ယုံချင်ယုံ မယုံချင်နေ ရှန်ဟိုင်း ဖုန်းရွှေပုံပြင်များ ၁

          ရှန်ဟိုင်းဆိုတာကလည်း လူတွေ အုန်းအုန်းထ၊ ကားတွေ အုန်းအုန်းထပြီးတော့ မိုးပျံလမ်းမတွေ ရှုပ်ယှက်ခက်နေတဲ့ မြို့။  ဟိုးတစ်ရက်တုန်းက ရှန်ဟိုင်းရဲ့ The Bun ကအပြန်မှာ ချန်ဒူးလမ်းနဲ့ ရန်အမ်းလမ်းအဆုံနားက မိုးပျံလမ်းရဲ့ ထောက်တိုင်ကြီးတစ်လုံးက အခြားတိုင်တွေနဲ့ မတူပဲနဲ့ ထူးထူးခြားခြား နဂါးရုပ်တွေဘာတွေနဲ့ ကျကျနန လုပ်ထားတာကို သွားတွေ့မိတော့ ဒရိုင်ဘာကို မေးမိတယ်။  ဒါပေမယ့် ဒီတိုင်က အလှအတွက် လူမြင်အောင် လုပ်ထားတာလဲမဟုတ်၊ တစ်ခြားတိုင်တွေလိုပဲ။  နဂါးရုပ်တွေရှိနေတာတစ်ခုပဲ ထူးခြားတာ။  ဒီလိုနဲ့ ဒရိုင်ဘာပြောတဲ့ ပုံပြင်လေးရယ်၊ အင်တာနက်မှာ လျှောက်ရှာကြည့်မိတာလေးရယ်ကို ပြန်ရေးဖြစ်လိုက်တယ်။

          ရှန်ဟိုင်းတိုးတက်လာတော့ မိုးပျံလမ်းမကြီးတွေ ဥဒဟို ဖောက်ကြတယ်။  ၁၉၉၅ တစ်ဝိုက်မှာ ဒီလမ်းမကြီးကိုဖောက်တော့ အားလုံးက ချောချောမွေ့မွေ့၊ ဒါပေမယ့် ဒီလမ်းဆုံနေရာက တိုင်ကိုစိုက်ဖို့ မြေတူးတဲ့အခါကျတော့မှ ဘယ်လိုမှကို တူးလို့မရတော့ဘူးဖြစ်နေတာ။  အင်ဂျင်နီယာတွေ ဘူမိဘေဒ ပညာရှင်တွေက ဒီနေရာကို အထပ်ထပ်စစ်ဆေးတယ်။  ဘာမှ ထူးထူးခြားခြားမရှိဘူး၊  ဒါပေမယ့် တိုင်က စိုက်လို့ကိုမရတာ။  ဒီလိုနဲ့ အချိန်တွေသာကုန်လာတယ်၊ ဒီပြဿနာကို ဖြေရှင်းလို့မရတဲ့အဆုံး တရုတ် ဘုန်းတော်ကြီးကျောင်းတစ်ကျောင်းဆီကို သွားပြီး အကြံတောင်းရတယ်လို့ဆိုပါတယ်။  ဘုန်းတော်ကြီးကလဲ ဗေဒင်တွေ၊ ဖုန်းရွှေတွေသုံးပြီးတော့ တွက်ချက်ပြီး အဲ့ဒီ တိုင်စိုက်မယ့်နေရာအောက်မှာ နဂါးကြီးတစ်ကောင် အိပ်နေတယ်လို့ ဆိုပါတယ်။  ဒီတော့ ဒီနဂါးကြီးတစ်ကောင်ကြောင့် မြေတူးလို့မရတာပါတဲ့။  ဒီတော့ နဂါးကြီးကို ပျော်ရွှင်စေဖို့၊ နဂါးကြီးထပ်မံမနှောက်ယှက်စေဖို့၊ သူ့ထက်ပါဝါမြင့်တဲ့ နဂါးကိုးကောင်ကို တိုင်နဲ့အတူ စိုက်ပေးလိုက်ရင် ဒီပြဿနာပြေလည်သွားပါလိမ့်မယ်ဆိုပြီး ဟောလိုက်ပါသတဲ့။ 

          အဲ.. ဒါပေမယ့် မြို့တော် စီမံကိန်းဋ္ဌာနကတော့ ဒီအချက်ကို အတည်မပြုပါဘူး။  သူတို့ကတော့ ဒီလမ်းဆုံဟာ ရှန်ဟိုင်မြို့ရဲ့ အသည်းနှလုံး၊ အချက်အချာနေရာမှာရှိလို့ ဒီတိုင်ကို ထူးထူးခြားခြား နဂါးကိုးကောင်ကပ်ပြီးတော့ စိုက်ထူတာပါတဲ့။  ဒီနဂါးရုပ်ကို ဒီဇိုင်းဆွဲပေးသူကတော့ အခု အငြိမ်းစားယူသွားပြီဖြစ်တဲ့ ရှန်ဟိုင်း ဆီဆေးပန်းချီနှင့် ပန်းပု ကျောင်းက ကျန်းကျိရုန် ဆိုသူဖြစ်ပါသတဲ့။  ဟုတ်သည် မဟုတ်သည်ထား၊ မည်သို့ပင်ဆိုစေကာမူ ဒီနေ့ ဒီအချိန်မှာတော့ ချန်ဒူးလမ်းနဲ့ ရန်အမ်းလမ်းဆုံးက မိုးပျံလမ်းမကြီးရဲ့ ထောက်တိုင်ကတော့ နဂါးကိုးကောင်နဲ့ ထူးထူးခြားခြား တစ်တိုင်ထဲ ရှိနေပါတယ်။

ဖုန်းရွှေနဲ့ ပါတ်သတ်တဲ ပုံပြင်လေးတွေ စိတ်ဝင်စားရင် အရင်တုန်းက

ယုံချင်ယုံမယုံချင်နေစင်္ကာပူ ဖုန်းရွှေပုံပြင်များ ၁

ယုံချင်ယုံမယုံချင်နေစင်္ကာပူ ဖုန်းရွှေပုံပြင်များ ၂ တို့မှာလည်း သွားဖတ်နိုင်ပါတယ်။

Ref : (Link 1, Link 2)