အတု… အတု… အတု

          အတု အကုန်လုံး တရုတ်တွင်ရသည်။  သို့သော် အစားအသောက်ကို အတုလုပ်တာကတော့ အတော့်ကိုဆိုးလှသည်။  တရုတ်မှာ နွားနို့ မသောက်ရဲ။  ခက်သည်က မသောက်လျှင် ငတ်မည်သာတည်း။  ထို့ကြောင့် သောက်ချင်လာလျှင်တော့ တစ်ခွက်တစ်လေ မှာသောက်ဖြစ်သည်။ 

          ၀က်နားရွက်လည်း အတုထွက်သည်။  အရိုးနှင့် အရေခွံတွေကို ရောကျိုလို့ရလာတဲ့ ဂျယ်လီလို ပျစ်ပျစ်အရည်နှင့် ပလပ်စတစ်ကို ရောသမပြီးတော့ ဘယ်လိုဘယ်လိုလုပ်လိုက်သည်မသိ။  ၀က်နားရွက်အတိုင်း ထွက်လာလေသတည်း။  စားလျှင် သွေးနှင့် နှလုံးရောဂါတွေရနိုင်သည်တဲ့။  အနံနဲ့တော့ ခွဲလို့ရနိုင်သည်။  ၀က်နားရွက်မစားခင် အနံရှုကြည့်ရမလိုလို။

          ကြက်ဥ အတုကတော့ ကြာလှပြီကော။  အတု အစစ် ဘယ်လိုခွဲမတုန်း။  မနက်စာ ပေါင်မုန့်နှင့် ကြက်ဥကိုသာ ဟိုတယ်တွင်ရှိသည်။  ကြော်ပြီးသာ ကြက်ဥတစ်လုံးကို အတုအစစ်မခွဲနိုင်။  ဒီတိုင်းသာ စားရသည်။  ကြက်ဥတင်မဟုတ် စပျစ်သီးပါ အတုထွက်နေပြီ။  YouTube တွင် ရှု့ကြပါကုန်။

          ဂေါ်ဖီထုတ်လည်း အတုထွက်သည်။  ထွက်တော့လဲ ထွက်ပေါ့။  ဟင်းသီးဟင်းရွက်က အသားထဲရောချင်ရော၊ မရောချင်လဲ ဟင်းသီးဟင်းရွက်ကြော် မှာစား၊ ဒီလိုနဲ့ ဟင်းသီးဟင်းရွက်က ကင်းလို့ ရတာမှ မဟုတ်တာ။  ဒီတော့ သရဏဂုံ ရွတ်ပြီး စားဖို့သာရှိသည်။  ဂေါ်ဖီထုတ် အတုကတော့ အောက်က YouTube Link မှာ ကြည့်နိုင်သည်။  လောလောဆယ်တော့ အတုများနှင့် သံသရာ လည်လိုက်ဦးမည်။  ခုလည်း ကိုယ်ဆောက်နေတဲ့ သင်္ဘောကို အတုလား၊ အစစ်လား ခွဲဖို့မလွယ်တော့… သုံးတဲ့ Material တွေရဲ့ အရည်အသွေးကို welding ချောင်း တစ်ချောင်းချင်းစီလိုက်မစစ်နိုင်၊ heat treatment ပေးရမယ့်နေရာတွေ ပေးမပေး ညလုံးပေါက် ထိုင်မကြည့်နိုင်၊  pipe တစ်လုံးချင်းစီရဲ့ အရည်အသွေးကို လိုက်မကြည့်နိုင်။  မိုးနတ်မင်းကြီးကူပါဦး……