အိမ်သာတက်တာကြာလို့ အသတ်ခံလိုက်ရတဲ့ လူ

         စာဖတ်သူများရော အိမ်သာတက်ရင်ကြာတတ်ပါသလား?  အန္ဒိယမှာတော့ အိမ်သာတက်တာကြာလို့ လူသတ်မှု့ဖြစ်သွားပါသတဲ့။  မွန်ဘိုင်းဆိုတာက လူဦးရေထူးထပ်သလို ဆင်းရဲသားရပ်ကွက်တွေမှာတော့ အိမ်သာကိုလည်း ဝေမျှပြီး သုံးနေရတဲ့ဘ၀ပါ။  ဖြစ်ချင်တော့ မွန်ဘိုင်းနားက မဟမ်ရက်ကွက်မှာ စီမွန်ဆိုတဲ့ လူဟာ ည ၇နာရီလောက်ထဲက အိမ်သာဝင်သွားပါသတဲ့။  သူ့နောက်မှာ ကာဂွတ်တား ဆိုတဲ့ အဲ့ဒီရပ်ကွက်ထဲက နောက်တစ်ယောက်ကလည်း တန်းစီနေပါသတဲ့။  ဘယ်လောက်ကြာလို့ ကိုဂွတ်တားလည်း ဘယ်လောက် ချုပ်တီးထားရတယ်မသိပါဘူး…. ဟိုလူလည်း ထွက်လာရော ရန်တွေ ထဖြစ်ကြတာပါပဲ။ ဖြစ်ရင်း ဖြစ်ရင်း လက်လွန်ခြေလွန်ဖြစ်ပြီးတော့ ကိုဂွတ်တားက ခေါင်းကို ပိတ်ထုလိုက်တာ စီမွန်တစ်ယောက် သတိလစ်သွားပါတော့တယ်။  ဆေးရုံကိုတင်သော်လည်းပဲ ကိုဂွတ်တား လက်သံပြောင်လေတော့ စီမွန်တစ်ယောက် ပြန်လည်နိုးထ မလာတော့ပါဘူးတဲ့။  ကဲ…. အများသုံးအိမ်သာ တက်သူများလည်း အကြာကြီးတော့ မတက်နဲ့ပေါ့.. တော်ကြာ အန္ဒိယက ကိုယ်တော်ချော နှစ်ယောက်လို နပန်းလုံးနေရဦးမယ်။

Source : (Link)