အသက် ၂၉ နှစ်မှာ ပထမဆုံး နားကြားရတဲ့ အမျိုးသမီး

         ဒီဗီဒီယိုလေးဟာ အခုဆိုရင် YouTube မှာကြည့်ရှု့သူ ၆သန်းကျော်သွားပြီဖြစ်ပါတယ်။  တကယ့်ကို စိတ်နှလုံးကို စွဲငင်ကိုင်လှုပ်နိုင်စွမ်းရှိတဲ့ ဗီဒီယိုလေးပါ။  ဒီဗီဒီယိုလေးထဲမှာ ပထမဆုံး နားပြန်ကြားရတဲ့ အမျိုးသမီးလေးရဲ့ ပထမဆုံး နာပြန်ကြားရတဲ့အချိန်ကို သူမရဲ့ အမျိုးသားက  ရိုက်ထားတာလေးပါ။ ဒီအမျိုးသမီးလေးရဲ့ အမည်က ဆာရာ ချာမန် လို့ခေါ်တဲ့ ကလေးနှစ်ယောက်မိခင်ဖြစ်ပါတယ်။ 

အောက်က ဗီဒီယိုလေးကတော့ msnbc သတင်းဋ္ဌာနနှင့် ဆာရာ၊ သူ့ခင်ပွန်း နှင့်အတူ သူမကိုခွဲစိတ်ပေးခဲ့တဲ့ ဆရာဝန် ဒေါက်တာ နန်စီ ဆနီဒါးမန်း တို့ကို တွေ့ဆုံဆွေးနွေးထားတဲ့ ဆွေးနွေးခန်းလေးပါ။  ဒီခွဲစိတ်မှု့အတွက် ကုန်ကျစရိတ် အမေရိကန်ဒေါ်လာ ၃ သောင်းလောက် ကုန်ကျပါတယ်။  ဒီပိုက်ဆံတွေကို ဆာရာတို့မိသားစုဟာ စုငွေလေးနဲ့ရော ချေးငွေတွေနဲ့ပါ ပေါင်းပြီးတော့ ခွဲစိတ်ကုသခံခဲ့တာပါ။  အခုတော့ ဒီလို ငွေကုန်ခံပြီး ခွဲစိတ်ကုသမှု့ရဲ့ ရလဒ်ကို ဆာရာတို့ ခံစားရပြီဖြစ်ပါတယ်။

          ခွဲစိတ်ဆရာဝန် ဒေါက်တာ နန်စီရဲ့ ပြောကြားချက်ကတော့ ဆာရာဟာ နားမကြားရပေမယ့် သူ့မှာ နားကြားနိုင်စွမ်းရှိတဲ့ အခြေအနေတွေရှိခဲ့ပါတယ်။  ဒီလိုနားကြားဖို့အတွက် နားအလည်မှာ ရှိနေတဲ့ အရိုးနုလေးရဲ့ တုန်ခါမှု့ကြိမ်နှုန်းကို ပရိုဆက်ဆာဆီကို ပို့ပေးပြီး ထိုမှတစ်ဆင့် ဦးနှောက်ရဲ့ နာဗ်ကြောနဲ့ ချိတ်ဆက်ပေးလိုက်တဲ့အချိန်မှာ နားကြားနိုင်စွမ်းရှိလာတယ်လို့ဆိုပါတယ်။  မည်သို့ပင်ဖြစ်စေ ခေတ်သစ် ဆေးပညာရဲ့တိုးတက်လာမှု့တွေကြောင့် လူသားတွေ အကျိုးကျေးဇူးများစွာ ခံစားရပါတယ်။

Source : (msnbc, YouTube)