယံ ဆန်တာနာ ဆိုတဲ့ လူတစ်ယောက် ရေနစ်ပြီးသေဆုံးနေတဲ့ ကလေးငယ်တစ်ယောက်ရဲ့ အလောင်းကို ဒီနေရာလေးနားက တူမြောင်းထဲမှာတွေ့ခဲ့ပါတယ်။  ဒီလိုတွေ့ရှိခဲ့တဲ့ အချိန်ကစပြီးတော့ အဆိုပါ မိန်းကလေးဟာ ဒွန်ကို အမြဲတမ်းခြောက်လှန့်နေပါသတဲ့။  ဒီလိုနဲ့ ဒွန်ဟာ တူးမြောင်းထဲမှာမျောနေတဲ့ အရုပ်တစ်ခုကို ယူပြီးတော့ သစ်ပင်တစ်ပင်မှာ ချိတ်ဆွဲကာ မိန်းကလေး စိတ်ကျေနပ်စေဖို့ ပြုလုပ်ခဲ့ပါသတဲ့။  ဒွန်က သူ့အထင် ဒီလိုအရုပ်ကို ချိတ်ဆွဲလိုက်ခြင်းအားဖြင့် မိန်းမငယ်လေး ကျေနပ်နှစ်သိမ့်ပြီး ဒီကျွန်းလေးကိုလည်း အခြားသော မကောင်းဆိုးဝါးတွေ မလာဘူးလို့ ထင်မြင်ပြီး ချိတ်ဆွဲခဲ့တာပါ။
          ဒါပေမယ့် မိန်းမငယ်လေးဟာ ဒွန်ကို ဆက်လက်ခြောက်လှန့်နေတုန်းပါပဲတဲ့။  ဒီလိုနဲ့ ဒွန်ဟာ တူးမြောင်းထဲမှာရှိနေတဲ့ အရုပ်တွေ၊ အရုပ်တွေရဲ့ အပိုင်းအစတွေကို ဆယ်ယူပြီးတော့ အရုပ်တစ်ရုပ်ချင်းစီကို တစ်နေရာစီမှာ သေသေချာချာကို ချိတ်ဆွဲခဲ့ပါသတဲ့။  ဒီလိုချိတ်ဆွဲပေမယ့်လည်း ဒွန်ဟာ သူ့ကို ခြောက်လှန့်နေတဲ့ ၀ညာဉ်လက်ကနေ မလွတ်မြောက်နိုင်ပါဘူးတဲ့။  ဒီလိုနဲ့ ဒွန်တစ်ယောက်ဟာ စွန့်ပစ်ထားတဲ့ အရုပ်တွေကို လိုက်လံစုဆောင်းတော့တာပါပဲ။  သူ့ဘ၀တစ်လျှောက်လုံးမှာ သူကိုယ်တိုင်စိုက်ပျိုးတဲ့ သီးနှံတွေနဲ့ အရုပ်တွေကို လဲယူတဲ့အထိ ဒွန်ဟာ အစွဲအလမ်းကြီးခဲ့ပါတယ်။

Friday, December 28, 2012

ကျွန်တော်နှင့် ဘေဂျင်း အပိုင်းအစများ ၁


          ဘေဂျင်း ကို အသံထွက်ပေါင်း မြောက်များစွာထွက်သည်။  မြန်မာလို ပီကင်းဟုခေါ်ကြသလို အင်္ဂလိပ်လို ဘေဂျင်း ဟုခေါ်သည်။  တရုတ်လို အနီးစပ်ဆုံး ပေါင်းရလျှင် ပေကျင်း ဟုထွက်မည်ထင်သည်။  ဘာကြောင့် “ပေကျင်း” လို့ ခေါ်သလဲမေးကြည့်သည်။  အရှေ့၊ အနောက်၊ တောင်၊ မြောက် ကို ခွဲပြီးခေါ်သည်ဟု ပြောသည်။  တုန်း၊ နန်၊ စီး၊ ပေ -  “တုန်း” ဆိုသည်မှာ အရှေ့၊ “နန်” ဆိုသည်မှာ တောင်၊ “စီး” ဆိုသည်မှာ အနောက်၊ “ပေ” ဆိုသည်မှာ မြောက်ဟူသတဲ့။  “ကျင်း” ဆိုသည်မှာ မြို့တော် ဖြစ်သတဲ့။  ထို့ကြောင့် “ပေကျင်း” ဆိုသည်မှာ မြောက်ပိုင်း မြို့တော်ဟု အဓိပ္ပာယ်တွင်၏။  တောင်ပိုင်းမှာလည်း မြို့တော်ဟောင်းရှိသည် နန်ကျင်းဖြစ်သည်။  ဒါဆို အနောက်ဖက်မြို့တောင် “စီကျင်း” ဆိုပြီး ရှိလားမေးတော့ မရှိပါတဲ့။  အရှေ့ဖက်မြို့တော် “တုန်းကျင်း” ရောရှိလားမေးတော့ ဂျပန်နိုင်ငံက “တိုကျို” ပါတဲ့။  အွမ်…. ဘယ့်နှယ် အရှေ့ဖက်မြို့တော်က မဆီမဆိုင် ဂျပန်ပြည်ရောက်သွားရသနည်း။  မြို့တော်ဟောင်း ကျိုတိုကို အရှေ့ဖက်မြို့တော်ဟု မခေါ်ဘူးလားဆိုတော့ ဒီငနဲ ဘာတွေ လာမေးနေမှန်းမသိဘူးဆိုတဲ့ ပုံစံနဲ့ လူကိုပြန်ရှိုးသည်။
          မည်သို့ပင်ဆိုစေ ဘေဂျင်းသည် နန်းမြို့ဖြစ်သည်။  ရှေးခေတ်အဆောက်အဦးတွေကို ရှေးမူမပျက်ထိန်းသိမ်းထားသည်။  အသစ်အသစ်သော နေရာတွေမှာ မိုးမျှော်တိုက်တွေ ထိုးထောင်ထွက်နေသည်။  နန်းတော်သည် စတုရန်းပေပေါင်း ၇.၈ သန်း ကျယ်၏။  မန္တလေးလိုတော့ လေးထောင့်စပ်စပ်မဟုတ်၊  ထောင့်မှန်စတုဂံ ပုံဖြစ်သည်။  ကျုံးကတော့ ရေတွေခဲနေပြီ။  နန်းမြို့ဆိုတော့ မန္တလေးသူတွေလို နန်းဆန် (ခုခေတ်တော့ ဟုတ်ချင်မှ ဟုတ်ချင်တော့မှာပေါ့လေ)  သလိုတော့မဟုတ်။  ခေတ်သစ် ယဉ်ကျေးမှု့အောက် စီးမျောသွားပြီဖြစ်သည်။  နန်းဆန်ချင်လို့ မမလေးဟု တရုတ်အခေါ် “ရှောင်ကြယ်” လို့ သွားတော့ မခေါ်လိုက်လေနဲ့ ပါးရိုက်ခံရဖို့ နီးသည်။  အဘယ့်ကြောင့်ဆိုသော် ပြည်မကြီးတွင် “ရှောင်ကြယ်” ဟူသော ဝေါဟာရမှာ ယခုအချိန်တွင် ညဥ့်ငှက်များကို ကိုယ်စားပြုနေလို့ပါတဲ့။  အံရောသောဝ်… အံရောသောဝ်… ဒါဆို အဲ့ဒီလို မိန်မမျိုးတွေ့ရင် “ရှောင်ကြယ်” လို့ခေါ်လို့ရမလားမေးတော့ အဲ့ဒါလည်း ပါးရိုက်ခံရဖို့ နီးတယ်၊  လူလည်ကောင်မှာ သူ့ကို အရှက်ခွဲတယ်ဆိုပြီး ပါးရိုက်ချင်ရိုက်ဦးမှာတဲ့။

Thursday, December 27, 2012

၂၀၁၂ ကို ပြန်လှည့်ကြည့်ခြင်း (တဂ်)


          ၂၀၁၂ ကို ပြန်လှည့်ကြည့်လိုက်တော့ ဇက်နဲနဲ နာသွားသည်။  ကမ္ဘာကြီးကတော့ ဖုတ်လှိုက်ဖုတ်လှိုက်နဲ့ ဆက်လည်နေတုန်းပါပဲ။  ဘာလိုလိုနဲ့ နှစ်သစ်ကိုတောင်ရောက်တော့မှာ။  သင်္ဘောကျင်းနဲ့ သတ်ပုတ်နေရင်း ခေါင်းထောင်ကြည့်လိုက်တော့ လား… လား… ၂၀၁၂ ကုန်တော့မှာပါလား ဟရို့။  မြန်လိုက်သည်ဖြစ်ခြင်း။ 
          ၂၀၁၂ မှာ ဘာမှ  ထူးထူးခြားခြားတော့ ကျွန်တော့်အတွက်မရှိလှ။  ၂၀၁၂ ဇန်န၀ါရီထဲက ရှန်ဟိုင်းမှာ သောင်တင်နေလိုက်သည်မှာ ခုချိန်အထိပင်ဖြစ်သည်။  ရှု့မငြီးနှင့် ရှန်ဟိုင်းမှာ ၃ လကျော်လောက် အတူရှိဖြစ်သည်။  ကျန်တဲ့အချိန်တွေမှတော့ လင်မယားနှစ်ယောက်က တစ်ယောက်တစ်နေရာစီ။  သူလည်း သူ့စာသူကျက်၊ ကိုယ်လည်း ကိုယ်အလုပ်ကိုယ်လုပ်နှင့် လုံးလည်ချာလပတ်လိုက်နေတုန်း။  ရွှေပြည်တော်ကြီးကို အပြီးပြန်ဖို့ကျတော့ ဘာလုပ်ရမှန်းကိုမသိ။  ပြန်လိုက်တိုင်း ယောင်တောင်တောင်နှင့် ပြန်လာဖြစ်သည်။
          တရုတ်တွင်နေရသည်မှာ တံခါးပိတ်ထားသလို ခံစားရသည်။  သင်တန်းလေးဘာလေး တက်ချင်လဲ lack of information ဖြစ်နေသည်။  တရုတ်စာဆိုတာကလည်း ကြည့်လိုက်ရင် နံရံမှာ ရိုက်ထားတဲ့ ခြင် တွေလိုမျိုး စာလုံးတွေဖြစ်သည်။  တစ်လုံးမှ နားမလည်။  စလုံးမှာလို ဟိုဟိုဒီဒီ သင်တန်းတွေ တက်ဖို့က အတော်ခက်သည်။  သိချင်တာအကုန်လုံးကို အင်တာနက်သာကြည့်နေရသည်။  အင်တာနက်ဆိုပြန်တော့လဲ တော်တော်များများ ဆိုဒ်တွေက ပိတ်ထားပြန်သည်။  ဟိုတယ်က ကွန်နက်ရှင်ကလဲ အတော့်ကို နှေးသည်။  ဆိုးလိုက်ပ။  နောက်ထပ် သင်္ဘော ၄၊ ၅ စီးလောက်ထပ်ဆောက်ပြီးလျှင်တော့ တရုတ်ကို ထပ်မသွားချင်တော့။  ရှု့မငြီး စာမေးပွဲတွေ ပြီးသွားလျှင်တော့ လျှောက်သွားဦးမည်။  တရုတ်ကလွဲလို့ ဘယ်နိုင်ငံဖြစ်ဖြစ်ပေါ့လေ။  ရောက်ရာပေါက်ရာ လျှောက်သွားမည်။  ရှု့မငြီး ကတော့ စလုံးမှာ အခြေကျအောင် စာမေးပွဲတွေ ဖြေပြီးတော့မှ နောက်တစ်နိုင်ငံရွှေ့လို့ကတော့ လက်သီးစာမိမည်ဟု ကျိန်းနေသည်။  တစ်နေရာထဲ အကြာကြီးနေရတာ ပျင်းဖို့ကောင်းလိုက်သည့် ဖြစ်ခြင်း။
          ဒီနှစ်ကတော့ ဘယ်မှ သိပ်မသွားဖြစ်။  စလုံးနှင့် တရုတ် အလုပ်ကိစ္စနဲ့ သွားလိုက်ပြန်လိုက်ကလွဲလို့ တစ်ခြားဘယ်ကိုမှ မသွားဖြစ်။  အဲ.. ရွှေပြည်ကြီးကိုတော့ တစ်ခေါက်ပြန်သည်။  မနေ့ကမှ ချောင်းသာ ပိုစ့်တင်ထားသည်။  ကျန်တာကတော့ တရုတ်ပြည်ထဲမှာပဲ အားရင် အားသလို လျှောက်သွားဖြစ်သည်။ 
          ဘလော့ဂ်ပေါ်မှာ ပိုစ့်အတင်ကျဲသွားတာ ၃ လ လောက်ရှိပြီဖြစ်သည်။  စုတ်ပြတ်သတ်နေသော ကွန်နက်ရှင်၊ ဆိုဒ်ကို ကျော်ရခွရသော ဒုက္ခ၊ မရှိသော အချိန်၊ ဘာမှန်းမသိသော အလုပ်ကိစ္စများ စသည် စသည် ဟု အကြောင်းပြချက်ပေးရမလိုဖြစ်နေသည်။  မည်သို့ပင်ဖြစ်စေ လာလည်ကြသော ဘလောဂ့်ပေါ်က သူငယ်ချင်းတွေနှင့် စာဖတ်သူတွေကို အားနာမိသည်။  ခုတော့ နဲနဲလေး ပြန်ပြီးအချိန်ရလာပြီဖြစ်သည်။  ကွန်နက်ရှင်ကတော့ နှေးတုန်း။  မည်သို့ပင်ဖြစ်စေ ပိုစ့်တွေ ပြန်ရေးဖြစ်မယ်လို့တော့ မျှော်လင့်ထားသည်။ ဘလောဂ့်တွေ လျှောက်လည်ဦးမည်ဟု ရည်ရွယ်ထားသည်။ 
ဒီပိုစ့်လေးကို စီအိုင်အေ အေးဂျင့်ကြီး မပစ်ပစ်က အစပြုပြီး ကိုမောင်ဘုန်း (မျောလွင့်တိမ်တိုက်တို့ နားခိုရာ) က ကျွန်တော့်ကို ရေးဖို့ တဂ်ထားတဲ့အတွက် ကျေးဇူးအများကြီးတင်ပါတယ်ခင်ဗျာ။  ၂၀၁၂မှာ ကမ္ဘာပျက်မသွားတော့ ၂၀၁၃မှာ ရှုလို့ရသေးသော လေထုထဲမှ လေများကို ၀၀ရှုကြပါစို့။   

Wednesday, December 26, 2012

ကျွန်တော်နှင့် ချောင်းသာ အပိုင်းအစများ

          ချောင်းသာသည် ခု တစ်ခေါက်တော့ ရင်ခုန်ဖွယ် ကောင်းသည်။  ရင်ခုန်ဆို သူမကို တွေ့သောကြောင့်ဖြစ်သည်။  ကမ်းခြေတစ်လျှောက် သဲမွမွလေးတွေပေါ်မှာ လမ်းလျှောက်ရင်း သူမကို တွေ့သည်။  တွေ့တွေ့ချင်း နှစ်ပေါင်းများစွာ ရင်းနှီးဖူး သလိုမျိုးခံစားရသည်။  သူမရဲ့ အပြုံးလေးတွေက ချစ်ဖို့ကောင်းသည်။  ဒီလိုနှင့် သူမနောက်ကို မယောင်မလည်လိုက်ကြည့်သည်။ 

Air Dome (သို့) ဝေဟင်ကာကွယ်ရေးစနစ်


           ရန်သူများပတ်လည်ဝိုင်းနေသောနိုင်ငံဆိုရင် အစ္စရေးနိုင်ငံကို မြင်ကြမည်ဖြစ်သည်။  ၁၉၉၀ လောက်ကစလို့ ဟစ်ဇဗိုလာတွေက အစ္စရေးကို ဒုံးကျည်တွေ အသုံးပြုပြီး နည်းလမ်းအသစ်နဲ့ ပစ်ခတ်လာကြတော့ ဒါဟာ အစ္စရေး ကာကွယ်ရေးအတွက် စိန်ခေါ်စရာ တစ်ခုဖြစ်လာသည်။  ဒီလိုနှင့် ၂၀၀၄ ခုနှစ်လောက်မှာ IDF (Israel Defense System) ရဲ့ Research and Development ဗြူရိုကနေပြီးတော့ ဝေဟင်ကာကွယ်ရေးစနစ်ကို အကောင်အထည်ဖော်ဖို့ အကြံပြုသည်။  ၂၀၀၆ ခုနှစ် ဒုတိယ လက်ဘနွန် စစ်ပွဲမှာတော့ ဟစ်ဇဗိုလာတွေက အစ္စရေးဘက်ကို ဒုံးကျည် ၄၀၀၀ လောက် လက်ဆောင်ပေးသည်။  ဒီဒုံးကျည်တွေက အစ္စရေးရဲ့ တတိယအကြီးဆုံး မြို့ဖြစ်တဲ့ ဟိုင်ဖာ အပါအ၀င် အစ္စရေးမြောက်ပိုင်းတစ်ခွင်ကို ကျသည်။  လူပေါင်း ၄၄ ယောက် အသက်သေဆုံးပြီးတော့ အရပ်သားပေါင်း ၂သိန်းခွဲလောက် လွတ်ရာကို ရွေ့ပြောင်းရသည်။
          တောင်ပိုင်းမှာတော့ ဟားမားစ် တို့က ဂါဇာကမ်းမြှောင်တစ်လျှောက် ဒုံးကျည် ၄၀၀၀ ကျော်နှင့် မော်တာ ကျဉ်ဆံပေါင်း ၄၀၀၀ ကျော်ကို ၂၀၀၀ ခုနှစ်နှင့် ၂၀၀၈ ခုနှစ်ကြားပစ်သွင်းခဲ့သည်။  ပုံမှန်သမားရိုးကျ ဒုံးကျည်ပစ်လွှတ်မှု့မဟုတ်ပဲ ၁၂၂ မမ Grad လောင်ချာတွေကို သုံးပြီးတော့ Qassams ဒုံးကျည်တွေကို တာဝေးပစ်လွှတ်ခြင်းဖြစ်သည်။  အစ္စရေးနိုင်ငံ တောင်ပိုင်းမှာ ရှိတဲ့ လူ ၁သန်းကျော်ဟာ ဒုံးကျည် ရောက်ရှိနိုင်တဲ့ အကွာအဝေးအတွင်းမှာ ရောက်ရှိနေပြီးတော့ ဒါဟာ အစ္စရေးတို့ရဲ့ လုံခြုံရေးအတွက် အထူးကို စိုးရိမ်စရာ အခြေအနေကို ရောက်ရှိလာပါတယ်။
          ဒီလိုနဲ့ ၂၀၀၇ ဖေဖော်ဝါရီလမှာ အစ္စရေးရဲ့ ကာကွယ်ရေး ၀န်ကြီး Amir Peretz က အစ္စရေးရဲ့ ဝေဟင်ကို တာတိုပစ် ဒုံးကျည်တွေရန်က ကာကွယ်ဖို့အတွက် Iron Dome စနစ်ကို ရွေးချယ်ခဲ့တာပါ။  ဒီလိုနဲ့ အမေရိကန် ဒေါ်လာ သန်း ၂၁၀ တန် စနစ်ကို ရာဖဲ အဆင့်မြင့် ကာကွယ်ရေး စနစ် (Rafael Advanced Defense Systems) က အစ္စရေး ကာကွယ်ရေး တပ်မတော်နဲ့ ပူးပေါင်းပြီးတော့ တီထွင်ခဲ့ပါတယ်။  ဒီ Iron Dome စနစ်ဟာ လူနေထူထပ်တဲ့ ဒေသတွေမှာ ကီလိုမီတာ ၇၀ (၄၅ မိုင်အတွင်း) ၀င်ရောက်လာတဲ့ ၄မီတာကနေ ၇၀ ကီလိုမီတာ အမြင့်အတွင်းမှာရှိတဲ့ ဒုံးကျည်တွေကို ဒုံးခွင်းဒုံးကို သုံးပြီးတော့ ကာကွယ်ပေးနိုင်ပါတယ်။  ဒီစနစ်ကို ၂၇ မတ်လ ၂၀၁၁ မှာ အစ္စရေးနိုင်ငံတောင်ပိုင်းရဲ့ အကြီးဆုံးမြို့ဖြစ်တဲ့ Beersheba မှာ စတင်အသုံးပြုခဲ့ပါတယ်။ ၇ ရက် ဧပြီလ ၂၀၁၁ မှာတော့ ဂါဇာဘက်က ပစ်လွှတ်လိုက်တဲ့ ဂရက်ဒုံးကျည်ကို အောင်မြင်စွာ ပစ်ချနိုင်ခဲ့ပါတယ်။  ၁၀ရက် မတ်လ ၂၀၁၂ မှာတော့ ဂျေရုစလင် သတင်းစာက Iron Dome စနစ်ဟာ ဂါဇာဘက်ကနေ ပစ်လွှတ်တဲ့ ဒုံးကျည်တွေရဲ့ ၉၀ ရာခိုင်နှုန်းကို ပစ်ချနိုင်ခဲ့တယ်လို့ ကြေငြာခဲ့ပါတယ်။  နိုဝင်ဘာ ၂၀၁၂ အထိ Iron Dome စနစ်ဟာ ဒုံးကျည်ပေါင်း ၄၀၀ ကျော်ကို ပစ်ချခဲ့ပြီး ဖြစ်ပါတယ်။  Iron Dome စနစ်ဟာ ဝေဟင်အမြင့် ပေ ၃၂၈၀၀ (မီတာ ၁သောင်း) အမြင့်အထိ ပျံသန်းနေတဲ့ လေယဉ်တွေကိုလဲ ဖြိုခွင်းနိုင်ပါတယ်။ 

Sunday, December 9, 2012

သင်္ချာတော်တဲ့ ခွေး

           YouTube မှာတွေ့တဲ့ သင်္ချာတော်တဲ့ ခွေးလေးတွေကို တင်ပေးလိုက်ပါကြောင်း.....  အပန်းလဲပြေ... စိတ်လဲ ကြည်လင်ကြပါစေ ခင်ဗျား..

မဖယ်ဘူးဆို… မဖယ်ဘူး… ဒါဘဲ


          တရုတ်နိုင်ငံက ကျစ်ကျန်းပြည်နယ်မှာတော့ ၄ လမ်းပြိုင်လမ်းမကြီး အလယ်တည့်တည့်မှာ အိမ်တစ်လုံး ထီးထီးကြီးရှိနေတာကို တွေ့ရမှာပါ။  ဒီအိမ်ပိုင်ရှင်တွေကတော့ လျှိုလို့ခေါ်တဲ့ အသက် ၆၇ နှစ်ရှိတဲ့ အဖိုးအိုနဲ့ သူ့ရဲ့ အသက် ၆၅နှစ်ရှိပြီဖြစ်တဲ့ ချစ်ဇနီး တို့ရဲ့ အိမ်ပဲဖြစ်ပါတယ်။  တရုတ်ပြည်မှာတော့ အစိုးရရဲ့ စီမံကိန်းတွေမှာ အိမ်ရှင်တွေရဲ့ သဘောတူညီမှု့မရမချင်း အဆိုပါ စီမံကိန်း ဧရိယာအတွင်းမှာရှိတဲ့ အိမ်တွေကို ဖျက်သိမ်းခွင့်မရှိပါဘူး။  ဖျက်သိမ်းချင်တယ်ဆိုရင် အိမ်ပိုင်ရှင်တွေနဲ့ သဘောတူညီမှု့ယူပြီးမှသာ ဖျက်သိမ်းခွင့်ပြုတယ်လို့ ဥပဒေက ပြဋ္ဌာန်းထားပါသတဲ့။  ဒီအတွက် အဖိုးအို လျှူဟာ သူရဲ့ အိမ်ကို အဝေးပြေးလမ်းမဖောက်ဖို့အတွက် နေရာမပေးပဲ သူ့ရဲ့ အိမ်ကလေးမှာပဲ လျှပ်စစ်မီး၊ ရေတွေ ပျက်တောက်သွားပေမယ် ဆက်လက်နေထိုင်နေဆဲပါပဲ။
          အစိုးရကတော့ သူ့ကို တရုတ်ယွမ်ငွေ ၂သိန်း ၆ သောင်း (ဒေါ်လာ ၄သောင်း ၁ထောင်)နဲ့ အခြားသော အိမ်ကလေး နှစ်လုံး အလိုက်ပေးပြီး ကမ်းလှမ်းခဲ့ပေမယ့် လျှူကတော့ ဒါဟာ လောက်ငှမှု့မရှိဘူးလို့ဆိုပြီး ခေါင်းမာစွာနဲ့ ၄လမ်းသွား လမ်းမကြီးရဲ့ အလည်မှာရှိတဲ့ သူ့ရဲ့ အိမ်ကလေးမှာ ဆက်လက်နေထိုင်နေဆဲပါပဲ။  ဒီလမ်းမကြီးဟာ ၀မ်လင်း ဘူတာရုံနဲ့ ဆက်သွယ်ပေးမယ့် လမ်းမကြီးဖြစ်ပြီးတော့ ဒီဘူတာရုံကတော့ မပြီးစီးသေးပါဘူး။  ဒီ လမ်းမကြီးဖွင့်လှစ်ပြီးသွားရင်တော့ လျှူတစ်ယောက် နေ့ရော ညရော သူ့အိမ်ဘေးကနေ ကားတွေ တစ်ဝီ၀ီနဲ့ ဖြတ်သန်းသွားတာနဲ့ အိပ်လို့တောင် ရပါတော့မလား မပြောတတ်ပါဘူး။  တရုတ်နိုင်ငံမှာတော့ ပြုပြင်ပြောင်းလဲရေး စီမံကိန်းအသစ်တွေတိုင်းမှာ ဒီလိုမျိုး ကိစ္စတွေနဲ့ မကြာခဏဆိုသလို ကြုံတွေ့ရတတ်ပါတယ်။

Monday, December 3, 2012

၂၆ နှစ်အတွင်း စင်ကာပူရဲ့ ပထမဆုံး ဆန္ဒပြပွဲ


          စင်ကာပူနိုင်ငံမှာတော့ ပြီးခဲ့တဲ့ အပတ်က နိုင်ငံရဲ့ ၂၆နှစ်သက်တမ်းအတွင်းမှာ ပထမဆုံး ဆန္ဒပြပွဲဖြစ်ပေါ်ခဲ့ပါတယ်။  စင်ကာပူရဲ့ ဘက်စ်ကားလိုင်း ၂ ခုထဲက တစ်ခုဖြစ်တဲ့ SMRT ဘက်စ်ကားလိုင်းမှာ အလုပ်လုပ်နေတဲ့ တရုတ်နိုင်ငံသားတွေက သူတို့ရဲ့ လုပ်ခ လစာမညီမျှမှု့၊ လူနေမှု့အဆင့်အတန်း နိမ့်ကျမှု့တို့ကို မကျေနပ်လို့ ဆန္ဒပြခဲ့တယ်လို့ဆိုပါတယ်။  တရုတ်နိုင်ငံသား ဘက်စ်ကား ဒရိုင်ဘာတစ်ယောက်ကနေပြီးတော့ တရုတ်လူမှု့ကွန်ယက်ဆိုဒ် ဘိုင်ဒူးမှာ မကျေနပ်ချက်တွေအတွက် ဆန္ဒပြဖို့ ပိုစ့်တင်ပြီးနောက်ပိုင်းမှာ အခြားသော တရုတ်နိုင်ငံသား ဒရိုင်ဘာတွေပါ ပူးပေါင်းပါဝင်လာပြီး လူ ၂၀၀ နီးပါး ပါဝင်တဲ့ ဆန္ဒပြပွဲ ဖြစ်ခဲ့တယ်လို့ ဆိုပါတယ်။
          ဒီအထဲမှာ ပြီးခဲ့တဲ့နှစ်တုန်းက မလေးရှားနိုင်ငံသား ဒရိုင်ဘာတွေကို စင်ကာပူ ဒေါ်လာ ၂၇၅ လစာတိုးမြှင့်ပေးပြီး တစ်လစာ ဆုငွေချီးမြှင့်ခဲ့ပြီး တရုတ်နိုင်ငံသား ဒရိုင်ဘာတွေကိုတော့ စင်ကာပူဒေါ်လာ ၇၅ ကျပ်သာတိုးမြှင့်ပြီး ဆုငွေချီးမြှင့်ခဲ့ခြင်းမရှိခဲ့တာဟာလဲ တင်းမာမှု့ရဲ့ အဓိက အချက်တစ်ခုဖြစ်တယ်လို့ ဆိုပါတယ်။ 

Friday, November 30, 2012

ကဘန်း (သို့) ခွေးသူရဲကောင်းမလေး


                ဖိလစ်ပိုင်နိုင်ငံ၊ ဇမ်ဘိုအမ်ဂါ မြို့လေးက ဒီခွေးမလေး အကြောင်းဖတ်မိရင်း ဒီပိုစ့်လေးကို ရေးဖြစ်သည်။  ခွေးတွေ အကြောင်းရေးတာလဲ အတော်များပြီ။  ဒါပေမယ့် သခင်အပေါ် သစ္စာရှိတဲ့ ခွေးတွေ အကြောင်း ဖတ်မိတိုင်း ပိုစ့်ရေးဖြစ်သည်။  ဒီခွေးမလေးကတော့ ခွေးသူရဲကောင်းမလေးလို့ ပြောရမလို။  ဒီခွေးလေးက သူ့သခင်ရဲ့ ကလေးနှစ်ယောက်ကို အသက်နှင့်လဲပြီး ကယ်လိုက်ခြင်းဖြစ်သည်။  အရှိန်မြှင့်မောင်းနှင်လာသည့် မော်တော်ဆိုင်ကယ်တစ်စီးက ကလေးနှစ်ယောက်ဆီကို ဦးတည်လာနေတုန်း ခွေးမလေးက ဆိုင်ကယ်နှင့် ကလေးနှစ်ယောက်ကြားထဲကို ၀င်ခံပြီးတော့ ကလေးနှစ်ဦးရဲ့ အသက်ကို ကယ်လိုက်ခြင်းဖြစ်သည်။  ဒီအတွက်ခွေးမလေးရဲ့ အပေါ်မေးရိုးနဲ့ နှာခေါင်းပျက်စီးသွားသည်။  သူတို့မြို့က တိရိစ္ဆာန်ကုဆရာဝန်က ခွေးမလေးကို ကုမရသည့်အဆုံး ဆေးထိုးပြီးတော့ သတ်ဖို့ အကြံပေးသည်။  ဒါပေမယ့် သစ္စာရှိတဲ့ ခွေးမလေးကို ကြင်နာတတ်တဲ့ မိသားစုက ဆက်လက်ပြုစုပေးသည်။  ဒီလိုနဲ့ ဒီသတင်းပျံနှံသွားတော့ အရပ်ရပ်အရွာရွာက ခွေးမလေးကို သနားတဲ့ လူတွေ ပေါင်းစုပြီး ဒီခွေးမလေးကို ခွဲစိတ်ကုသဖို့ ငွေစုကောက်ကြသည်။  စုစုပေါင်း ဒေါ်လာ ၂ သောင်းကျော်ရသည်။  ခုတော့ ကံကောင်းတဲ့ ခွေးမလေးဟာ ဒေးဗစ်မှာ ရှိတဲ့ ကာလီဖိုးနီယား တက္ကသိုလ်မှာ ကုသမှု့ခံယူဖို့ အသင့်ဖြစ်နေပါပြီ။ 

Friday, November 16, 2012

ကြောင်လူသား


          ကြောင်လူသားကြီး ဒန်းနစ် အက်ဗ်နာကတော့ ပြီးခဲ့တဲ့ ၅ ရက် နိုဝင်ဘာလ သူ့အသက် ၅၄နှစ်မှာ လောကကြီးကို ကျောခိုင်းသွားပါပြီ။  သူဟာ ကမ္ဘာ့ ခန္ဓာကိုယ်ပြုပြင်ပြောင်းလဲ ခွဲစိတ်မှု့အခံယူဆုံး လူသားအဖြစ်တော့ စံချိန်တင်သွားပါတယ်။  အမေရိကန်နိုင်ငံ နီဗားဒါးပြည်နယ်က တိုနိုပါမှာ နေတဲ့ ဒီကြောင်လူသားဟာ ပရိုဂရမ်မာ တစ်ယောက်ဖြစ်ပြီးတော့ သူ့ဘ၀မှာ ခုလိုမျိုး ခွဲစိတ်မှု့တွေအတွက် ငွေကြေးဘယ်လောက်သုံးခဲ့မှန်းတောင် မမှတ်မိခဲ့ပါဘူး။
          သူဟာ ရှေးခေတ် မြောက်အမေရိက ဟူရွန်းလူမျိုးတွေရဲ့ ယုံကြည့်ချက်အတိုင်း သူ့ရဲ့တစ်ကိုယ်လုံးကို ကျားတစ်ကောင်အဖြစ်အသွင်ပြောင်းမယ် ဆိုတဲ့ ခံယူချက်နဲ့ ခွဲစိတ်မှု့ပေါင်းများစွာကို ပြုလုပ်ခဲ့ပါတယ်။

Thursday, November 15, 2012

စေတစ်လုံး ဆိတ်

          အန္ဒိယနိုင်ငံ ပါရန်ဒူရိုင်က  အီရော့ဒ်ဆိုတဲ့ဒေသမှာတော့ မျက်စေ့တစ်လုံးသာပါတဲ့ ဆိတ်မလေးကို မွေးဖွားခဲ့ပါသတဲ့။  ကန်ဒေဆာမိ လို့ခေါ်တဲ့ ဆိတ်မွေးခြံပိုင်ရှင်ကတော့ သူ ဆိတ်မွေးလာတဲ့ ၁၀ နှစ်သက်တမ်းမှာတော့ ဒါဟာ ပထမဆုံး မြင်ဖူးခြင်းပါတဲ့။ 
          ဒီ ဆိတ်မလေးဟာ နှုတ်ခမ်းနှစ်ခုကွဲနေပြီးတော့ မျက်လုံးဟာ နှစ်လုံး ပါရှိရမည့် အစား ဦးခေါင်းအလည်တည့်တည့်မှာ တစ်လုံးထဲပါဝင်လာခြင်းဖြစ်ပါတယ်။  ခုတော့ ဆာမိရဲ့ ခြံထဲမှာ ထူးထူးဆန်းဆန်း မျက်စေ့တစ်လုံးထဲပါတဲ့ ဆိတ်ကို လာကြည့်ကြတဲ့လူတွေနဲ့ စည်ကားနေပါသတဲ့။  ဒါဟာ မျိုးရိုးဗီဇ မူမမှန်မှု့ကြောင့် ဖြစ်ပြီးတော့ ဆိတ်ရဲ့ ခရိုမိုဆုမ်းပြောင်းလဲမှု့မှာ မူမှန်ဖြစ်ခြင်းကြောင့် ဖြစ်တယ်လို့လဲဆိုပါတယ်။  

Source : (Link)

Tuesday, November 6, 2012

မကြာခင်လာတော့မယ့် စင်ကာပူရဲ့ Water Taxi


          စင်ကာပူမှာတော့ မြေပေါ်မှာ တက္ကစီကား၊ MRT ရထား တင်မကတော့ပါဘူး... ခုဆိုရင် ရေပေါ်မှာပါဆွဲတော့မယ့် Water Taxi ကို စတင်ဖို့ စင်ကာပူရဲ့ Urban Redevelopment Authority (URA) က ၂၀၁၃ ဇန်န၀ါရီလမှာ စတင်ပြေးဆွဲဖို့ စီစဉ်နေပါပြီတဲ့။  URA ရဲ့ မြေယာစီမံခန့်ခွဲရေးက လက်ထောက် ဒါရိုက်တာ မက်ခ်ဂိုအဆိုအရတော့ ဒီ မြစ်ထဲသွား တက္ကစီတွေပေါ်လာရင်တော့ “နေ့စဉ် ရုံးသွား၊ ရုံးပြန်၊ နေ့လည်စာထွက်စား အားလုံးအတွက် အသုံးပြုလို့ရမှာပါ။  နောက်ပြီးတော့ ဒီ စင်ကာပူ မြစ်တစ်ကြောဆွဲမယ့် တက္ကစီဟာလဲ အကျိုးအမြတ်ရမှာပါ” လို့ ဆိုသွားပါတယ်။
          စင်ကာပူမှာလဲ လူဦးရေဟာ ၅ သန်းကျော်သွားပြီဖြစ်တဲ့အတွက် ပို့ဆောင်ရေးမှာလဲ အတော့်ကို ကျပ်လာပါပြီ။  ပြီးခဲ့တဲ့လတုန်းကလဲ စင်ကာပူရဲ့ မြေအောက်ရထားစနစ်ဟာ နှစ်ပေါင်း ၂၄ နှစ်အတွင်းမှာ ဆိုးဆိုးရွားရွားကို ဓာတ်အားပြတ်တောက်မှု့တွေ ဖြစ်ပေါ်ခဲ့ပါတယ်။  အသစ်ဆွဲထားတဲ့ ရထားလိုင်းအသစ်တွေကလည်း ၂၀၁၇ ခုနှစ်မတိုင်ခင်အထိ ပြီးစီးဖို့မရှိပါဘူး။  ဒီတော့ Water Taxi ပို့ဆောင်ရေးစနစ်ဟာ  စင်ကာပူမြို့လယ်၊ မြို့တွင်းပို့ဆောင်ရေးအတွက် အသက်ရှုချောင်စရာ တစ်ခုဖြစ်လာနိုင်ပါတယ်။
          ပုံမှန် ခရီးလမ်းကြောင်းအတွက်ကတော့ Water Taxi တွေစီးရင် စင်ကာပူ ၃ ဒေါ်လာထက် မပိုဘူးလို့ ဆိုပါတယ်။  ဒါမှမဟုတ် ပိုမြန်တဲ့ အထူး တက္ကစီကို စီးချင်ရင်တော့ စင်ကာပူ ၄ ဒေါ်လာလောက် ကျသင့်မယ်လို့ ဆိုပါတယ်။ 
          ခုလောလောဆယ်မှာတော့ အပန်းဖြေ၊ ရှု့ခင်းကြည့် လောက်ပဲ ပြေးဆွဲနေတဲ့ Duck & Hippo နဲ့ Singapore River Cruise ကုမ္ပဏီတွေဟာ နောက်နှစ်လောက်ဆိုရင်တော့ နေ့စဉ် ရုံးသွား၊ ရုံးပြန် အသုံးပြုနိုင်တဲ့ Water Taxi တွေအဖြစ်ပြောင်းလဲလာနိုင်စရာရှိပါတယ်။  သြော်… သူတို့နိုင်ငံများတော့လဲ မရှိမယ့် ရှိမယ့် အရင်းအမြစ်လေးတွေထဲက ဖြစ်ညှစ်ပြီးတော့ ၀င်ငွေများရှာနိုင်ပါပေ့။  

Source : (Link)
Photo  : (Link)

Thursday, November 1, 2012

လိမ္မော်ခြံ


          ဆောင်းဦးသည် ကုန်တော့မည်။  တဖြည်းဖြည်းနှင့် အေးလာပြီ…. အခန်းထဲက ဆောင်းတွင်းဝတ် အနွေးထည်တွေ ထည့်ထားသော အိတ်ကိုဖွင့်ရပြီ။  ရှန်ဟိုင်းရဲ့ ဆောင်းသည် လာတော့မည်ဖြစ်သည်။  ဆောင်းဦးမှာ ရွက်ကြွေမကြွေတော့ မသိ။  လိမ္မော်ပင်တွေကတော့ လိမ္မော်သီးတွေ ပြွတ်လို့ ခဲလို့။  လိမ္မော်ရာသီတော့ ရောက်ပြီဖြစ်သည်။  လိမ္မောသီးတွေ လှိုင်လှိုင်ပေါပြီ။  ဒီနေ့ သင်္ဘောကျင်းထဲမှာ အလုပ်လုပ်ရင်း လိမ္မောသီး သွားခူးရအောင် ဆိုပြီး ကျင်းထဲက QC ကောင်လေးတွေ ပြောလို့ လိမ္မော်ခြံထဲ ပါသွားသည်။  များလိုက်သည့် လိမ္မော်ပင်တွေ….. ရှု့မဆုံးနိုင်အောင်ပင်ဖြစ်သည်။
          လိမ္မော်ပင်လေးတွေက လူတစ်ရပ်ကျော်ကျော်ရယ်… ဒါပေမယ့် တစ်ချို့အပင်တွေဆို နှစ် ၃၀ ကျော်ပြီတဲ့… တစ်ခြံလုံး လိမ္မော်ရနံလေးတွေ လှိုင်နေသည်။  လိမ္မော်သီးတွေ ကိုယ်တိုင်ခူးလို့ရသည်။  လိမ္မော်ခင်းထဲ လျှောက်သွားရင် ကြိုက်တဲ့ လိမ္မော်သီးတွေ ခူးစားလိုက် တောင်းထဲထည့်လိုက်…

Wednesday, October 31, 2012

အို..ဘယ့်..ဘယ် တောင်ပေါ်က ခြသေ့င်္ X


          သြော်.. ဘာလိုလိုနဲ့ အောက်တိုဘာလတောင် ကုန်ရောပေါ့။  ပြီးခဲ့တဲ့ တစ်ပတ်က စင်ကျားပေါ ခဏ ပြန်သည်။  ဘာရယ်မဟုတ်… အလုပ်ထဲမှ လွတ်ရာကျွတ်ရာကို ပြေးခြင်းဖြစ်သည်။  အခွန်ကိစ္စတွေ ရှင်းသည်။  ကျန်တဲ့ရက်နားသည်။  နားတော့ ဘယ်မှ လျှောက်မသွားဖြစ်။  ချယ်ရီမြေတစ်ခေါက်ရောက်သည်။  ကျန်တဲ့ ရက်တွေကတော့ အိမ်မှာပဲ ကပ်နေဖြစ်သည်။  ကပ်နေဖြစ်ဆို အိမ်က သူငယ်ချင်းတွေက PS3 ၀ယ်ထားတော့ ဘောလုံး လှိမ့်ကန်နေခြင်းသာဖြစ်သည်။  ကန်သည့်ပွဲတိုင်းက ရှုံးသည်။  PS2 နှင့် အတော်ကွာသည်။ 
          သွားရည်ကျနေသော ပန်းသီးရဲ့ ရက်တီးနား ရုပ်ထွက်နှင့် မက်ဘွတ်ကြီးကို သွားငမ်းသည်။  အို… ပါးပါးလေးပါလား…. ဟာ… ရုပ်ထွက်ကောင်းလိုက်တာ… လိုချင်လိုက်တာ… လိုချင်လိုက်တာ… ရှု့မငြီးက ပါမစ်ပိတ်ထားတော့ တံထွေးမြိုချပြီး ပြန်လာရသည်။  စိတ်ကတော့ မလျှော့ချင်…. တစ်ခုခုတော့ ၀ယ်ရမှဖြစ်မည်။  ဒီတော့ ပန်းသီးရဲ့ အသစ်ထွက်တဲ့ နားကျပ်တစ်ခုနဲ့ Airport Express သာဝယ်ပြီးပြန်လာသည်။  နားကျပ်က နားထဲထိုးထည့်လို့ကောင်းတာကလွဲပြီးတော့ ထူးထူးခြားခြားတော့ ဘာမှမဟုတ်။  ဒီအသံက ဒီအသံသာဖြစ်သည်။  Dr. Dre ကမှ ပိုကောင်းသေးသည်။ Airport Express နဲ့ဆိုရင်တော့ Wifi နဲ့ ဆောင်းဘောက်တွဲပြီး သီချင်းဖွင့်လို့ရမည်။  ဒီလိုနဲ့ ရှန်ဟိုင်းပြန်ဖို့ ချန်ဂီ လေဆိပ်ရောက်တော့ 32G iPod သွားတွေ့သည်။  Duty Free ဆိုတော့ ၃၇၀ လောက်ပဲပေးရသည်။  တန်သည်… ၀ယ်သည်။  ရှု့မငြီး က ဒါကို ၀ယ်မှန်းမသိချေ။  သို့ပေမယ့် နားကျပ်တစ်ခုကတော့ ပိုနေပြီ။
          ဒီလိုနှင့် တရုတ်ပြန်ရောက်လာသည်။  မက်ဘွတ်ကြီးကတော့ လိုချင်တုန်း….။  အို.. ဘာဖြစ်ဖြစ်ပေါ့လေ.. စိတ်ထိန်း စိတ်ထိန်း။  စိတ်ထိန်းလို့မရတော့ ခုသုံးနေတဲ့ ကွန်ပျူတာကို OS X Mountain Lion ပုံစံအတုကို ဟောဒီကနေ 32bit အတွက်ရွေး၊ ဒေါင်းပြီးတော့ သွင်းပစ်လိုက်သည်။  ပေါ်လာတာလေးတွေက ဟို ရက်တီးနားရုပ်ထွက်ဟာကြီးနဲ့ ဆင်တင်တင်ဆိုတော့ ဘာပဲဖြစ်ဖြစ် နေသာထိုင်သာ အတော်ရှိသွားသည်။ 

Thursday, October 25, 2012

ကမ္ဘာ့ အကျဉ်းဆုံးအိမ်ကလေး


          ပိုလန်နိုင် ၀ါဆောမြို့မှာတော့ ကမ္ဘာ့အကျဉ်းဆုံး အိမ်ကလေးကို တည်ဆောက်ပြီးသွားပါပြီ။  ဒီအိမ်ကလေးကတော့ တိုက်နှစ်လုံးကြားထဲမှာ ဆောက်ထားတာဖြစ်ပြီးတော့ အခန်းရဲ့ ဘေးနှစ်ဖက် အကျယ်ဆုံးဟာ ၅ပေပဲ ရှိပါတယ်။  အိမ်လေးကိုတက်သွားရင် မြေညီထပ်မှာတော့ ရေချိုးခန်း၊ အိမ်သာ၊ မီးဖိုချောင်နဲ့ ထမင်းစားခန်းတို့ရှိမှာဖြစ်ပြီးတော့၊ အပေါ်ထပ်မှာတော့ အိပ်ယာနဲ့ စားပွဲခုံလေးရှိမှာဖြစ်ပါတယ်။  ဒါဟာ လူတစ်ယောက်နေထိုင်ဖို့အတွက် အနဲဆုံးသော လိုအပ်ချက်နဲ့ ပြည့်စုံအောင် ဆောက်ထားတာဖြစ်ပါတယ်လို့ ဗိသုကာ ပညာရှင် Jakub Szczesny ကဆိုပါတယ်။  



Wednesday, October 24, 2012

အနာဂတ် စွမ်းအင်သစ် (သို့) လေမှထုတ်မည့် ဓာတ်ဆီ


          ရေနံ၊ သဘာဝဓာတ်ငွေ့… ဒါတွေနဲ့ ကမ္ဘာကြီးက လည်ပတ်နေတာ။  လျှပ်စစ်မီး၊ သယ်ယူပို့ဆောင်ရေး၊ နေ့စဉ် လူနေမှု့ဘ၀ ဒါတွေအားလုံးဟာ ရေနံနဲ့ သဘာဝဓာတ်ငွေ့ပေါ် အများကြီး မှီခိုနေတယ်။  ဒီလောင်စာစွမ်းအင် အရင်းအမြစ်ဆိုတာကလဲ ထပ်ပြီးတော့ အသစ်ဖြစ်ဖို့ နှစ်သန်းပေါင်းများစွာကြာတဲ့ မြေအောက်က ဖိအားများစွာနဲ့ သဘာဝအတိုင်းဖြစ်လာတဲ့ Fossil Fuel တွေ။  ဒါတွေကို တူးဖော်၊ ထုတ်လုပ်ပြီး လူသားတွေ အသုံးချနေကြတာ။  တစ်နေ့ကျရင် ဒီ Fossil Fuel တွေဟာ ဒီနှုန်းအတိုင်း ဆက်လက်ပြီးတော့ တူးဖော်နေရင် ကမ္ဘာမြေပေါ်ကနေ ပျောက်သွားမှာ။  ဒီတော့ ဘာလုပ်မလဲ?  ကြက်ဆူဆီစိုက်မလား?  ဒါမှ မဟုတ် အပေါ်က ဓာတ်ပုံထဲကလို စမ်းသပ်ခန်းထဲမှာ ဒိုင်နိုဆော တွေ မွေး၊ မြေမြှုပ်၊ ပြီးတော့ နှစ်တွေကြာအောင်စောင့် ပြီးတော့ ရေနံတို့၊ သဘာဝဓာတ်ငွေ့တို့ ဖြစ်လာတော့မှ ပြန်တူး။  ဒီနည်းလဲ သိပ်တော့ မဟန်လှဘူး။
          အခု သတင်းတစ်ပုဒ်ဖတ်မိတယ်။  အင်္ဂလန်က Air Fuel Synthesis ဆိုတဲ့ကုမ္ပဏီတစ်ခုက လေထဲကနေ ဟိုက်ဒရိုကာဘွန် လောင်စာကို ထုတ်လုပ်နိုင်ပါပြီတဲ့။  ထုတ်လုပ်တဲ့ concept ကတော့ အောက်ကပုံအတိုင်း လေထုထဲကနေ ကာဘွန်ဒိုင်အောက်ဆိုဒ်တွေကို ကာဘွန် Filter နဲ့စစ်၊ ရလာတဲ့ CO2 ကို ရေထဲကနေ Hydrogen Electrolyser ကနေခွဲထုတ်ပေးလိုက်လို့ ရလာမယ့် H2 နဲ့ပေါင်း၊ Fuel Reactor ထဲထည့် ဟော… ဟိုက်ဒရိုကာဘွန် လောင်စာ စွမ်းအင် အသစ်ရပါပြီတဲ့ဗျား။  ဒီတော့ သူ့မှာ သုံးတာက လေနဲ့ ရေပဲဆိုတော့ ထွေထွေထူးထူး ကမ္ဘာမြေပေါ်မှာ ညစ်ငြမ်းမှု့တွေ၊ ပြုန်းတီးမှု့တွေ မရှိပဲ ကောင်းမွန်လှတဲ့ နည်းလမ်းနဲ့ လောင်စာ စွမ်းအင်ထုတ်ပေးမှာ ဖြစ်ပါသတဲ့။ 

Tuesday, October 23, 2012

ကိုပါပီနှင့် တစ်နေ့တာ


          အရင်တုန်းက ခွေး ဆိုပြီးတော့ တင်ထားသေးတယ်။  ခုလဲ ခွေးပဲ… နဲနဲကွာတာကတော့ ကိုပါပီရဲ့ တစ်နေ့တာ ပုံစံမျိုးလေးကို ရိုက်ပြီး တင်ထားတာလေး။  သဘောကျလို့ ထပ်ပြီးတော့ ရှဲလိုက်ပါကြောင်း……

Wednesday, October 17, 2012

သစ်ကြားသီး၊ စင်ကာပူ၊ အယ်လ်မွန်စေ့ နှင့် ပက်စတာ ချီယို


          အချိန်ကုန်တာ မြန်လှသည်။  တစ်နှစ်အတွင်း တိုးတက်လာသည်မှာ ဗိုက်ဖြစ်သည်။  ဗိုက်ခေါက် အတော်ထူလာပြီ တကား…  မနှစ်က ဒီအချိန်လောက်ပဲ သစ်ကြားသီးပေါ်ချိန်ဆိုပြီး ပိုစ့်တင်ဖြစ်သည်။  ခဏလေးလိုပင် ၂၀၁၂ ကလည်း ကုန်တော့မည်။  သစ်ကြားသီးတွေကတော့ ရာသီအသစ်ရောက်ပြီ ဖြစ်သည်။  မနှစ်က နန်တုန်မှာ တစ်နှစ်၊ ဒီနှစ်ကတော့ ရှန်ဟိုင်းရောက်ပြန်ပြီ… နောက်နှစ် ဘယ်ရောက်ဦးမည်မသိ။  သို့သော် သစ်ကြားသီးတွေကတော့ နှစ်တိုင်း နှစ်တိုင်း ပေါ်လာဦးမည်ဖြစ်သည်။ လမ်းဘေးမှာ သစ်ကြားသီးသည်တွေမှ အများကြီး၊  လျှောက်ရွေးကြည့်သည်၊  တစ်ဆိုင်လျှင် သစ်ကြားသီး တစ်လုံးစားသည်။  ၄၊ ၅ ဆိုင်မြောက်တော့ ၀ယ်လိုက်သည်။  သစ်ကြားသီး၊ အယ်လ်မွန်စေ့၊ ပက်စတာချီယိုလိုခေါ်တဲ့ အစေ့လေးတွေလဲ ၀ယ်သည်။  နောက် ဘာမှန်းမသိသော ရှည်မျောမျော အသီးလဲဝယ်သည်။  ထိုအသီးက ချိုသည်၊  သစ်ကြားသီးက စိမ့်သည်။  အားလုံးကောင်းသည်။  ဘီယာနှင့် လိုက်သည်။
          နောက်တစ်ပတ် စလုံးကို ခဏပြန်ရဦးမည်။  ဘာမှန်းမသိ ညာမှန်းမသိ ၀င်ငွေခွန်ဆိုပြီး ၂၀၀၀ နီပါး အသားလွတ်ကြီး IACS က ထုသည်။  ဒီနှစ် e-filing မတွဲမိ။  တွဲရအောင်လဲ ပါ့စ၀က်က မမှတ်မိ။  ပါ့စ၀က် ရဖို့ကလဲ သူ့ဆိုဒ်ကိုဝင်… apply လုပ်မှ စလုံးက အိမ်ကို စာပို့မည်။  သို့သော် ရောက်မလာ။  မတတ်နိုင်။  အခု စာအိတ်က ပန်းရောင်နှင့် ထပ်ရောက်လာသည်။  ၀င်ငွေခွန်ရှင်းရန် ဘာညာ သရကာတွေ လျှောက်ရေးထားသည်။  အဲ့ဒီ ကိစ္စကိုရှင်းရဦးမည်။

Sunday, October 14, 2012

Free Loop

           ခုရက်ပိုင်း အလုပ်ကပြန်လာလို့နားရင် နားထောင်ဖြစ်နေတဲ့ သီချင်းလေးပါ..... Daniel Powter ရဲ့ ၂၀၀၅ ခုနှစ်ကထည်းက သီချင်းလေး... ဒါပေမယ့် ခုချိန်ထိ လတ်ဆတ်နေတုန်းပဲ....  Lyrics ကို ဗီဒီယိုအောက်မှာ ထည့်ပေးထားပါတယ်....

Thursday, October 11, 2012

ရှန်ဟိုင်း အပိုင်းအစ ၁


                    ဘာမှထွေထွေထူးထူးတော့ မဟုတ်။  ရှန်ဟိုင်းသည် ရှန်ဟိုင်းအတိုင်းသာလျှင်ဖြစ်သည်။  ၅ နှစ်အတွင်း လန်ဒန်ရဲ့ မြေအောက်ရထားစနစ်ထက်ပိုပြီးကြီးသွားအောင် ဆောက်ထားသော Metro မြေအောက်ရထားတွေပေါ်မှာတော့ လူတွေ အစားလဲစားသည်၊ အရည်လဲသောက်သည်၊ အမှိုက်လဲပစ်သည်။  အထုတ်ကြီး အထုတ်ငယ်တွေလည်း တင်သည်။  ထိုအထဲမှာ ယောင်လည်လည်နှင့် ရထားလျှောက်စီးသည်။  သူ့ဟာနှင့်သူတော့ ရမ်သမ်ကိုက်နေသည်၊ ဟာမိုနီစည်းဝါးကျလိုက်တာမှ အချက်ကျကျ၊ ဟန်ချက်ညီညီ။  ဘူတာရုံထဲမှာ မိန်းမချင်းရန်ဖြစ်ပြီးတော့ ဟိုဘက်အမျိုး ဒီဘက်အမျိုးတွေ သတ်ပုတ်နေတာလဲ တွေ့နိုင်သည်။  မကြေနပ်လျှင် ရဲကိုပါ ပါးရိုက်ချင်ရိုက်ကြဦးမည်။  ဘူတာရုံအ၀မှာ သူတောင်းစားတွေလဲ ရှိသည်၊ မှောင်ခိုခွေတွေ ရောင်းသူကရောင်းမည်၊ အတုအစုံ ရောင်းသူက ရောင်းမည်။
မိုးထိမြင့်သော အဆောက်အအုံတွေ အကြီးကြီးမှ အများကြီး…. အာဘန် အာဘန် (Urban) မြို့ကြီးတွေ ထုံးစံအတိုင်း။  မော့ကြည့်လျှင် ဇက်ညောင်းရုံသာ… တစ်နေ့စာ တစ်နေ့ကုန်းရုန်းပြီး ရှာသူကရှာနေမည်။  သုံးမကုန်အောင် လျှံသူကလျှံနေမည်။  တစ်နယ်စီဝေးပြီး လင်နှင့်မယား အလုပ်လုပ်လျှင် လုပ်ကြမည်။  ကတိက၀တ်၊ စည်းတို့သည် စာချုပ်ပေါ်တွင်သာရှိသည်။  အသက်ရှင်ဖို့အတွက်၊ ၀မ်းစာအတွက်၊ ရင်ခုန်ဘက်အသစ်အတွက်၊ စပွန်စာအတွက် ဒီလိုနှင့် Urban မြို့ပြက ရှင်သန်နေမည်။  လူကျင့်ဝတ်ဆိုတာ မိုးခါးရေသောက်သူကြားထဲမှာ ဟာသတစ်ပုဒ်ကို ခပ်ကျယ်ကျယ်ဖတ်ပြလိုက်သလို ဒီလို အသိုက်အမြုံကြားထဲမှာ ကိုယ်သာ သူရူးတစ်ယောက်ဖြစ်ချင်ဖြစ်သွားမည်။

Wednesday, October 10, 2012

3D Works of Yuki Matsueda


          ယူကီ မက်ဆူဒ ရဲ့ သုံးဖက်မြင် ဒီဇိုင်းလေးတွေကို တင်ပေးလိုက်ပါတယ်။  ပုံမှန် သမားရိုးကျ Art Work တွေကနေ ကွဲထွက်ပြီး ဆန်းသစ်တဲ့ စိတ်ကူးလေးတွေနဲ့ ပေါင်းစပ်ထားတာမို့ တစ်မျိုးလေး ထူးခြားနေပါတယ်။ 

Sunday, October 7, 2012

သတို့သား အလိုရှိသည်… သန်းပေါင်း ၆ သောင်း


          ဟောင်ကောင်ရဲ့ အချမ်းသာဆုံး သူဋ္ဌေးကြီး ကျောက်ရှိးစုန် ကတော့ သူ့ရဲ့ သမီးလေး ဂီဂီကျောက် အတွက် သတို့သားရှာပုံတော် ဖွင့်လိုက်ပါပြီ။  သူဋ္ဌေးကြီးရဲ့ ရင်နှစ်သည်းချာ သမီးရတနာလေးကို လက်ထပ်နိုင်တဲ့ သတို့သားကတော့ ဟောင်ကောင်ဒေါ်လာ သန်း ၅၀၀ ကို ဆွတ်ခူးရရှိမှာ ဖြစ်ပါတယ်။  မြန်မာငွေနဲ့ တွက်ရင်တော့ ကျပ် သန်းပေါင်း ၆ သောင်းကျော် လောက်ရှိမယ်ထင်ပ။  သမီးရတနာလေးဟာ မန်ချက်စတာ တက္ကသိုလ်က ဘွဲ့ရထားပြီးတော့ အသက် ၃၃ ရှိပါပြီ။ 
          သူဋ္ဌေးကြီး ကျောက်ကတော့ သူ့သမက်လောင်းဖြစ်သူဟာ ဆင်းရဲသည်ဖြစ်စေ ချမ်းသာသည်ဖြစ်စေ အဓိကကတော့ သဘောထားကြီးပြီးတော့ ကြင်နာတတ်တဲ့ နှလုံးသာရှိသူဖြစ်ရင် ရပြီလို့ ဆိုနေပါတယ်။  သူ့ရဲ့ သမီးရတနာလေးဟာ အလွန်ကို လိမ္မာရေးခြားရှိတဲ့ သမီးလေးဖြစ်ပြီးတော့ အချင်းရော၊ အဆင်းပါ ပြည့်စုံတဲ့ သမီးလေးလို့လည်း ဆိုပါသေးတယ်။  
          သဋ္ဌေးကြီးဟာ ဘာဖြစ်လို့ သတို့သားရှာပုံတော်ဖွင့်ရတယ်လို့ ထင်ပါသလဲ….?  ပြဿနာကတော့ သူ့သမီးလေးဟာ ပြားရာကလုံးလို့ ယောက်ျားလေးတွေကို စိတ်မ၀င်စား မိန်းကလေး အချင်းချင်းသာ စိတ်ဝင်စားလို့ ဖြစ်ပါသတဲ့။  လောလောဆယ်မှာ သူ့နဲ့ ချစ်သက်တမ်းကြာပြီဖြစ်တဲ့ အချစ်တော်လေးက ပြင်သစ်မှာ နေပါသတဲ့။  ကဲ…..  သန်း ၆ သောင်းတန် သတို့သား ဖြစ်လိုသူများ ကံစမ်းနိုင်ကြပါပြီ။  

Revised MARPOL Annex V


A revised MARPOL Annex V will enter into force on 1 January, 2013, and will introduce stricter controls on the disposal of garbage from ships at sea.
The main revisions to the Annex are as follows:
1.     New definitions have been introduced, including for animal carcasses, cooking oil, cargo residue and domestic waste.
2.     All ships of 100 gt and above or certified to carry more than 15 people are required to have on board a garbage management plan (note: there is no requirement for the plan to be approved).
3.     Ships 12 metres in length or more and fixed or floating platforms are to display placards notifying crew and passengers of the MARPOL Annex V requirements.
4.     Ships of 400 gt and above and all fixed or floating platforms are to have on board and maintain a garbage record book in the format specified in MARPOL Annex V.
5.     Discharges of any garbage from fixed or floating platforms and from any ship alongside or within 500 metres of a fixed or floating platform are prohibited. Food waste may be discharged from a fixed or floating platform provided it is more than 12 nm from land and the waste has been passed through a comminuter or grinder so that it can pass through a screen with openings no greater than 25 mm.
6.     The discharge of garbage into the sea is prohibited except under certain circumstances when a ship is en route, as follows:
Outside special areas
  • Food waste may be discharged more than 3 nautical miles (nm) from land if passed through a comminuter or grinder, Such waste is to be capable of passing through a screen no greater than 25 mm or may be discharged more than 12 nm from land if not passed through a comminuter or grinder.
  • Cargo residues that do not contain substances classified as harmful to the marine environment may be discharged more than 12 nm from land.
  • Cleaning agents in cargo hold, deck and external surfaces’ wash water may be discharged to sea provided they are not harmful to the marine environment.
  • Animal carcasses may be discharged as far from land as possible in accordance with IMO guidelines.
Inside special areas
  • Food wastes may be discharged as far as practical from land but not less than 12 nm from land or the nearest ice shelf.
  • Cargo residues may be discharged provided that:
    • cleaning agents in cargo hold, deck and external surface wash water are not harmful to the marine environment
    • both the port of departure and the next port of destination are within the special area and the ship will not transit outside the special area between those ports
    • no adequate reception facilities are available at those ports
    • discharge of cargo hold washing water containing residues is made as far as practicable from the nearest land or ice shelf and not less than 12 nautical miles from the nearest land or the nearest ice shelf.
  • Cleaning agents in cargo hold, deck and external surface wash water may be discharged to sea provided they are not harmful to the marine environment.
Note: the IMO is developing guidelines for determining which cargo residues and cleaning agents are harmful to the marine environment.

Reference : Lloyd's Register Of Shipping

Monday, October 1, 2012

Novel Coronavirus (SARS မျိုးနွယ်ဝင် ဗိုင်းရပ်(စ်) အသစ်)


          SARS… တုန်းက လူတွေ အလူးအလဲ ခံခဲ့ရတာပဲ။  ခုလည်း လာပြန်ပြီ နောက်တစ်မျိုး Novel Coronavirus တဲ့။  WHO (World Health Organization) ရဲ့ အဆိုအရတော့ လောလောဆယ် ၂ ယောက်တွေ့ထားပါသတဲ့။  ခုထိတော့ အများကြီး ပြန့်သွားတယ် မကြားမိသေးပါဘူး။  SARS ရဲ့ virus အုပ်စုဝင် တစ်မျိုးဖြစ်တဲ့ coronavirus မျိုးစိတ်ကို လောလောဆယ်တော့ Novel Coronavirus လို့ ခေါ်ပါတယ်။ 
ဒီ ဗိုင်းရပ်ဝင်သွားရင် ရုတ်တရက် အသက်ရှုလမ်းကြောင်းဆိုင်ရာ ရောဂါတွေ အပါအ၀င် ကျောက်ကပ်ရဲ့ အလုပ်လုပ်မှု့စနစ်ကိုပါ ထိခိုက်စေပါသတဲ့။  ဆေးအကြောင်းလဲ နေသိပ်မကောင်းရင် ပါရာစီတမောတစ်လုံးသောက် စောင်ခြုံပြီးကွေး ဆိုတာလောက်ကလွဲလို့ ဘာမှ သိလှတယ်မဟုတ်၊ သြော်.. ဗိုင်းရပ်(စ်) ဆိုတော့လဲ ဗိုင်းရပ်(စ်)ပေါ့လေ။   ဟိုလို ဒီလို ကာကွယ်ပါဆိုတဲ့ လက်ကမ်းစာစောင်ဝေတော့လဲ အဲ့ဒီအတိုင်း လိုက်လုပ်ယုံပေါ့။  ဘယ့်နှယ် တစ်မျိုးပြီး တစ်မျိုး မရိုးနိုင်အောင် အသစ် အသစ်တွေ ထွက်ပဲ ထွက်နိုင်လွန်းတယ်။  စိတ်ဝင်စားသူများကတော့ ဟော့ဒီ အစီရင်ခံစာမှာ အသေးစိတ် ဖတ်လို့ရပါတယ်။  ကျွန်တော်ကတော့ ဖတ်လဲ နားမလည်။
ဒီဗိုင်းရပ်(စ်)က အရှေ့အလည်ပိုင်း(ဆော်ဒီ နဲ့ ကာတာ) ကနေ စပြီးတော့ ပြန့်တယ်လို့ ယူဆပါသတဲ့။  ဒီနေ့တော့ အလုပ်ထဲကို မသွားပဲ တစ်ရက်နားပစ်လိုက်တယ်။  ဒီတော့ ပိုစ့်အသစ်လေးတွေ ရေးဖြစ်တယ်။  အရင်ရက်တွေတုန်းက ပိုစ့်မှန်မှန် မတင်ဖြစ်တဲ့အတွက် စာလာဖတ်သူများကို အထူးပဲ အားနာမိပါတယ်။  ကမ္ဘာကြီးကတော့ တစ်ဖြည်းဖြည်းနဲ့ ယိုယွင်းလာတာပါပဲလေ။  အရေးကြီးတာက ခြေအိတ်တွေ လျှော်ရဦးမယ်။  ပိတ်ရက်လေးရတုန်း။

ဂင်းနစ် မှတ်တမ်းဝင်သွားတဲ့ ဂဏန်းစတိုင်လ်

PSY ရဲ့ Gangnam Style ကတော့ ဂင်းနစ်မှတ်တမ်းဝင်သွားပါပြီ။  ဂျက်စတင်ဘီဘာရဲ့ "Baby" သီချင်းကို ကျော်ပြီးတော့ Youtube ပေါ်မှာ လူကြည့်အများဆုံး သီချင်းအဖြစ်နဲ့ ဂင်းနစ်မှတ်တမ်းဝင်သွားတာပါ။  လက်ရှိ ကြည့်ရှု့သူပေါင်း သန်း ၃၀၀ ကျော်ရှိနေပြီးတော့ Like လုပ်သူပေါင်း ၃ သန်းကျော်နေပြီ။  နေ့တိုင်း နေ့တိုင်း လူပေါင်း ၆ သန်းလောက် အဲ့ဒီ သီချင်းကို နားထောင်နေကြသတဲ့။  Beats နဲ့ Lyrics ခပ်မြူးမြူး၊ ပြင်းပြင်း ဖြစ်တာထက် PSY ရဲ့ မြင်းစီးတဲ့ အက ကြောင့် ပိုပြီးတော့ ပေါက်သွားတယ် ထင်ပါ့။  

Reference : (Link)

Saturday, September 29, 2012

အတု… အတု… အတု


          အတု အကုန်လုံး တရုတ်တွင်ရသည်။  သို့သော် အစားအသောက်ကို အတုလုပ်တာကတော့ အတော့်ကိုဆိုးလှသည်။  တရုတ်မှာ နွားနို့ မသောက်ရဲ။  ခက်သည်က မသောက်လျှင် ငတ်မည်သာတည်း။  ထို့ကြောင့် သောက်ချင်လာလျှင်တော့ တစ်ခွက်တစ်လေ မှာသောက်ဖြစ်သည်။ 
          ၀က်နားရွက်လည်း အတုထွက်သည်။  အရိုးနှင့် အရေခွံတွေကို ရောကျိုလို့ရလာတဲ့ ဂျယ်လီလို ပျစ်ပျစ်အရည်နှင့် ပလပ်စတစ်ကို ရောသမပြီးတော့ ဘယ်လိုဘယ်လိုလုပ်လိုက်သည်မသိ။  ၀က်နားရွက်အတိုင်း ထွက်လာလေသတည်း။  စားလျှင် သွေးနှင့် နှလုံးရောဂါတွေရနိုင်သည်တဲ့။  အနံနဲ့တော့ ခွဲလို့ရနိုင်သည်။  ၀က်နားရွက်မစားခင် အနံရှုကြည့်ရမလိုလို။
          ကြက်ဥ အတုကတော့ ကြာလှပြီကော။  အတု အစစ် ဘယ်လိုခွဲမတုန်း။  မနက်စာ ပေါင်မုန့်နှင့် ကြက်ဥကိုသာ ဟိုတယ်တွင်ရှိသည်။  ကြော်ပြီးသာ ကြက်ဥတစ်လုံးကို အတုအစစ်မခွဲနိုင်။  ဒီတိုင်းသာ စားရသည်။  ကြက်ဥတင်မဟုတ် စပျစ်သီးပါ အတုထွက်နေပြီ။  YouTube တွင် ရှု့ကြပါကုန်။

Thursday, September 27, 2012

iPhone 5 လား တရားစွဲပစ်လိုက်မယ်


                 ပန်းသီးနဲ့ ဆမ်းဆောင်း တရားစွဲ၊ ဟိုဘက်ကစွဲလိုက် ဒီဘက်က စွဲလိုက်နဲ့ မရိုးနိုင်တဲ့ ဇာတ်လမ်းပေါ့။  ဒါပေမယ့် ထူးထူးခြားခြား ဒီနေ့ သတင်းလေးဖတ်လိုက်ရတော့ တော်တော်လေး ရယ်ချင်သွားတယ်။   ဟောင်ကောင် အခြေစိုက် Goophone ဆိုတဲ့ ဖုန်းကုမ္ပဏီတစ်ခုဟာ apple က အသစ်ထွက်မယ့် iPhone 5 နမူနာကို apple က တရားဝင် မဖြန့်ချီခင်မှာ ရရှိသွားပြီး၊ iPhone 5 အခွံအတိုင်း ပုံတူပွားပြီးတော့ Android os သွင်းပြီး ဈေးကွက်ကို ဖြန့်ချီပြီးနေပါပြီတဲ့။  ဒါ့ကြောင့် apple ကသာ iPhone 5 ကိုဈေးကွက်ထဲကို ဖြန့်မယ်ဆိုရင် သူတို့ ဖုန်းဟာ ဈေးကွက်ထဲကို အရင်ရောက်ပြီးသားဖြစ်တဲ့ အတွက် ပန်းသီးကို ပုံစံတူ ကူးမှု့နဲ့ ပြန်ပြီးတော့ တရားစွဲမယ်လို့ ဆိုပါသတဲ့။  သြော်…. သူခိုးက လူပြန်ဟစ်တယ်ဆိုတာ ဒါမျိုးမှ အဟုတ်။  ဘာ… ဘာ… ဘာမှ မပြောလိုတော့ပါဘူး။


Source : (Link)

Thursday, September 20, 2012

မီးမုန်တိုင်း (သို့) Fire Whirl များ


          တိုနေဒိုး လေဆင်နှာမောင်းတွေကိုတော့ မြင်ဖူးကြမှာပါ။  ဒါပေမယ့် ခုလိုမျိုး Tornadoနဲ့ သဏ္ဍာန်တူတဲ့ Fire Whirl Storm အဖြစ်တော့ မြင်ရဖို့ တော်တော်လေး ခဲယဉ်းပါတယ်။  လေဆင်နှာမောင်းထဲမှာ မီးတွေပါ လောင်ကျွမ်းပြီးတော့ လေဆင်နှာမောင်း သွားတဲ့ လမ်းကြောင်းတစ်လျှောက်မှာ မီးတန်းကြီး ဖြစ်ကျန်ခဲ့တဲ့ မုန်တိုင်းမျိုးပါ။  ၁၉၂၃ ခုနှစ် ဂျပန်မှာ မဟာကန်တို ငလျှင်ကြီးလှုပ်သွားတော့ မြို့တစ်မြို့စာလောက်ရှိတဲ့ မီးမုန်တိုင်းကြီး ဖြစ်ပေါ်ခဲ့ပြီး တိုကျိုမြို့ရဲ့ ဟိဖူကူရှိုး-အာတို ဒေသမှာ လူပေါင်း ၃ သောင်း ၈ ထောင်လောက်ဟာ ၁၅ မိနစ်အတွင်း သေဆုံးခဲ့ရပါတယ်။  ၁၉၂၆ ခုနှစ်မှာလည်း ကာလီဖိုးနီယားရဲ့ ဆန်လူးဝစ်(စ်) အိုဘစ်(စ်)ပိုမှာ ဆီကန်ကို မိုးကြိုးပစ်ရာက စတင်တဲ့ မီးလောင်ကျွမ်းမှု့နဲ့စတင်ပြီးတော့ ခုလိုမျိုး မီးမုန်တိုင်းဖြစ်ပွားခဲ့ပါတယ်။ 
          ၁၀ မီတာကနေ ၁၅ မီတာအထိ အမြင့်ရှိနိုင်တဲ့ ဒီမီးမုန်တိုင်းတွေဟာ အကြာကြီးတော့ တိုက်ခတ်တာမဟုတ်ပါဘူး။  ဒါပေမယ့် တစ်ခါတစ်လေကျရင်တော့ ဒီမီးမုန်တိုင်းတွေဟာ ကီလိုမီတာ အမြင့်အထိ ရောက်နိုင်ပြီးတော့ လေတိုက်နှုန်းကလည်း တစ်နာရီကို ကီလိုမီတာ ၁၆၀ ကျော်နှုန်းတိုက်ခတ်နိုင်ပြီးတော့ မိနစ် ၂၀ ကျော်ကြာမြင့်နိုင်ပါတယ်။  မီးမုန်တိုင်းတွေ ဘယ်လိုတိုက်ခတ်သလဲဆိုတာကို အောက်က YouTube ဗီဒီယိုတွေမှာလည်း ကြည့်နိုင်ပါတယ်။

Wednesday, September 19, 2012

ကျွန်တော်နှင့် C သုံးလုံး ဒုက္ခများ


          C သုံးလုံးဆိုတာ နေရာတိုင်းမှာ တွေ့ရသည့် ဒုက္ခ။  အထူးသဖြင့် သင်္ဘောကျင်းတွေမှာ။  အရင်တုန်းကတော့ သင်္ဘောကျင်းမှာ ကိုယ်ကသင်္ဘောဆောက်ပေးသူ။ အခု Owner Representative ပြောင်းလုပ်တော့ ၀ဋ်ပြန်လည်တာပဲ။  တစ်ကမ္ဘာလုံး ဘယ် သင်္ဘောကျင်းသွားသွား ဒီ C ၃ လုံးပြဿနာကတော့ ရှိမြဲ။  C သုံးလုံးဆိုတာက ရယ်စရာမောစရာလိုမျိုး ပြောတတ်ကြတာ။  ဒါပေမယ့် ပြဿနာကတော့ မသေးလှ။  Specification, new building contract, ITP (Inspection and Test Plan)၊ Yard Standard ဒါတွေအားလုံးဟာ သင်္ဘော မဆောက်ခင်ကထည်းက သင်္ဘောကျင်းနဲ့ သင်္ဘောအပ်နှံသူကြားထဲမှာ ရှိရမယ့် မရှိမဖြစ် သဘောတူညီမှု့တွေ။  သင်္ဘောစဆောက်တာနဲ့ ဒီသဘောတူညီမှု့အတိုင်း တည်ဆောက်မှု့ အဆင့်အဆင့်ရဲ့ အဆင့်တိုင်းကို သွားရမှာ။  အဆင့်တိုင်းရဲ့ တည်ဆောက်မှု့တွေကို Classification society က သူ့ကြည့်ရမယ့် အပိုင်းကို လိုက်ကြည့်၊ owner ကတော့ အကုန်လုံးလိုလိုကို လိုက်ကြည့်။  သံပြားဖြတ်တာကစလို့၊ သံပြားတွေ ဂဟေဆော်ဆက်၊ သင်္ဘောပုံစံပေါ်၊ ပန်ကာတွေ ဆင်၊ အင်ဂျင်တွေထိုင်၊ လျှပ်စစ်ကြိုးသွယ်… ဘာညာ အကုန်လုံးဆိုပါတော့လေ။  ဒီတော့ သင်္ဘောကျင်းဆိုတာကလည်း မ တစ်ရာ သားသမီးတွေကို အုပ်ချုပ်ရတဲ့ အဖွဲ့အစည်း၊ ဒီကြားထဲမှာ Management က ဖွတ်ဖြစ်နေရင် ဒီ မ တစ်ရာ သားသမီးတွေက သင်္ဘောကို လုပ်ချင်တိုင်း လုပ်ကုန်ကြရော။  ဒါကိုမှ သင်္ဘောကျင်းက မထိန်းနိုင်ရင် ပြဿနာတွေက အဲ့ဒီ မတစ်ရာ သားသမီး လူတွေမှာ မဟုတ်တော့ပဲ သင်္ဘောကိုယ်တိုင်က ပြဿနာ အတုံးလိုက်ကြီး ဖြစ်သွားရော။  အဲ့ဒီတော့ စောစောက သင်္ဘောတူညီချက်တွေ အတိုင်း စစ်ဆေးတဲ့ အခါကျတော့ ပြဿနာက စသပေါ့လေ။
သင်္ဘောကျင်းတွေရဲ့ C သုံးလုံး ဥပဒေက Convince, Confuse and Cheat။ သင်္ဘောကျင်းတွေရဲ့ပထမဆုံး tactic C က convince။  စောစောက ပြောခဲ့တဲ့ Contract, specification, ITP, Yard Standard စတာတွေနဲ့ မညီတဲ့ quality issue တွေအကုန်လုံးနဲ့ပါတ်သတ်ပြီးတော့ သူတို့က convince (ဟုတ်ပါတယ်၊ မှန်ပါတယ်၊ ဖြစ်သင့်တယ်၊ ပြင်ပေးမယ်၊) ဒါမျိုးလေးတွေနဲ့  စသပေါ့လေ၊ လုပ်တာက တစ်မျိုး မလုပ်တာက တစ်မျိုး.. မနက်ဖြန်များစွာရှိတယ် ဆိုတဲ့ ဒိုးလုံး သီချင်းလိုမျိုး မနက်ဖြန်တွေကို ရွှေ့ရင်း ရွှေ့ရင်းနဲ့  ပြဿနာလေးတွေ ပုံပုံလာပြီး ပြဿနာပုံ တော်တော်ကြီးလာ။  အဲ့.. နောက် နဲနဲ ပိုပြီး ပြဿနာကြီးလာရင်တော့ Confuse stage ကိုရောက်ရော။  ဒီအဆင့်ကျရင်တော့ သင်္ဘောကျင်းတွေက ငြင်းမယ်၊ေ၀၀ါးအောင်လုပ်မယ်၊ လမ်းကြောင်းပြောင်းမယ်၊ အပေးအယူတွေလာမယ်၊ စသည်အားဖြင့် ပြဿနာတွေကို ဖြေရှင်းမယ်။  ဒီအဆင့်မှာလည်း ဘယ်လိုမှ လုပ်မရတော့ဘူးဆိုရင်တော့ Cheat အဆင့်ကို ရောက်သွားပြီ။  Cheating ဆိုရင်တော့ ဒါဟာ သင်္ဘောရဲ့ quality ကို တိုက်ရိုက်ကို ထိတော့တာ။  ခိုးလုပ်မယ်၊ ဟုတ်ဟုတ်မဟုတ်ဟုတ်၊ နွားမ ရွှံပိတ်လုပ်တော့မယ်။  ဒီလိုနဲ့ C သုံးလုံးက စတယ်။ 

Monday, September 17, 2012

ဂူဂဲလ်ရဲ့ ဂူဂဲလ် မျက်မှန်


             သိပ္ပံကားတွေထဲမှာ မျက်မှန်တစ်လက်ထဲမှာ မက်ဆေ့ခ်ျရိုက်၊ သတင်းအချက်အလက်တွေ ပြ၊ ဖုန်းခေါ် ဒါတွေကို တွေ့ဖူးမှာပေါ့။  ခုတော့ အပြင်မှာ နောက်နှစ်လောက်ဆိုရင် မြင်ရနိုင်ဖွယ်ရှိလာပါပြီ။  Google ကတော့ သူ့ရဲ့ proto type ဂူဂဲလ်မျက်မှန်ကို အိုင်ဖုန်း ၅ မထုတ်ခင် တစ်ရက်က ဖက်ရှင်ရှိုးတစ်ခုမှာ ထုတ်ပြသွားပါတယ်။  ဒီ မျက်မှန်မှာ ဘာပါမလဲ?  မျက်မှန်ကိုင်းထဲမှာ memory, processor, camera, speaker and micro phone, bluetooth and wi-fi antenna စတာတွေ ပါဝင်ပါမတဲ့။  မျက်မှန်ရဲ့ ညာဘက်ထောင့်အပေါ်နားလေးမှာ screen သေးသေးလေးပါဝင်ပါတယ်။ ဒီမျက်မှန် တပ်ထားလိုက်ရင် cellular radio ကနေတစ်ဆင့် အွန်လိုင်းချိတ်ပြီးရင် wireless နဲ့ ကိုယ့်ရဲ့ဖုန်းကိုချိတ်၊ ဒီလိုဆိုရင် ဟန်းဖုန်းတွေလိုပဲ ဖုန်းဆက်လို့ရမယ်၊ မက်ဆေ့ခ်ျပို့လို့ရမယ်၊ GPS နဲ့သွားချင်တဲ့ နေရာကို ရှာလို့ရမယ်၊ ဓာတ်ပုံရိုက်ပြီးတော့ ချက်ချင်း Google+ မှာ ရှဲလို့ရမယ်၊ face to face video call ပါမယ်။  ဒီတော့ မျက်မှန်တစ်လက်တပ်လိုက်ရင် ကွန်ပျူတာ အသေးလေးတစ်လုံး ကိုယ့်ရှေ့ရောက်နေသလိုပဲ…. ဘာခလုပ်မှ နှိပ်စရာမလို၊ voice command အသံနဲ့ ထိန်း။  ဟုတ်တော့ ဟုတ်နေတာပဲ။  ဟောဒီက YouTube Video မှာ ဒီမျက်မှန် ဘယ်လိုအလုပ်လုပ်သလဲဆိုတာ ကြည့်နိုင်ပါတယ်။

Thursday, September 13, 2012

အိုင်… အိုင်… အိုင်….


          ဒီပြဿနာစတာက ဟိုလူကြီး ကမောင်သန့် ကနေ စတာ။  စဆို သူက ပိုစ့် ၃ ပိုစ့်နဲ့ ဆွလိုက်တာ.. အတိတ်နမိတ်ပေးတာကတစ်မျိုး  စင်ကာပူ မပါဘူးဆိုတာက တစ်ဖုံတစ်ကယ်ထွက်ပြီဆိုတာကတစ်မျိုး အမျိုးမျိုးဆွတော့ လူလည်း ကြည့်ချင်လိုက်တာမှ တစ်ပိုင်းကို သေလို့။  ဟော နောက်ဆုံး တစ်ကယ်ထွက်ပြီဆိုတဲ့ ပိုစ့်လဲရောက်ရော အိုင် ဆီကို တန်းနေအောင်ပြေးတာ။  ဒီလူတွေ ကြော်ငြာကောင်းချက်ကတော့ 9 လောက်ရှိတယ်။  အီးကုန်စက္ကူကြော်ငြာရင်တောင်မှ we never done this before တို့၊ the best we ever made တို့လိုမျိုး စာလုံးတွေနဲ့တင် လူမှာ သေလောက်တယ်။  ကမ္ဘာ့အကောင်းဆုံး အီးကုန်းစက္ကူကိုရဖို့ အကောင်းဆုံး မြေဆီမြေနှစ် မြေသြဇာတွေကို ဘယ်နိုင်ငံကမှာယူပြီးတော့၊ ၀ါးတွေ အရည်အသွေးကောင်းဆုံးရအောင် အပူချိန်၊ မိုးရေ ကိုဘယ်လိုထိန်းသိမ်းပြီး ၀ါးကို စိုက်ပျိုး၊ နောက်ဆုံးပေါ်စက်ကြီးတွေနဲ့ ကြိတ်လို့ စက္ကူနဲ့ အရေပြားနဲ့ ထိတွေ့တဲ့နေရာမှာ ဘယ်အရာမှ မယှဉ်သာအောင် ကွာလတီက ဟောဒီလိုကောင်းတော့၊ ဟောဒီ အီကုန်းစက္ကူကို သုံးလိုက်ရင် အိမ်သာတက်ရင်း နတ်ပြည်ရောက်သလို ခံစားရမယ်ဆိုပြီးတော့ စီအီအိုသုံးယောက် အဖြူရောင် နောက်ခံကြီးနဲ့ ၀ါးပင်တွေ တစ်မျိုးပြလိုက်၊ ၀ါးကြိတ်တာတစ်မျိုးပြလိုက်၊ အီးကုန်စက္ကူ ပါကင်လှလှတွေ တစ်မျိုးပြလိုက်နဲ့ ပတွတ် ပတွတ်ပြောလိုက်ရင် တစ်သက်လုံး ထရံချိုး အီးကုန်းလာတဲ့လူတွေတောင် သူတို့ဆီမှာ တန်းဆီပြီးဝယ်ရလောက်တယ်။

          ခုလည်း ကိုယ်ကိုင်ထားတဲ့ ဖုန်းကို ကြည့်လိုက် သူတို့ရဲ့ အိုင်ဖုန်းဖိုက် ကြော်ငြာကြီးကို ကြည့်လိုက်နဲ့… ဟယ်.. ဖုန်းလေးက ပါးပါးလေးပဲ… အင်း ၇.၆ မီလီမီတာပဲ ထူးသကိုး။ ရှည်မျောမျောလေးနဲ့ လှထှာ။  သြော်… ရက်တီနာ ဒစ်စပလေးတဲ့.. အင်း ကောင်းလိုက်တာ ကြည်လင်ပြတ်လားလိုက်တာ… ဟင်.. ငါ့ဖုန်းကြီးနဲ့ ကွာပ။  ဘာလဲ.. ပန်နိုရားမားဟုတ်လား.. အော်.. ဓာတ်ပုံတွေကို မြင်ကွင်းအကျယ်လိုက်ကြီး ရိုက်လို့သတဲ့.. ဟင့် ငါဖုန်းမှာလဲ အဲ့သလိုဟာမျိုး မချိပါလား။  ဒီလို ပန်နိုရားမားနဲ့ဆိုရင် မြန်မာပြည်က ရှိရှိသမျှ နာမည်ကြီးမော်ဒယ်တွေကို တန်းစီခိုင်းပြီး အတန်းလိုက်ကြီး ဆွဲရိုက်ပစ်လိုက်လို့ရတယ် ရှယ်ပဲ.. ရှယ်ပဲ။  အို.. ပန်းသီးက အင်ဂျင်နီယာတွေထွင်လိုက်တဲ့ နားကျပ်ကိုများ နားထဲထိုးထည့်လိုက်ရင် လောကစည်းစိမ်… ဇိမ်ဘဲ.. ဇိမ်ဘဲ။  ဘာ.. A6 ပရောဆက်ဆာက သိပ်မြန်သတဲ့။  ငါ့ဖုန်းကတော့ ဟန်းလိုက်တာ (ဂိမ်းတွေ စုပြုံထည့်ထားတာကိုတော့ မပြောနဲ့) ခွေးအကြီး လှည်းနင်းနေသလိုပဲ။  အမယ်… ဘလူးတုနဲ့ ဖိုးဂျီဝိုင်ယာလက်ဆိုတဲ့ ဟာကြီးက ဒေတာ ထရန်စဖားမှာ ရှလွတ်.. ရှလွတ်နဲ့ သိပ်မြန်တာပဲတဲ့။  ငါ့ဖုန်းကတော့ လှည်းအိုကြီးကို နွားအိုကြီး နှစ်ကောင်ဆွဲလို့၊ လမ်းမှာ ဂျမ်းဖြစ်နေတာထက်တောင် ကွန်နက်ရှင်ဆိုးသေးတယ်။  ဆမ်ဆောင်း ဂလက်ဆီ သရီးကလည်း “လူတွေအတွက် ဒီဇိုင်းထုတ်ထားတယ်”ဆိုပြီး ကြော်ငြာပြန်တော့ သြော်.. ၀ယ်မသုံးမိတဲ့ ငါ့မှာ လူရော ဟုတ်မှ ဟုတ်သေးရဲ့လားလို့ နားရွက်ပြန်ကိုင်ကြည့်၊  ဂျိုပေါက်မပေါက် ကိုယ့်ခေါင်း ကိုယ်ပြန် စမ်းကြည့်ရသေးတယ်။  ခုလည်း 4G ဆိုတဲ့ဟာကြီးက အိုင်ဖုန်း ဖိုက်မှာ ပါလာပြန်ပြီ။  ဘယ်သူက ဘယ်သူဟာကို ခိုးမှန်းတော့မသိ။  ပြီးရင် သူတို့ပဲ အုန်းအုန်းထ တစ်ယောက်နဲ့ တစ်ယောက် တရားစွဲဦးမယ်။ ကြားထဲမှာ ထွက်သမျှဖုန်းတွေကြည့် သွားရေ တောက်တောက်ကျ။   သူတို့ကြော်ငြာသမျှလိုက်ကြည့်ပြီးတော့.. တော်တော်ဒူတဲ့ ငါဖုန်းပါလား ဆိုပြီး လွှတ်ပစ်ချင်စိတ်တောင်ပေါက်လာပြီ။

Wednesday, September 12, 2012

လေ့လာမှတ်သား သူတို့စကား

ခံယူချက်ဆိုတာက တစ်ကယ်တော့ ခပ်သေးသေးအရာတစ်ခု... ဒါပေမယ့် အများကြီးပြောင်းလဲနိုင်တယ်..

Tuesday, September 11, 2012

အာဘွား…


          “ရေမြေခြားသွားရတော့… မင်းလေးကို ထားခဲ့ရပြီပေါ့… မျက်ကွယ်ရာမှာ ကိုစိတ်ချပါရစေ….”  တစ်နယ်စီဝေး၊ အလွမ်းတွေဝေ၊ ချစ်သူတွေဘ၀ မတွေ့ရလို့လွမ်း ချစ်အနမ်းလေးတွေ ဝေးနေတဲ့ ချစ်သူများတွေကတော့ ဂျီတော့၊ ဗီဇက်အို၊ စကိုက်ပီ၊ ဖဘ တို့စတဲ့ အွန်လိုင်းပေါ်မှာပဲ အလွမ်းဖြေရတာပေါ့။  အခုတော့ တစ်မူထူးလို့ အသစ်တစ်မျိုး ထပ်ပေါ်လာပါပြီ။ အဲ့ဒါကတော့ “Kissenger” ပါတဲ့။  ချစ်သူတွေအွန်လိုင်းကနေ တစ်ဦးနဲ့ တစ်ဦး အနမ်းတွေ ချွေနိုင်မယ့် စက်ကလေးပါတဲ့။  ဒီစက်မှာပါတဲ့ sensor က တစ်ဖက်က ချစ်သူရဲ့ အနမ်းခြွေလိုက်တဲ့အခါမှာ နှုတ်ခမ်းရဲ့ ဖိအားအတိုင်း တစ်ဖက်ကို ပြန်လည်ပို့ဆောင်ပေးမှာဖြစ်ပါသတဲ့။  အဲ…. ရည်းစားမရှိတဲ့ လူပျိုကြီးများဒါလေးကို ဖတ်မိလို့ အားငယ်မသွားပါနဲ့ဦး....  နမ်းစရာချစ်သူမရှိရင်.. အဲ့ဒီစက်ကလေးမှာ ကွန်ပျူတာနဲ့ နမ်းလို့ရအောင်လည်း ဖန်တီးပေးထားပါသေးတယ်လို့ အနမ်းခြွေတဲ့ စက်ထုတ်လုပ်တဲ့ ထုတ်လုပ်တဲ့ Lovotics ကုမ္ပဏီက ဆိုထားပါသေးသဗျား။  ကဲ စက်ကလေး ဘယ်လို အလုပ်လုပ်သလဲဆိုတာကို YouTube ကနေကြည့်နိုင်ပါသဗျား။

Monday, September 10, 2012

ကြက်ဥနီနီ၊ ချောကလက် နှင့် ဂျင်း


          ဒီနေ့ ဗူးလေးတစ်ဗူး လက်ဆောင်ရတယ်။  ဘာလဲလို့မေးလိုက်တော့ သားလေးမွေးလို့တဲ့။  သားဦးမွေးလို့ မင်္ဂလာသတင်းပါးရင်း လက်ဆောင်လာပေးတာပါတဲ့။  ဖွင့်ကြည့်လိုက်တော့ ကြက်ဥနှစ်လုံး ထွက်လာတယ်။  ချောကလက် နှစ်ခုထွက်လာတယ်။  ဘေးနားက တရုတ်ကို ရှင်းပြခိုင်းတော့မှ သူတို့ ဓလေ့မှာ ရင်သွေးရတနာ မွေးဖွားသန့်စင်ရင် သူငယ်ချင်း မိတ်ဆွေတွေကို ကြက်ဥဝေပါသတဲ့။  ချောကလက်ကရောဆိုတော့ ချောကလက်က ယောက်ျားလေးမွေးရင် ထည့်ပေးပြီးတော့ မိန်းကလေးဆိုရင်တော့ ချောကလက် မထည့်ပါဘူးတဲ့။  ဒီလိုနဲ့ အင်တာနက်မှာရှာကြည့်လိုက်တော့ ကြက်ဥနီနီနဲ့ ဂျင်းအကြောင်းသွားတွေ့တယ်။  ကလေး တစ်လပြည့်တာနဲ့ ကြက်ဥနီနဲ့ ဂျင်းပွဲတော်လုပ်ပါသေးသတဲ့။  ကြက်ဥနီနီမှာ အနီရောင်ကတော့ ပျော်ရွှင်မှု့ကို ကိုယ်စားပြုပြီးတော့ ကြက်ဥကတော့ အဟာရဖြစ်စေဖို့၊ ကျန်းမာသန်စွမ်းဖို့ စသည် စသည် သဘောအားဖြင့် ကျွေးပါသတဲ့။  အင်း ကလေးမကျွေးပဲ ဘယ့်နှယ် လာတဲ့လူတွေ ကျွေးနေသလဲတော့ မသိ။  မည်သို့ပင်ဆိုစေ ကြက်ဥနှစ်လုံးကတော့ သောင်တင်နေသည်။  အရင်တုန်းကတော့ ကြက်ဥကို ဆိုးဆေးအနီသုတ်ပြီး ပြုတ်သည်ဟုဆိုသည်။  ခုတော့ ကြက်ဥက ဘာရောင်မှန်းမသိ။  မင်္ဂလာသတင်းအတွက်စားရင်း ဘယ်နှစ်ဘယ်ကာလကထဲက ပါကင်ထုတ်ထားမှန်းမသိတဲ့ ကြက်ဥကို စားမိပြီး အမင်္ဂလာဖြစ်သွားမှာစိုးလို့ ရဲရဲ မစားရဲ။  စားရင်ကောင်းမလား၊ လွှတ်ပစ်ရင်ကောင်းမလား စဉ်းစားနေတုန်း…..  

Sunday, September 9, 2012

အကြောင်းကြောင်းကြောင့် စိတ်ရှုပ်နေရင် ဦးနှောက်ဆေးဖို့ပေါ့ ၁၃

အင်တာနက်မှာ တွေ့သမျှ စိတ်အပန်းဖြေစရာပုံလေးတွေကို တင်ပေးလိုက်ပါတယ်......  စိတ်ပင်ပန်းနွမ်းနယ်နေသူများ လက်ပြေလက်ပျောက် ကြည့်ရင်း ရယ်မောပျော်ရွှင်နိုင်ကြပါစေသောဝ်.....
ရယ်သောသူသည် အသက်ရှည်၏    

Just do it ဆိုတော့ Just do it လိုက်တာပေါ့

Saturday, September 8, 2012

ယုံချင်ယုံ မယုံချင်နေ ရှန်ဟိုင်း ဖုန်းရွှေပုံပြင်များ ၁


          ရှန်ဟိုင်းဆိုတာကလည်း လူတွေ အုန်းအုန်းထ၊ ကားတွေ အုန်းအုန်းထပြီးတော့ မိုးပျံလမ်းမတွေ ရှုပ်ယှက်ခက်နေတဲ့ မြို့။  ဟိုးတစ်ရက်တုန်းက ရှန်ဟိုင်းရဲ့ The Bun ကအပြန်မှာ ချန်ဒူးလမ်းနဲ့ ရန်အမ်းလမ်းအဆုံနားက မိုးပျံလမ်းရဲ့ ထောက်တိုင်ကြီးတစ်လုံးက အခြားတိုင်တွေနဲ့ မတူပဲနဲ့ ထူးထူးခြားခြား နဂါးရုပ်တွေဘာတွေနဲ့ ကျကျနန လုပ်ထားတာကို သွားတွေ့မိတော့ ဒရိုင်ဘာကို မေးမိတယ်။  ဒါပေမယ့် ဒီတိုင်က အလှအတွက် လူမြင်အောင် လုပ်ထားတာလဲမဟုတ်၊ တစ်ခြားတိုင်တွေလိုပဲ။  နဂါးရုပ်တွေရှိနေတာတစ်ခုပဲ ထူးခြားတာ။  ဒီလိုနဲ့ ဒရိုင်ဘာပြောတဲ့ ပုံပြင်လေးရယ်၊ အင်တာနက်မှာ လျှောက်ရှာကြည့်မိတာလေးရယ်ကို ပြန်ရေးဖြစ်လိုက်တယ်။