ကြက်ဥနီနီ၊ ချောကလက် နှင့် ဂျင်း

          ဒီနေ့ ဗူးလေးတစ်ဗူး လက်ဆောင်ရတယ်။  ဘာလဲလို့မေးလိုက်တော့ သားလေးမွေးလို့တဲ့။  သားဦးမွေးလို့ မင်္ဂလာသတင်းပါးရင်း လက်ဆောင်လာပေးတာပါတဲ့။  ဖွင့်ကြည့်လိုက်တော့ ကြက်ဥနှစ်လုံး ထွက်လာတယ်။  ချောကလက် နှစ်ခုထွက်လာတယ်။  ဘေးနားက တရုတ်ကို ရှင်းပြခိုင်းတော့မှ သူတို့ ဓလေ့မှာ ရင်သွေးရတနာ မွေးဖွားသန့်စင်ရင် သူငယ်ချင်း မိတ်ဆွေတွေကို ကြက်ဥဝေပါသတဲ့။  ချောကလက်ကရောဆိုတော့ ချောကလက်က ယောက်ျားလေးမွေးရင် ထည့်ပေးပြီးတော့ မိန်းကလေးဆိုရင်တော့ ချောကလက် မထည့်ပါဘူးတဲ့။  ဒီလိုနဲ့ အင်တာနက်မှာရှာကြည့်လိုက်တော့ ကြက်ဥနီနီနဲ့ ဂျင်းအကြောင်းသွားတွေ့တယ်။  ကလေး တစ်လပြည့်တာနဲ့ ကြက်ဥနီနဲ့ ဂျင်းပွဲတော်လုပ်ပါသေးသတဲ့။  ကြက်ဥနီနီမှာ အနီရောင်ကတော့ ပျော်ရွှင်မှု့ကို ကိုယ်စားပြုပြီးတော့ ကြက်ဥကတော့ အဟာရဖြစ်စေဖို့၊ ကျန်းမာသန်စွမ်းဖို့ စသည် စသည် သဘောအားဖြင့် ကျွေးပါသတဲ့။  အင်း ကလေးမကျွေးပဲ ဘယ့်နှယ် လာတဲ့လူတွေ ကျွေးနေသလဲတော့ မသိ။  မည်သို့ပင်ဆိုစေ ကြက်ဥနှစ်လုံးကတော့ သောင်တင်နေသည်။  အရင်တုန်းကတော့ ကြက်ဥကို ဆိုးဆေးအနီသုတ်ပြီး ပြုတ်သည်ဟုဆိုသည်။  ခုတော့ ကြက်ဥက ဘာရောင်မှန်းမသိ။  မင်္ဂလာသတင်းအတွက်စားရင်း ဘယ်နှစ်ဘယ်ကာလကထဲက ပါကင်ထုတ်ထားမှန်းမသိတဲ့ ကြက်ဥကို စားမိပြီး အမင်္ဂလာဖြစ်သွားမှာစိုးလို့ ရဲရဲ မစားရဲ။  စားရင်ကောင်းမလား၊ လွှတ်ပစ်ရင်ကောင်းမလား စဉ်းစားနေတုန်း…..  

အကြောင်းကြောင်းကြောင့် စိတ်ရှုပ်နေရင် ဦးနှောက်ဆေးဖို့ပေါ့ ၁၃

အင်တာနက်မှာ တွေ့သမျှ စိတ်အပန်းဖြေစရာပုံလေးတွေကို တင်ပေးလိုက်ပါတယ်......  စိတ်ပင်ပန်းနွမ်းနယ်နေသူများ လက်ပြေလက်ပျောက် ကြည့်ရင်း ရယ်မောပျော်ရွှင်နိုင်ကြပါစေသောဝ်.....

ရယ်သောသူသည် အသက်ရှည်၏    

Just do it ဆိုတော့ Just do it လိုက်တာပေါ့

ယုံချင်ယုံ မယုံချင်နေ ရှန်ဟိုင်း ဖုန်းရွှေပုံပြင်များ ၁

          ရှန်ဟိုင်းဆိုတာကလည်း လူတွေ အုန်းအုန်းထ၊ ကားတွေ အုန်းအုန်းထပြီးတော့ မိုးပျံလမ်းမတွေ ရှုပ်ယှက်ခက်နေတဲ့ မြို့။  ဟိုးတစ်ရက်တုန်းက ရှန်ဟိုင်းရဲ့ The Bun ကအပြန်မှာ ချန်ဒူးလမ်းနဲ့ ရန်အမ်းလမ်းအဆုံနားက မိုးပျံလမ်းရဲ့ ထောက်တိုင်ကြီးတစ်လုံးက အခြားတိုင်တွေနဲ့ မတူပဲနဲ့ ထူးထူးခြားခြား နဂါးရုပ်တွေဘာတွေနဲ့ ကျကျနန လုပ်ထားတာကို သွားတွေ့မိတော့ ဒရိုင်ဘာကို မေးမိတယ်။  ဒါပေမယ့် ဒီတိုင်က အလှအတွက် လူမြင်အောင် လုပ်ထားတာလဲမဟုတ်၊ တစ်ခြားတိုင်တွေလိုပဲ။  နဂါးရုပ်တွေရှိနေတာတစ်ခုပဲ ထူးခြားတာ။  ဒီလိုနဲ့ ဒရိုင်ဘာပြောတဲ့ ပုံပြင်လေးရယ်၊ အင်တာနက်မှာ လျှောက်ရှာကြည့်မိတာလေးရယ်ကို ပြန်ရေးဖြစ်လိုက်တယ်။

ချစ်သဲ surprise ဖြစ်အောင်အလုပ်ကောင်းတာ ကံကောင်းလို့ မသေတဲ့ ငနဲ

          ချစ်သူကို surprise ဖြစ်အောင်လုပ်ချင်တဲ့ လူတွေအများကြီးပေါ့။  ကိုယ့်ချစ်က ကိုယ်ပေးတဲ့ လက်ဆောင်ဗူးလေးကို ဖွင့်လိုက်ရင် အရမ်းကို ကြည်နူးပြီးတော့ ပျော်ရွှင်သွားတဲ့ပုံလေးကို ချစ်သူတိုင်း မြင်ချင်ကြတာပေါ့။  တရုတ်နိုင်ငံက ငနဲတစ်ယောက်ကတော့ သူ့ချစ်သူ အံအားသင့်စေဖို့ဆိုပြီးတော့ သူကိုယ်တိုင် သူ့ချစ်သူကို ပေးဖို့ဝယ်ထားတဲ့ အရုပ်ကလေးနဲ့ အတူစက္ကူပုံးထဲကို ၀င်ပြီးတော့ ချစ်သူဆီကို လက်ဆောင်ပုံး ပို့လိုက်ပါသတဲ့။  ပုံးကလည်း သူ့ရဲ့ ချစ်သူ ကောင်မလေးရဲ့ ရုံးဆီကိုရောက်ပါတယ်။  ပုံးကိုဖွင့်လိုက်တော့ ကိုယ်တော်ချောက အောက်ဆီဂျင်ပြတ်ပြီးတော့ သတိမေ့နေပါလေရောတဲ့။ 

          ကိုယ်တော်ချောက ပြည်တွင်းချောပို့လုပ်ငန်းတစ်ခုကို သူ့ချစ်သူဆီကို ပုံးတစ်ခုပို့ချင်တယ်ဆိုပြီးတော့ ပုံးလာယူမယ့်လူ မလာခင်မှာ ပုံးထဲကိုဝင်၊ သူ့အိမ်က သူငယ်ချင်းက ပုံးကို တိပ်တွေဘာတွေနဲ့ အကျအနပိတ်၊ ဟိုရောက်ရင် ပုံးထဲကထွက်၊ ချစ်သူကို အရုပ်ကလေး ပေးမယ်ဆိုပြီးတော့ စီစဉ်တာပါ။  ဒါပေမယ့် ဒီလောက်ကျဉ်းတဲ့ လေလုံပုံးထဲမှာ ကိုယ်တော်ချော သတိမေ့ပြီးတော့ လောကကြီးနဲ့ အဆက်ပြတ်သွားပါတယ်။  ကံကောင်းတာတစ်ခုကတော့ သူ့ကောင်မလေးပုံးဖွင့်ပြီးတော့ မကြာခင်မှာပဲ ငနဲက သတိပြန်လည်သွားပါတယ်တဲ့။  အင်း… ချစ်တာလည်းချစ်ပေါ့လေ…. အရူးအမူးချစ်တယ်ဆိုဆို၊ ဒီလိုနေရာတွေမှာတော့ နှလုံးသားရေးကို ဦးနှောက်လေးနဲ့ နဲနဲလေး စဉ်းစားဖို့လိုမယ်လို့ထင်ပါတယ်။ 

99Counters new embed code

ဒီနေ့ ကြည့်လိုက်တော့ ဘလော့ဂ်မှာ ကျွန်တော်ထည့်ထားတဲ့ 99counters ဆိုတဲ့ traffic counter မှာ upgraded လုပ်ထားပါကြောင်း၊  embed code အသစ်ကို သူ့ဆိုဒ်မှာ သွားယူပါဆိုတဲ့ ဟာပေါ်လာရော။

ကြိုးနီနီနှင့် ငှက်ကလေးများ

          ဖဘ မှာတွေ့တဲ့ ဒီဓာတ်ပုံလေးကြည့်ပြီးတော့ ရေးချင်စိတ်ပေါက်လာတော့ ရေးချလိုက်မိတယ်။  ကျွန်တော်ထင်တာ ကျွန်တော်ကြိုက်တာ ကျွန်တော်ဟာ ကျွန်တော်ရေးတော့ မှန်ချင်မှလည်း မှန်ပေလိမ့်မပေါ့။  လူတိုင်း ကိုယ့်အကြိုက်နဲ့ ကိုယ်ပဲကို။  ဒါပေမယ့်လည်း ရေးချင်လာတော့ မတတ်နိုင် ရေးမိသည်။  ပထမ အချက်က ကြိုးနီနီလေးများအကြောင်းကို ရေးချင်မိသည်။  ကျွန်တော့်အလုပ်နဲ့ပါတ်သတ်ပြီး လျှောက်သွားဖြစ်သည်။  ရောက်တဲ့နိုင်ငံတွေမှာ တွေ့တာလေးတွေ မြင်တာလေးတွေ ကြည့်ပြီးတော့ ကိုယ့်နိုင်ငံနဲ့ ယှဉ်ကြည့်ဖြစ်သည်။  ဘာတွေ တွေ့လည်းဆိုတော့ ကြိုးနီနီလေးတွေ တွေ့သည်။  ဘာကြောင့် ကြိုးနီနေတုန်းလဲ၊  ကြိုးနီတွေ အရမ်းတင်းနေလဲ ဆိုတာကို တွေးဖြစ်သည်။  ကြိုးနီဆိုတာ ဗဟိုမှ ချုပ်ကိုင်မှု့အရမ်းတင်းလွန်းတဲ့ နိုင်ငံတွေဖြစ်သည်။  အရာရာကို ချုပ်ကိုင်သည်။  ဗဟိုကနေပြီးတော့ ၀န်ကြီးဋ္ဌာတွေပေါ် ချုပ်ကိုင်မှု့ အရမ်းတင်းသည်။  ၀န်ကြီးဋ္ဌာနတွေအားလုံးကနေပြီးတော့ ဋ္ဌာနခွဲအသေးလေးတွေအပေါ်မှာ ချုပ်ကိုင်လွန်းအားကြီးသည်။  ဋ္ဌာနခွဲလေးတွေရဲ့ လုပ်ပိုင်ခွင့်က ဘာမှမရှိတော့။  သူတို့အစိုးရက စိုးရိမ်သည်။  နိုင်ငံခြားရင်းနှီးမြှုပ်နှံသူတွေက ပြည်သူတွေကို ၀ါးသွားမှာ၊ ပြည်တွင်းလုပ်ငန်းရှင်တွေရဲ့ လုပ်ပိုင်ခွင့်တွေ  လျှော့လာမှာ စိုးရိမ်သည်။  ဒါပေမယ့် ပြည်တွင်းမှာ ဘာတွေထုတ်နေလဲ ဆိုတာကို နံပါတ်တစ် စဉ်းစားစရာဖြစ်သည်။  ကိုယ့်နိုင်ငံက ကားထုတ်လား၊ မော်တော်ဆိုင်ကယ်ထုတ်လား၊ သင်္ဘောတွေ အများကြီးဆောက်နေလား၊ စက်မှု့လုပ်ငန်းနဲ့ပါတ်သတ်တဲ့ အစိတ်အပိုင်းပစ္စည်းတွေထုတ်နေလား၊ ဒါတွေကို ပြည်ပကို တင်ပို့ရောင်းချနေလား?  စိုက်ပျိုးရေး မွေးမြူရေးနဲ့ ပါတ်သတ်တဲ့ ထုတ်ကုန်တွေကို နိုင်ငံတစ်ကာ အဆင့်မှီ အရည်သွေးပြည့် ဒေါင်ဒေါင်မည်နဲ့ ပြည်တွင်းလုပ်ငန်းရှင်တွေက ထုတ်လုပ်တင်ပို့နေတာလား၊ ပြည်တွင်းကို ဖြန့်ဖြူးနေတာလား၊  ဒါမှမဟုတ် ပြန်ဖန်တီးယူလို့မရတော့တဲ့ သယံဇာတတွေကို ထုတ်ရောင်းနေတာလား?  စသည် စသည်။

  ပြည်တွင်းလုပ်ငန်းရှင်တွေအတွက် နိုင်ငံခြားက ငွေလုံးငွေရင်းဝင်ရောက်ခြယ်လှယ်နိုင်တဲ့ ရေလုပ်ငန်းလို၊ သစ်လုပ်ငန်းလိုမျိုး နေရာတွေမှာတော့ ပြည်တွင်းလုပ်ငန်းရှင်တွေကို ငဲ့ရမည်။  သို့ပေမယ့် ခရိုနီတွေကိုပဲ ဇောင်းပေးထားတဲ့ ဥပဒေမျိုးကိုတော့ မဆိုလို။  ခရိုနီတွေက ရေနံ၊ သစ် စတဲ့ သဘာဝ သယံဇာတတွေအပေါ်မှာ ထိုင်ပြီးတော့ အဆီရစ်နေတာမျိုးကို ဒီတိုင်းကြည့်မနေသင့်။  သူတို့မှာ စုဆောင်းမိလာတဲ့ ငွေပင်ငွေရင်းတွေကို ကျစ်ယူပြီးတော့ စက်မှု့နဲ့ ကုန်စည်ပို့ဆောင်မှု့အတွက် လိုအပ်တဲ့ infrastructure တွေဆီကို ရွှေ့ပြောင်းပစ်ရမည်၊ ဒီ infrastructure တွေကို Public listed အသွင်ပြောင်းပြီး ခရိုနီတွေလက်ထဲကနေ Share အသွင်နဲ့ ပြည်သူတွေပါ ပူးတွဲပိုင်ဆိုင်လာအောင် ဖြည်းဖြည်းချင်းပြောင်းယူရမည်။  ဒီလိုနှင့် ခရိုနီတွေရဲ့ ပြည်တွင်း လက်ဝါးကြီးအုပ်မှု့ကို အသေးစားနှင့် အလတ်စား လုပ်ငန်းရှင်တွေအတွက် ပါအခွင့်အရေးရလာအောင် တဖြည်းဖြည်းချင်း လွှဲပေးနိုင်မည့် အစိုးရကို လိုအပ်သည်။  ဒီအတွက် ဥပဒေကလည်း မားမားမတ်မတ်၊ တိတိကျကျ ရပ်တည်ရမည်။  ဒီတော့မှ နိုင်ငံကိုလာရောက်ရင်းနှီးမြှုပ်နှံသူတွေအတွက် နေရာထိုင်ခင်းရလာမည်။ နိုင်ငံထုတ်ကုန်များလာပြီးတော့ စီးပွားရေး ဦးမော့လာမည်။ စက်မှု့လုပ်ငန်း၊ နည်းပညာနဲ့ ပါတ်သတ်တဲ့ လုပ်ငန်းတွေမှာတော့ ကိုယ့်မှာ လူ့အရင်းအမြစ်၊ ပညာအရင်းအမြစ်မလုံလောက်လျှင် ရင်းနှီးမြှုပ်နှံသူများကို ခေါ်သွင်းရမည်။  ပြည်သူတွေအတွက် အလုပ်ဖန်တီးပေးဖို့လိုသည်၊ ၀င်ငွေရရှိဖို့လိုသည်။  ပြည်ပက ရင်းနှီးမြှုပ်နှံသူတွေ ၀င်လာရင် မဖြစ်မနေ ပြင်ဖို့လိုအပ်တာက သွင်းကုန်၊ ထုတ်ကုန်နှင့် အကောက်ခွန်စနစ်က အဓိကဖြစ်သည်။  ခက်သည်က ကြိုးနီက တင်းလွန်းသည်၊ ဒါပေမယ့် ကြိုးနီနီမှာ ခြတွေက အဖွေးသား။  ဒီလိုဆိုလျှင် တစ်ခြားနိုင်ငံကရော၊ ပြည်တွင်းကပါ ရင်းနှီးမြှုပ်နှံမည်သူတွေ အတွက်အတော့်ကို ကသိ ကအောက်ရောက်မည့် ကိစ္စ။  ထုတ်ကုန်လေးတစ်ခု နိုင်ငံထဲက ထွက်ဖို့အတွက် ခြတွေကို ကျွေးလိုက်မွေးလိုက်၊ လိုတဲ့ ပစ္စည်းလေးမှာဖို့အတွက် ခြတွေကို ကျွေးလိုက်မွေးလိုက်နဲ့ဆိုလျှင် လုပ်ငန်းဘယ်တော့မှ မတွင်၊  ကုန်စည်ရဲ့ အ၀င်၊အထွက် စီးကြောင်းက ဥပဒေအတိုင်းမသွားပဲ ခြတွေရဲ့ လက်ထဲမှာ Bottle Neck ဖြစ်ကုန်တော့မည်။  အင်ဒိုမှာလည်း ဒါမျိုးတွေက ရှိနေတုန်း။  ဒီတော့ လာတော့ လာချင်ပါရဲ့၊ ရင်းနှီးမြှုပ်နှံချင်ပါရဲ့၊   သို့ပေမယ့် ကြိုးနီနီနဲ့ ခြကြောက်တယ်ဆိုတယ် သံသရာ တစ်ပတ်ပြန်လည်လိမ့်မည်။  ခံရမည်မှာ အောက်ခြေ ပြည်သူများသာဖြစ်သည်။ 

ငါးတစ်ကောင်ကို ယွမ် ၃သန်းနဲ့ ပွပေါက်တိုးသွားတဲ့ တံငါသည်

          ငါးတစ်ကောင်ကို ဘယ်လောက်ဈေးရမယ်ထင်ပါသလဲ?  တရုတ်နိုင်ငံက တံငါသည်တစ်ယောက်ကတော့ Chinese Bahaba လို့ခေါ်တဲ့ ဧရာမ အ၀ါရောင်း ငါးပုတ်သင်ကြီးတစ်ကောင်ကို ဖမ်းမိခဲ့ပါတယ်။  ဒီ ငါးပုတ်သင်ကြီးကို လေလံတင်ပြီးရောင်းလိုက်တာ ယွမ် ၃ သန်းကျော်တောင် ရလိုက်ပါသတဲ့။  မြန်မာငွေနဲ့ တွက်လိုရင် သိန်း ၄ထောင်ကျော်လောက်ရှိမှာပါ။  ဒီတရုတ် ငါးပုတ်သင် ငါးကြီးတွေဟာ ၆ ပေ ၇ လက်မအထိ ကြီးနိုင်ပြီးတော့ ပေါင် ၂၂၀လောက်အထိ အလေးချိန်စီးပါတယ်။  ဈေးကြီးရတဲ့ အကြောင်းကတော့ ဒီငါးတွေရဲ့ swim bladder လို့ခေါ်တဲ့ ငါးဆီဖောင်းဟာ နှလုံးနဲ့ အဆုတ်ရောဂါတွေအတွက် ဆေးဖော်ရာမှာ အလွန့်ကို အစွမ်းထက်တယ်လို့ တရုတ်လူမျိုးတွေက ယုံကြည်ကြပါတယ်။  ဒါပေမယ့် ခုအချိန်မှာတော့ ဒီငါးတွေဟာ ယန်ဇီမြစ်ကနေပြီးတော့ ပုလဲမြစ်တစ်လျှောက် သဘာဝ ညစ်ညမ်းမှု့တွေကြောင့် မျိုးတုန်းလုဖြစ်နေပါပြီ။  ပြီးခဲ့တဲ့ ၂၀၁၀ မှာတုန်းကလည်း ဒီလိုငါးကြီးဖမ်းမိခဲ့ဖူးပြီးတော့ အဲ့ဒီတုန်းက ယွမ် ၃.၄၅ သန်းနဲ့ အရောင်းအ၀ယ်ဖြစ်ခဲ့ပါတယ်။  တရုတ်ပြည်ရောက်နေတုန်း သင်္ဘောမဆောက်ပဲနဲ့ ငါးလိုက်ဖမ်းရင်ကောင်းမလား စဉ်းစားရမလိုလိုတောင်ဖြစ်နေပြီ။

Source : (Link)

Photo : Alamy

ဘ၀ကို အရှုံးမပေး၊ လက်နှစ်ဖက်မရှိတဲ့ ပန်းချီပညာရှင်

          လူရယ်လို့ ဖြစ်လာရင်တော့ ဘ၀မှာ ပြည့်စုံမှု့ကို လိုလားတောင့် ကြတာပဲ။  ဒါပေမယ့် တစ်ခါတစ်လေကျတော့ မပြည့်စုံမှု့တွေကို ဘ၀ပေး အခြေအနေလို့ ခံယူပြီး အဲ့ဒီခံယူချက်ထဲက ရုန်းထွက်ဖို့ မကြိုးစားကြဘူး။  ဟွမ်ဂိုဖူ ဆိုတဲ့ ပန်းချီဆရာကတော့ သူ့အသက် ၄နှစ်သားမှာ လျှပ်စစ်ဓာတ်လိုက်ပြီးတော့ သူ့ရဲ့ လက်နှစ်ဖက်စလုံးကို ဆုံးရှုံးခဲ့ရတယ်။  ဒါပေမယ့် ဟွမ်ဟာ သူ့ဘ၀ကို အရှုံးမပေးခဲ့ပါဘူး။  လက်နှစ်ဖက်မရှိပေမယ့် သူ့ဘ၀ရဲ့ အိပ်မက်ဖြစ်တဲ့ ပန်းချီဆရာဖြစ်ဖို့ကို ဆက်လက်အသက်သွင်းခဲ့တယ်။  အသက် ၁၂ နှစ်သားအရွယ်ရောက်တော့ သူဟာ ခြေထောက်နဲ့ ပန်းချီဆွဲနိုင်အောင် ကြိုးစားခဲ့တယ်။

          အသက် ၁၈ နှစ်မှာ ဟွမ့် အဖေရဲ့ ကျန်းမာရေးအခြေအနေဟာ အတော့်ကို ဆိုးဝါးခဲ့တယ်။  ဆယ်ကျော်သက်အရွယ် ဟွမ်ဟာ သူ့အဖေဆေးကုသမှု့အတွက် လိုအပ်တဲ့ ငွေကိုရအောင် သူ့ဘ၀ကို တစ်ဆစ်ချိုးပြောင်းလဲခဲ့ရတယ်။  သူ့ပညာရေးကို ရပ်တန့်ခဲ့တယ်၊ မြို့တွေ တစ်မြို့ပြီး တစ်မြို့ကို လျှောက်သွားပြီးတော့ လမ်းဘေးမှာ ပန်းချီဆွဲပြီး လမ်းသွား လမ်းလာတွေကို သူ့ပန်းချီကားတွေ ရောင်းချလို့ ငွေရှာခဲ့ရတယ်။  ဒီလို ခရီးသွားလာရင်းနဲ့ သူဟာ ပါးစပ်မှာ စုပ်တံကိုကိုက်လို့ ပန်းချီဆွဲတတ်လာခဲ့တယ်။ 

          ခုတော့ ဟွမ်ဟာ အသက် ၄၁ နှစ်အရွယ်ရောက်နေပါပြီ။  သူဟာ ချုန်ချင်းပြတိုက်ရဲ့ လက်ထောက် ပြတိုက်မှုးတစ်ယောက်  ဖြစ်နေပါပြီ။  သူ့ရဲ့ လက်ရာမြောက်လှတဲ့ ပန်းချီကားတွေကို ပါးစပ်နဲရောက် ခြေထောက်နှင့်ပါ ရေးဆွဲပြီးတော့ နာမည်ကြီး ပန်းချီဆရာ တစ်ယောက်ဖြစ်နေပါပြီ။  သူ့ဟာ ပန်းချီပညာရပ်အနေနဲ့ရော၊ စိတ်ဓာတ်မြှင့်တင်ရေးအတွက်ပါ ဆုတံဆိပ်ပေါင်းမြောက်များစွာ လက်ခံရရှိခဲ့ပါတယ်။  ဒါ့အပြင် သူ့လိုမျိုး မသန်မစွမ်းလူငယ်လေးတွေကို ပန်းချီဆွဲတတ်လာအောင် မြေတောင်မြှောက်ပေးနေပါတယ်။

          “ဘ၀မှာ ခင်ဗျားတို့အတွက် တံခါးပေါက်တစ်ပေါက် ပိတ်နေတဲ့အခါ တစ်ချိန်ထဲမှာပဲ ခင်ဗျားတို့ဟာ တစ်ခြား တံခါးပေါက်တစ်ပေါက်ကို ဖွင့်လှစ်နိုင်ရမယ်။  တစ်ကယ်တော့ ဘ၀မှာ မတွန်းလှန်နိုင်တဲ့ အခက်အခဲဆိုတာ မရှိဘူးဆိုတာကို မျိုးဆက်သစ်တွေကို ကျွန်တော်က သိစေချင်တာပါ။  အခက်အခဲဆိုတဲ့အရာကို ကျော်လွှားရမယ်၊ ဖြတ်သန်းရမယ်ဆိုတဲ ခံယူချက်ရှိရင် ဘ၀မှာ ဘာအခက်အခဲကိုမှ မှု့စရာမလိုပါဘူး” လို့ ဟွမ်က ဆိုပါတယ်။ 

လွယ်လွယ်နဲ့ အရှုံးမပေးပါနဲ့

          ကျွန်တော်ရဲ့ဘ၀ကို နောက်ပြန်ကြည့်လိုက်ရင် နောင်တကြီးကြီးမားမား ရစရာ အရာတွေတော့ သိပ်မရှိပါဘူး။  “ယောက်ျားတစ်ယောက်ကို ဘယ်လိုတိုင်းတာသလဲဆိုတာဟာ အလုပ်တစ်ခုကို  သူဘယ်လို ကောင်းကောင်း စတင်ခဲ့တယ်ဆိုတာ နဲ့ မဟုတ်ဘူး။  ဒါပေမယ့် သူဘယ်လို အဆုံးသတ်သလဲဆိုတာနဲ့ တိုင်းတာတယ်” ဆိုတဲ့ စကားလေးနဲ့ ကျွန်တော့် ဘ၀ကို တည်ဆောက်ခဲ့တယ်။ 

          ဒါပေမယ့် ကျွန်တော့် ဘ၀မှာ နောင်တရစရာ တစ်ခုတော့ရှိတယ်။  အဲ့ဒါဟာ ကျွန်တော့်ရဲ့ သရုပ်ဆောင်ဘ၀ကို အောင်မြင်စွာ အဆုံးမသတ်နိုင်ခဲ့တာပဲ။  ကျွန်တော် အောင်မြင်ဖို့ အခွင့်အလမ်းကောင်းတွေ ရခဲ့တယ်၊ အောင်မြင်ဖို့ နီးစပ်နေတဲ့ အချိန်မှာ ကျွန်တော် လက်မြှောက်ပြီး သရုပ်ဆောင်ဘ၀ကနေ ထွက်ခဲ့တာ။ 

          ၁၉၉၇ ခုနှစ်တုန်းကပေါ့ ကျွန်တော့် အသက်က ၂၀ ၀န်းကျင်။  အဲ့ဒီအချိန်မှာ ကျွန်တော်ဟာ သရုပ်ဆောင်တစ်ယောက်အဖြစ်နဲ့ အသက်မွေးဝမ်းကြောင်းစခဲ့တယ်။  ကျွန်တော့်ဘ၀တစ်ခုလုံးကို သရုပ်ဆောင် လောကထဲကို မြှုပ်နှံခဲ့တယ်။  ကျွန်တော့်တိုင်းပြည်က အကောင်းဆုံး ကျောင်းမှာ ကျွန်တော်တက်ခဲ့တယ်။  ကျွန်တော့်မှာ အရမ်းကောင်းတဲ့ အေးဂျင့်ရှိတယ်။  ခင်ဗျားတို့ သိတဲ့ တီဗီ အစီအစဉ်တွေတိုင်းမှာ ကျွန်တော်ဟာ ဧည့်သည်အဖြစ် ပါဝင်ခဲ့တယ်။ 

          ဘယ်လိုပဲဖြစ်ဖြစ် ကျွန်တော် သရုပ်ဆောင်လောကကို ကျောခိုင်းခဲ့တယ်။  ကျွန်တော် ငြင်းပယ်မှု့တွေကို မခံနိုင်ဘူး။  ကျွန်တော် တစ်စုံတစ်ရာကို စောင့်နေရတာမျိုး ဒါမှမဟုတ် ကျွန်တော့်ဘ၀ကြီးတစ်ခုလုံးကို တစ်ခြားလူတွေရဲ့ လက်ထဲမှာ ထည့်ထားရတာကို မကြိုက်ဘူး။  ဒါနဲ့ပဲ ကျွန်တော်ဟာ လက်မြှောက်အရှုံးပေးခဲ့တယ်၊ ကျောခိုင်းခဲ့တယ်။

          မှတ်မိသေးတယ် အဲ့ဒီနေ့က ကျွန်တော့်အေးဂျင့်ကို အဲ့ဒီအကြောင်းပြောတုန်းကပေါ့။  ကျွန်တော့် အေးဂျင့်ပါးစပ်ကြီးအဟောင်းသားဖြစ်သွားတာ အောက်မေးရိုးကြီး ကြမ်းပြင်နဲ့ ထိသွားတဲ့ အသံတောင် ကျွန်တော် ကြားမိသလားပဲ။  ကျွန်တော် ပေါက်တော့မယ်ဆိုတာကို ကျွန်တော့် အေးဂျင့်ကသိနေတယ်။  နာမည်ကြီး သရုပ်ဆောင်ဖြစ်လာဖို့ အချိန်လေးနည်းနည်းလောက်ပဲစောင့်ရတော့မယ် ဆိုတာကို သူသိနေတယ်။  ဒါပေမယ့် ကျွန်တော်ဟာ ကျွန်တော် စတင်ခဲ့တဲ့ အလုပ်တစ်ခုကို အဆုံးမသတ်ခဲ့ဘူး။

          ဒီအကြောင်းကို ကျွန်တော် ဘယ်သူ့ကိုမှ ပြောပြလေ့မရှိပေမယ့် အခုကျွန်တော် ခင်ဗျားတို့ကို ပြောပြဖြစ်တယ်။  ဘာဖြစ်လို့လဲဆိုတော့ ခင်ဗျားတို့ဘ၀မှာ နောက်ကြောင်းပြန်လှည့်ကြည်ရင် နောင်တဆိုတဲ့ အမိုးအောက်မှာ ပိတ်မိမနေစေချင်လို့။  ကျွန်တော် ခင်ဗျားတို့စတဲ့ အလုပ်တစ်ခုကို မပြီးဆုံးခင် လက်မြှောက်အရှုံးပေးလိုက်တာမျိုး မဖြစ်စေချင်ဘူး။  ခင်ဗျားမှာ ခုလုပ်နေတဲ့ အရာထက် ပိုပြီးတော့ကို ကြီးမားတဲ့ အိပ်မက်ရှိရှိ၊ ခင်ဗျားဘာပဲလုပ်လုပ် အလွယ်တကူနဲ့တော့ အရှုံးမပေးလိုက်ပါနဲ့။  အရှုံးပေးလိုက်ခြင်းဟာ တန်ဖိုးမရှိတဲ့ ရလဒ်တစ်ခုကိုပဲ ရလာမှာပါ။  နောက်တစ်ခုက အရှုံးပေးလိုက်ခြင်းကြောင့် တန်ဖိုးရှိတဲ့ အရာတစ်ခုကို လက်လွှတ်လိုက်ရတာပါ။ 

          တစ်ကယ်တော့ လူတိုင်းမှာ ဇွဲဆိုတဲ့ အရာကို လိုအပ်တယ်။  အလုပ်တစ်ခုကို စတင်တာထက် အလုပ်တစ်ခုကို ပြီးဆုံးအောင်လုပ်ဖို့ဇွဲဟာ ပိုခက်ခဲတယ်။

ပင်စင်ယူပါဦး

ခုရက်ပိုင်း နားထောင်ဖြစ်နေတဲ့ သီချင်းလေးပါ...... Lလွန်းဝါနဲ့ Lဆိုင်းဇီ  New version နဲ့ ပြန်ဆိုထားတဲ့ သီချင်းဟောင်းလေးပါ။

Lamborghini ပြိုင်ကားကို ကိုယ်တိုင်လုပ်တဲ့ ကိုတရုတ်

          ဒေါ်လာ ၁သန်းခွဲလောက် ဈေးရှိတဲ့ လဘော်ဂီနီပြိုင်ကားမျိုး သင်စီးချင်သလား?  ဒေါ်လာတစ်သန်းခွဲမတတ်နိုင်ရင် ဘာလုပ်မလဲ? တရုတ်နိုင်ငံက အသက် ၂၈နှစ်ရှိတဲ့ ၀မ်ချန်ဆိုတဲ့ လူငယ်ကတော့ သူစီးချင်လှတဲ့ Lamborghini’s 2007 Reventon ကို ကိုယ်တိုင်လုပ်လိုက်ပါသတဲ့။   အဲ့ဒီ Lamborghini's 2007 Reventon ပြိုင်ကားဟာ ကမ္ဘာပေါ်မှာ ၂၁ စီးသာ ထုတ်လုပ်ထားတဲ့ ပြိုင်ကားဖြစ်ပါတယ်။  လောလောဆယ်မှာတော့ သူ့ရဲ့ ကိုယ်တိုင်လုပ် ပြိုင်ကားဟာ မီးခွက်တွေ မှန်တွေ မပြီးစီးသေးပေမယ့် မောင်းလို့တော့ ရနေပါပြီတဲ့။  တစ်နာရီကို ကီလိုမီတာ ၂၅၀ နှုန်းအထိပါ မောင်းလို့ ရပါသတဲ့။  “ကျွန်တော်ဟာ ငယ်ငယ်လေးကထဲက ပြိုင်ကားတွေ လိုချင်ခဲ့တာပါ” လို့ ၀မ်က ပြောသွားပါသေးတယ်။  “ခု အရွယ်ရောက်လာတော့ ကျွန်တော်လိုချင်တဲ့ ပြိုင်ကားကို ကိုယ်တိုင်ဆောက်ဖို့ စိတ်ကူးရပါတယ်။  ဒီလိုနဲ့ အချိန်ရော၊ အခွင့်အရေးပါရလာတဲ့ တစ်နေ့မှာ ကျွန်တော့် အိပ်မက်ထဲက ပြိုင်ကားကို ကိုယ်တိုင် ဆောက်လိုက်တာပါ” လို့ ပြောသွားပါသေးတယ်။  ကဲ… ဘာမှလာမပြောနဲ့ ပါးစပ်ကြီး ဟပြီး ထိုင်တောင် ငိုသွားမယ်…. 

စင်ကာပူရဲ့ Lemon Law (သို့) သံပရာသီး ဥပဒေ

          စက်တင်ဘာလ စပြီ။  ယခုစက်တင်ဘာလ ၁ရက်နေ့မှာတော့  စင်ကာပူမှာတော့ Lemon Law လို့ခေါ်တဲ့ သံပရာသီး ဥပဒေ စတင်မှာဖြစ်ပါတယ်။  စင်ကာပူလွှတ်တော်က အတည်ပြုလိုက်ပြီဖြစ်တဲ့အတွက် Lemon Law ဟာလည်း စင်ကာပူမှ အသက်ဝင်လာမှာပါ။  ဒီတော့ Lemon Law ဆိုတာဘာလဲပေါ့…. ကျွန်တော် သဘောပေါက်တာကတော့ သံပရာသီးဆိုတဲ့ Lemon ဟာ ချဉ်ပါတယ်။  ဒီတော့ Lemon Law ဆိုတာ အချဉ်ဥပဒေ လို့ ဘာသာပြန်ရမလိုပါပဲ။  ၀ယ်သူနဲ့ ရောင်းသူကြားမှာ အရည်အသွေးမကောင်းတဲ့ ပစ္စည်းတွေကို “သံပရာသီး - အချဉ်” လို့ ဒီဥပဒေထဲမှာခေါ်ပါတယ်။  မနေ့က ကုမ္ပဏီက အိုင်တီဋ္ဌာနက တစ်ယောက်က ဒါလေးကို ပို့လိုက်လို့ ဖတ်ကြည့်ပြီးတော့ ပိုစ့်တင်မယ်လို့ စိတ်ကူးပြီးတော့ တင်ဖြစ်လိုက်တာပါ။

          ဒီတော့ ဒီလိုမျိုး အချဉ်  ပစ္စည်းတွေကို ၀ယ်မိတဲ့ စားသုံးသူတွေအတွက် ရောင်းချသူတွေရဲ့ အချဉ်ဖမ်းတဲ့ ဒဏ်ကနေ ကာကွယ်ပေးမယ့် ဥပဒေ ဖြစ်ပါတယ်။  ဒီတော့ ၀ယ်သူက ၀ယ်လိုက်တဲ့ ပစ္စည်းကိုယ့်လက်ထဲရောက်ခါစရှိသေးတယ် ပျက်သွားပြီ။  ဒီအခါမျိုးမှာ ဒီဥပဒေက ၆လအတွင်း ရောင်းချသူဟာ ၀ယ်ယူသူအတွက် အဆိုပါပစ္စည်းကို ပြင်ပေးရမယ်၊ ပြင်ပေးတဲ့ အချိန်ဟာ လက်ခံနိုင်တဲ့ အချိန်အတွင်းမှာ ဖြစ်ရမယ်၊ မပြင်နိုင်ဘူးဆိုရင် ပျက်သွားတဲ့ ပစ္စည်းကို အစားထိုးပေးရင်ပေး၊ မဟုတ်ရင် အစိတ်အပိုင်းဖြစ်စေ၊ အပြည့်ဖြစ်စေ ငွေပြန်အမ်းရမယ် ဆိုတဲ့ အချဉ်ဖမ်းမှု့ကနေ ကာကွယ်ပေးမယ့် ဥပဒေပါ။  ဒါပေမယ့် ၀ယ်ယူသူကလည်း တမင်တကာ ပျက်သွားအောင်လုပ်တာ၊ ကိုယ့်သဘောနဲ့ကို ၀ယ်ယူတဲ့ ပစ္စည်းကို ပြုပြင်တာ၊ ထပ်မံ ထပ်ဖြည့်တာ၊ ၀ယ်ပြီးသားကို မလိုချင်တော့လို့ မူလကျီ၊ မာလကျီလုပ်ပြီးတော့ ရောင်းသူဆီပြန်သွားတာ စတာတွေ လုပ်ခဲ့ရင်လည်း ဒီဥပဒေက ရောင်းသူတွေဖက်ကနေ ကာကွယ်ပေးမှာဖြစ်ပါတယ်။  ဒီအကြောင်းကို အသေးစိတ် ဖတ်ချင်ရင်တော့ ဟော့ဒီမှာဒေါင်းပြီး ဖတ်နိုင်ပါတယ်။  အကျုံးဝင်မယ့်ပစ္စည်းတွေကတော့ iPad, iPhone လိုမျိုး လျှပ်စစ်ပစ္စည်းတွေကစလို့ မော်တော်ဆိုင်ကယ်ကနေ ကားအထိ ပစ္စည်းတွေ တော်တော်များများပါပါတယ်။  အင်း ကောင်းပါတယ်။  အချဉ်တွေကို အချဉ်ဖမ်းမှု့ကနေ ကာကွယ်ဖို့ အချဉ် ဥပဒေကြီးကို ပြဋ္ဌာန်းလိုက်လေသတည်းပေါ့။  အဲ့.. တစ်ခုတော့ ရှိတာပေါ့လေ… စင်ကာပူမှာ ဘာပစ္စည်းဝယ်ဝယ် T&C (Terms and Condition) ဆိုပြီး ၀ယ်သူတွေ သဘောကျစေလောက်တဲ့ စကားလုံးလေးတွေအပေါ်နားမှာ * ကြယ်ပွင့်လေးတွေ ကြယ်ပွင့်လေးတွေ ပါတယ်။  အဲ့ဒီ ကြယ်ပွင့်လေးတွေ အကြောင်းကို ရောင်း/၀ယ် စာချုပ်ရဲ့ အောက်နားမှာ စားလုံး ပိစိလေးတွေနဲ့ ရေးထားတယ်။  အခု ဒီ အချဉ် ဥပဒေ ထွက်လာတော့ စာချုပ်တစ်ခုလုံး ကြယ်ပွင့်လေးတွေနဲ့ ပြည့်တော့မယ် ထင်ပ။  မနေ့က ကိုမောင်သန့်ရဲ့ ဘလောဂ်မှာ Comex 2012 အိုင်တီ ရှိုးပွဲအကြောင်း တင်ထားပါတယ်။  ဒီတော့ အဲ့ဒီမှာ ပစ္စည်းတွေဝယ်ရင်လည်း Jail Break တို့ root တို့မလုပ်ခင် ပျက်သွားရင် သွားပြီးတော့ claim လို့ရအောင် ဒီ ဥပဒေလေးကို ဖတ်သွားရင်တော့ အကောင်းဆုံးပေါ့လေ။

ကျွန်တော်နှင့် ယောက်မ မြင်းစီးခြင်း

          သမီးလေး ဆိုပြီး ပိုစ့်တစ်ခုရေးဖြစ်သည်။  ငါ့သမီးလေး တော်လိုက်တာနော်…. ဆိုပြီးတော့မှ အခုမှ ယောက်မ မြင်းစီးပြီးထွက်လာသည်ဟု ပြောလျှင်ခံရမည်။  မတတ်နိုင်။  သမီးလေး ဆိုသည်မှာ ကျွန်တော့် လက်ရှိဆောက်နေသော သင်္ဘောကို ရည်ညွှန်းခြင်းသာ။  ဒီသင်္ဘောကိုဆောက်ဖို့ရွေးတော့ သင်္ဘောကျင်းတွေ အများကြီးလျှောက်ရွေးကြသည်။  Keppel’၊ Damen၊ Samsaung စသည်ဖြင့်။  နောက်ဆုံးတော့ Samsaung နှင့် တည့်သည်။  ကိုရီးယားမှာဆောက်ဖို့ညွှန်းတဲ့ ကျင်းက သိပ်မကောင်းလှ၊ ထို့ကြောင့်ပင် ခု တရုတ်မှာရှိတဲ့ ကျင်းသို့ရောက်လာသည်။  ကောင်းသည်။  Infrastructure တွေအားလုံးကောင်းသည်။  Block Sub-assembly တွေအားလုံးကို work shop ရုံကြီးတွေထဲမှာ၊ overhead crane တွေမှ အများကြီး၊ facility မှ အပြည့်။  Block sub-assembly ပြီးလို့ Painting & Blasting လုပ်ရင်လည်း Blasting ရုံကြီးတွေမှ အများကြီး၊ မိုးရွာရွာ၊ နေပူပူ ဘာမှ ပူစရာမလို၊ မုန်တိုင်းတိုက်နေတုန်းပင် Blasting အလုပ်မပျက်။  Humidity ထိန်းပေးသည့် စက်တွေလည်းရှိသည်။  Blasting ပြီးလျှင် Painting ရုံထဲကို Block ကို ရွှေ့သွားရုံသာဖြစ်သည်။ အားလုံးကောင်းသည်၊ တစ်ခုပဲလိုသည်… တစ်ခုပဲ မကောင်း။  မကောင်းသည်မှာ လူဖြစ်သည်။ 

          Organization ဟု စာရွက်ပေါ်တွင် သိပ်ကြည့်လို့ကောင်းသည့် လူများ အစီအရီ တန်းစီထားသည်။  Block Stage တုန်းက သင်္ဘောတွေကို ပေါင်မုန့်လှီးထားသလို အပိုင်းလိုက် သူ့ trade နှင့် သူ့လူနှင့်သူ ဆောက်သည်။  ပိုက်တွေကို Work Shop ထဲမှာ Spool Pieces တွေထုတ်သည်။  အားလုံးဟုတ်သည်။  အခု Block erection stage ရောက်လာတော့ Trade တွေအားလုံးရောကုန်ပြီဖြစ်သည်။  နေရာတစ်ခုထဲမှာ Block နှစ်ပိုင်းကို ဆက်သူက ဆက်သည်။  ပိုက်ပြေးသူက ပြေးသည်။ လျှပ်စစ်ကြိုးပြေးဖို့ Cable Tray တွေ ဂဟေဆော်တဲ့ ကောင်တွေဆော်သည်။  Air-con နဲ့ Ventilation Ducting တွေစပြီ။  ဒီကြားထဲ ဆေးသမားတွေက ဟိုမှာ ဒီမှာ Roller တစ်ကိုင်ကိုင်နှင့် လျှောက်ပြေးနေသည်။  ဒီတော့ Project Manager ဘယ်မှာလဲ၊ Project Coordinator ဘယ်မှာလဲ လိုက်ရှာရသည်။  သင်္ဘောထဲကို မျောက်တွေဝင်ပြီး သောင်းကျန်းချင်တိုင်း သောင်းကျန်းနေသလိုပင်။  ဒီက တရုတ် PM တို့မည်သည် ခုံထုခြင်း၊ အော်ဟစ်ခြင်းတို့တွင် အလွန်တစ်ရာတော်လှသည်။  ရော့ ဒီအလုပ်၊ ငါဒီနေ့ ပြီးချင်တယ်။ မပြီးလျှင် ခုံကို တစ်ဘုန်းဘုန်းထုမည်၊ အော်မည်။ ထို့ကြောင့် သင်္ဘောထဲကို အလုပ်သမားတွေ မောင်းသွင်းလိုက်သည်၊  ထိုအလုပ်သမားတွေကလည်း သူ့အလုပ်ပြီးရေးသူလုပ်သည်။  သို့သော် အစီအစဉ် ရှေ့နောက် ဘာမှ မကြည့်၊ ဆေးသမားက သူဆေးသုတ်စရာရှိသည့်နေရာ ဆေးသုတ်သွားသည်၊  ဆေးပင်မခြောက်သေး ပိုက်အတွက် သံကို အ၀ိုင်းပေါက်ထပ်ဖောက်သည်၊ ထိုနေရာကိုပင် လျှပ်စစ်သမားတို့က ဖြတ်ပြီးတော့ Cable Tray ဆွဲသည်။  3D Model သည် ၁၀၀% အမှားမကင်းနိုင်။  ဒင်းတို့က သူတို့အလုပ်မဟုတ်လျှင် ငါနှင့်မဆိုင် ဆိုသည်ကို လက်ကိုင်ထားသည်။  ဒီလိုနှင့် Block Erection ပြီးခါစ Multi Trade တွေ ၀င်တော့ ဖြစ်ချင်တိုင်းကို ဖြစ်ပြီး ၃ ပတ်လောက် အုန်းအုန်းထသွားသည်။  သင်္ဘောနောက်ကျနေသည်။  နည်းမျိုးစုံသုံးသည်။ ဒီလိုအခြေအနေနဲ့ ဆက်သွားလို့မရကြောင်း၊  စနစ်တကျ sequence မိအောင် လုပ်ပြီး၊ လူတွေကို ထပ်တိုးဖို့လိုကြောင်း၊  လုပ်နေတဲ့ လူတွေကို ထိန်းဖို့လိုကြောင်း ပြောသည်။  ကျွန်တော်တို့ သင်္ဘောဆောက်သူဘက်ကတော့ ယခု သင်္ဘောကျင်းကို  ချော့သည်၊ ခြောက်သည်၊ Pressure ပေးသည်၊ Motivate လုပ်သည်၊ ရာဇသံ စာလွှာတွေ ပါးသည်။  ဟုတ်ပါတယ်၊ ပြီးအောင် လုပ်ပါ့မယ်ဆိုတဲ့ ကတိတွေ တစ်ပုံကြီးရပြီး  ဘာမှ မထူး။  လျှာထွက်လာတာသာ အဖတ်တင်သည်။

စီးကြဦးမလား စက်ဘီးများ

          YouTube မှာဒီနေ့ ကြည့်ဖြစ်လိုက်တာက ကမ္ဘာ့အသေးဆုံး စက်ဘီးလေးကို စီးသွားတဲ့ လူတစ်ယောက်ရဲ့ ဗီဒီယိုလေးပါ။  စက်ဘီးက လက်တစ်ဝါးသာသာပဲရှိတာ… ဒါပေမယ့် ကပ်သီးကပ်သပ်ကို နင်းသွားတာ….  ကဲ စိတ်ဝင်စားသူများ ဗီဒီယိုလေးကို ရှု့စားကြပါကုန်….

အဲ... နောက်တစ်ခုကတော့ စက်ဘီးမဟုတ်ဘူး... ဘက်ထရီ ဆိုင်ကယ်လေးတွေ...  Tron ရုပ်ရှင်ထဲက အတိုင်းကို လုပ်ထားတာ... အတော်မိုက်သဗျာ.. ဈေးကတော့ မသေးဘူး။  အင်း ခဏနေရင် တရုတ်ကလည်း လိုက်ထုတ်လိမ့်မယ်ထင်ပ...

Inclining Test and Lightship Survey အကြောင်း

          ဒီပိုစ့်မှာတော့ အဓိကအားဖြင့် Inclining Test နဲ့ Lightship Survey အကြောင်းလေးကို ပြောပြသွားချင်ပါတယ်။  သင်္ဘောအသစ်တစ်စီး Launching လုပ်ပြီးသွားရင် Inclining Test ကို ဦးစွာလုပ်ရပါတယ်။  သင်္ဘောတွေ စတင်ဒီဇိုင်းရေးဆွဲချိန်မှာ Preliminary Stability ကိုထည့်သွင်းတွက်ချက်ပါတယ်။  သင်္ဘောပြီးစီးသွားချိန်မှာတော့ Inclining Test လုပ်ပြီးတော့ ရလာတဲ့ အချက်အလက်တွေနဲ့ Intact Stability ဆိုပြီးတော့ ပြီးပြည်စုံတဲ့၊ တိကျတဲ့၊ တကယ့် သင်္ဘောရဲ့ Stability ကိုထပ်မံ တွက်ချက်ပါတယ်။  ဒါကို IMO ရဲ့ Resolution A.749(18) – Code of Intact Stability For AllTypes Of Ships Covered By IMO Instruments ကို ဒေါင်းလုပ်လုပ်ပြီးတော့ အသေးစိတ်ဖတ်နိုင်ပါတယ်။  လောလောဆယ် Inclining Test အကြောင်းကို အဓိကဖော်ပြချင်တာကြောင့် Intact Stability အကြောင်းကို ချန်ထားခဲ့ပါရစေ။  Inclining Test နဲ့ Lightship Survey ဟာ Intact Stability ရဲ့ အစိတ်အပိုင်းတစ်ခုလို့သာ မှတ်ယူထားပါ။

          Inclining Test နဲ့ Light Ship Survey ကိုခွဲခြားမယ်ဆိုရင် SOLAS ရဲ့ Chapter II-1 Regulation 22 အရ (IS ရဲ့ Resolution MSC. 267(85) ထဲက 8.1.1 မှာလည်း ဖော်ပြထားပါတယ်)၂၄ မီတာ (Load Line Convention ရဲ့ ဥပဒေသ အတိုင်း ယူထားတဲ့ အလျှား) ထက်ကျော်လွန်တဲ့ သင်္ဘော အသစ်တိုင်းကို Inclining Test လုပ်ပေးရပါမယ်။  တစ်ခါတစ်လေမှာတော့ သင်္ဘောပုံစံတူတွေ(Sister Vessels)ကို သင်္ဘောကျင်းတွေမှာ အတွဲလိုက်ဆောက်ကျပါတယ်။  ဒီလိုအခါမှာဆိုရင်တော့ Classification တွေဟာ ပထမဆုံး သင်္ဘောကို Inclining test လုပ်ပြီးတော့ သူ့နဲ့ ပုံစံတူ သင်္ဘော လေးစီးအထိကို Lightship survey ခွင့်ပေးပါတယ်။  ဆိုလိုတာက နံပါတ် ၁ တစ်စီးကို Inclining Test လုပ်မယ်ဆိုရင် ၂၊ ၃၊ ၄ အထိကို Lightship survey လုပ်ခွင့်ရှိပါတယ်။  ၅ စီးမြောက် ပုံစံတူသင်္ဘောဆိုရင်တော့ Inclining test ထပ်မံလုပ်ပေးရပါမယ်။  ဒီလို sister vessel တွေကို Lightship survey လုပ်ခွင့်ရှိတဲ့နေရာမှာလည်း IS ရဲ့ Resolution MSC. 267(85) ထဲက 8.1.1 မှာလည်း ဖော်ပြထားတဲ့အတိုင်း sister vessel ရဲ့ lightship mass ဟာ မီတာ ၅၀ အောက် သင်္ဘောဆိုရင် ၂% ထက်မကျော်ရပါဘူး။  LCG ဟာ 0.5% ထက်မကျော်ရပါဘူး။  မီတာ ၁၆၀ အထက် သင်္ဘောဆိုရင် lightship mass ဟာ ၁% ထက်မကျော်ရသလို LCG ဟာလည်း 0.5% ထက် မကျော်ရပါဘူး။  ဒီအချက်အလက်တွေနဲ့ ပြည်စုံမှသာ Lightship survey လုပ်ခွင့်ရမှာဖြစ်ပြီး တစ်ကယ်လို့ အထက်ပါ အချက်အလက်တွေထက် ကျော်လွန်သွားမယ်ဆိုရင်တော့ အဆိုပါ sister vessel ကို inclining test ပြန်လုပ်ရမှာဖြစ်ပါတယ်။  (ဒီအထဲမှာ စကားချပ်အနေနဲ့ Passenger Ship တွေအတွက် SOLAS Chapter II : Construction – structure, stability, installations ထဲက Regulation 22 ရဲ့ နံပါတ် ၃ မှာ သင်္ဘောသက်တမ်း ၅ နှစ်မပြည့်ခင်အချိန်မှာ အဆိုပါ ခရီးသည်တင်သင်္ဘောတွေကို Lightship Survey လုပ်ပါမယ်။  ဒီအချိန်မှာ အဆိုပါ ခရီးသည်တင်သင်္ဘောရဲ့ displacement ဟာ မူလ Intact Stability ထဲကထက် ၂% မကျော်ရသလို၊ LCG (Load Line Length –L အပေါ်မူတည်ပြီး) ၁% မကျော်ရပါဘူး။  ဒီသတ်မှတ်ချက်ထက် ကျော်လွန်ရင်တော့ Inclining Experiment ကို ပြန်လုပ်ပေးရပါမယ်။)

          Inclining Test ရဲ့ အဓိကရည်ရွယ်ချက်ကတော့ သင်္ဘောရဲ့ Lightship Weight၊ Center of Gravity (LCG, VCG, TCG) တွေကို အတိအကျ သိချင်လို့ဖြစ်ပါတယ်။  Preliminary Stability Booklet မှာ GM ကို ခန့်မှန်းတွက်ချက်ထားတာပါ။  Inclining Test လုပ်တော့မှာသာ GM အတိအကျကို သိရှိနိုင်ပြီးတော့ အဲ့ဒီကနေ GZ-curve ကတစ်ဆင့် Maximum Righting Arm အတိအကျကိုလည်း ရရှိနိုင်မှာဖြစ်ပါတယ်။  ဒီအတွက် Inclining Test လုပ်တဲ့အချိန်မှာ သင်္ဘောရဲ့ အခြေအနေကို တတ်နိုင်သလောက် ပြည့်စုံနေအောင် ပြင်ဆင်ထားဖို့လိုပါတယ်။  ပြင်ဆင်မှု့တွေကတော့ အောက်မှာ အပိုဒ်လေးတွေခွဲပြီး ပြောပါရစေ။

Dennis Ritchie သို့ ကွန်ပျူတာ ဒစ်ဂျစ်တယ်လောကရဲ့ပုံစံသစ်ကို ထုဆစ်ခဲ့သူ

          Steve Jobs ကွယ်လွန်သွားတော့ သတင်းတွေထဲမှာ ပလူပျံပြီးတော့ ၀မ်းနည်းကြောင်းတွေ ဖော်ပြကြတယ်။  Steve Jobs သာ မပေါ်ပေါက်ခဲ့ရင် ကမ္ဘာပေါ်မှာ iPhone, iPad Macbook တွေကစလို့ အိုင်တစ်ခေတ်ကို စမ်းသစ်စေခဲ့တဲ့ လူ၊ ၂၁ ရာစုရဲ့ ဆုံးရှုံးမှု့ကြီး တစ်ရပ်လို့ခေါင်းစဉ်တပ်ခဲ့ကြတယ်။  ဒါပေမယ့် ကျွန်တော်တို့မေ့နေတဲ့ လူတစ်ယောက်ရှိပါတယ်။  သူကတော့ Dennis Ritchie သို့မဟုတ် ခေတ်သစ် ကွန်ပျူတာ ဒစ်ဂျစ်တယ်လောကရဲ့ အရေးအကြီးဆုံး အုတ်မြစ်ကို ထုဆစ်ခဲ့သူတစ်ယောက်။  သူ့ရဲ့ ဖန်တီးမှု့ကြောင့် ကျွန်တော်ခုရေးနေတဲ့ အကြောင်းအရာတွေကို ဖတ်လို့ရနေတာပါ။  သူသာ မဖန်တီခဲ့ရင် ကွန်ပျူတာတွေကို ဒီနေ့အချိန်မှာ ဒီလိုအဆင်ပြေတဲ့၊ user friendly ဖြစ်တဲ့ အခြေအနေနဲ့ မြင်တွေ့ချင်မှ မြင်တွေ့ရနိုင်တယ်။  သူဖန်တီးခဲ့တာကတော့ C programming language  ပါပဲ။  နောက်ပြီးတော့ Unix operating system ကိုပူးတွဲဖန်တီးခဲ့တဲ့ သူဖြစ်ပါတယ်။

          သူဟာ Steve Jobs နဲ့မရှေးမနှောင်းမှာ ကွယ်လွန်ခဲ့ပါတယ်။  သူကွယ်လွန်တဲ့အချိန်မှာ သူတစ်ယောက်ထဲ အထီးကျန်စွာနေခဲ့တဲ့ အိမ်လေးထဲမှာ ကွယ်လွန်ခဲ့တာဖြစ်ပြီးတော့ သူကွယ်လွန်သွားတဲ့ အချိန်အတိအကျကိုတောင် ဘယ်သူမှ မသိခဲ့ပါဘူး။  ၂၀၁၁ အောက်တိုဘာ ၁၂ ရက်နေ့မှာ ကွယ်လွန်တယ်လို့ပဲ ပြောနိုင်ခဲ့ပါတယ်။  ဒီလိုနဲ့ပဲ သူဟာ လူမသိ၊ သူမသိ လောကကြီးကို ကျောခိုင်းပြီး ထွက်ခွာသွားခဲ့တယ်။  တစ်ကယ်လို့ Dennis သာမရှိရင် C programming ဆိုတာလည်း ရှိလာမှာ မဟုတ်ပါဘူး။  C programming သာ မရှိခဲ့ရင် Unix, Windows ဒါမှ မဟုတ် Linux စတဲ့ OS တွေလည်း ရှိလာမှာ မဟုတ်ပါဘူး။  C programming မရှိခဲ့ရင် C++ ဒါမှမဟုတ် Object C စတာတွေလည်း ရှိလာမှာ မဟုတ်ပါဘူး။  သူသာမရှိခဲ့ရင် MacOS X, iOs, Photoshop, FLStudio, Firefox, Safari, Google Chrome, Playstation, Xbox စတာတွေလည်း ရှိလာမှာမဟုတ်ပါဘူး။  ဘာဖြစ်လို့လဲဆိုတော့ ကမ္ဘာပေါ်မှာ ရှိတဲ့ ၉၀% သော အသုံးချဆော့ဖ်ဝဲတွေကို C ဒါမှမဟုတ် C++ နဲ့ ရေးထားလို့ဖြစ်ပါတယ်။ ဒီလိုမျိုး အသုံးဝင်လှတဲ့ Programming Language တစ်ခုကို ဖန်တီးခဲ့တဲ့ Dennis Ritchie ရဲ့ ကွယ်လွန်သွားမှု့ကို ဒီကနေပြီးတော့ပဲ ဂုဏ်ပြုလိုက်ပါရစေဗျာ။

Photo source : (Link)

Reference : (Wikipedia)

ဂျာမနီနိုင်ငံက အမှိုက်ပုံးစီးပွဲတော်

          ဖော်မြူလာဝမ်း (F1) ကားပြိုင်ကားပွဲတွေ၊ ဆိုင်ကယ်စီးပွဲတွေ၊ စက်ဘီးစီးပွဲတွေခြိမ့်ခြိမ့်သည်း အားပေနေရတာရိုးနေပြီးလား… ဂျာမနီနိုင်ငံမှာတော့ ထူးထူးခြားခြား အမှိုက်ပုံးစီးပြိုင်ပွဲပါတဲ့။  ဂျာမနီ၊ သြစတြီယား၊ လူဇင်ဘတ်နိုင်ငံတွေကနေ ပြိုင်ပွဲဝင် ၆၀ကျော်ပါဝင်ကြတယ် ပြိုင်ပွဲမှာ Norman Schafer ဆိုသူဖြစ်ပြီးတော့ ၂၁.၁ စက္ကန့်နဲ့ သူ့ရဲ့ ချန်ပီယံဆုကို ကာကွယ်ကာ ချန်ပီယံအဖြစ်ထပ်မံ ဗိုလ်စွဲသွားပါသတဲ့။  အစကတော့ ဒီပြိုင်ပွဲကို Hermeskeil က အမှိုက်ပုံးအဖွဲ့အစည်းကနေပြီးတော့ စတင်ခဲ့တာဖြစ်ပြီးတော့ ခုအချိန်မှာတော့ အသင်းဝင်ပေါင်း ၄၀ ကျော်ရှိနေပါပြီတဲ့။  ကဲ.. အမှိုက်ပုံးစီးပြိုင်ပွဲလေးကို ရှု့စားကြပါဦး….

အကြောင်းကြောင်းကြောင့် စိတ်ရှုပ်နေရင် ဦးနှောက်ဆေးဖို့ပေါ့ ၁၂

အင်တာနက်မှာ တွေ့သမျှ စိတ်အပန်းဖြေစရာပုံလေးတွေကို တင်ပေးလိုက်ပါတယ်......  စိတ်ပင်ပန်းနွမ်းနယ်နေသူများ လက်ပြေလက်ပျောက် ကြည့်ရင်း ရယ်မောပျော်ရွှင်နိုင်ကြပါစေသောဝ်.....

ရယ်သောသူသည် အသက်ရှည်၏   

ဖဘ မှ ဖဘ တန်းတန်းစွဲနေတဲ့ ကျွန်တော်တို့ ရေချိုးရင်တောင် ဒီလို လိုက်ကာလေးနဲ့.........

ပန်းချီဆွဲတဲ့ မြည်း

          မြည်းကတော့ မြည်းပဲ။  ဒါပေမယ့် ထူးခြားတာက ဒီမြည်းလေးက ပန်းချီဆွဲတတ်ပါသတဲ့။  လွန်ခဲ့တဲ့ ၇ နှစ်လောက်တုန်းက ဒီမြည်းကလေး ပတ်တီ ကို အင်္ဂလန်က လေလံပွဲမှာ တွေ့လို့ဝယ်ယူပြီးတော့ စောင့်ရှောက်ခဲ့တာပါ။  အဲ့ဒီအချိန်တုန်းကတော့ ပတ်တီဟာ ကြုံလှီသေးကွေးလို့ မြည်းရုပ်တောင် မပေါက်ရှာဘူးလို့ဆိုပါတယ်။  ဒီလိုနဲ့ သူ့ရဲ့ သခင် ဗစ်ကီ ဂရင်းစလိတ်ရဲ့ စောင့်ရှောက်မှု့အောက်မှာ ပြန်လည် ကျန်းမာလာခဲ့ပါတယ်။  တစ်နေ့တော့ ဗစ်ကီဟာ ပန်းချီဆွဲနေတုန်း သူ့နားမှာရပ်နေတဲ့ မြည်းကလေး ပတ်တီရဲ့ ပါးစပ်ထဲကို စုပ်တံပေးလိုက်တော့ မြည်းကလေးဟာ ပန်းချီဆွဲတော့တာပဲတဲ့။  နောက်ထပ် ရက်သတ္တပတ် ၃ ပတ်ကြာပြီးမှာတော့ ပတ်တီဟာ ရောင်စုံခြယ်ထားတဲ့ ပန်းချီကားချပ်တွေကို ဆေးသားတွေ ခြယ်မှုန်းလို့ ပန်းချီဆွဲပါတော့တယ်။  သူ့သခင်ဗစ်ကီက “ပတ်တီကတော့ သူ့ပန်းချီပြပွဲကို အတော်ကြီးသဘောကျနေလေရဲ့၊  သူ့လက်ရာတွေကို လူတွေက ၀ိုင်းကြည့်တာကို သူ ကြိုက်တယ်လေ” လို့ ဆိုသွားပါတယ်။  ဘရစ်စတိုက ပန်းချီပြခန်းမှာတော့ ဒီမြည်းကလေးဆွဲထားတဲ့ လက်ရာတွေကို ဒေါ်လာ ၁၅၀ နှင့် အထက်ဈေးသက်မှတ်ထားပြီး ၀ယ်ယူလို့ ရပါသတဲ့။  အင်း… မြည်းဆွဲတဲ့ ပန်းချီတစ်ချပ်ကို ဒေါ်လာ ၁၅၀ ကျော်ပေးဝယ်နေကြတယ်ဆိုတော့ ကျွန်တော်လည်း စုပ်တံကိုက်ရမလိုလိုဖြစ်နေပြီ။

လွှတ်တော်ထဲမှာ ၀ါး.............

          ရွှေပြည်တော်ကြီးမှာ ခေတ်မီ ဖွံဖြိုးတိုးတက်တဲ့ နိုင်ငံတော်သစ်ကြီးတည်ဆောက်ဖို့ နေ့မနား၊ ညမအား ကြိုးပမ်းနေတဲ့ လွှတ်တော်အမတ်မင်းများတင် (ပင်ပန်းတဲ့ အခါမျိုးပေါ့လေ...စကားချပ်) အိပ်ငိုက်ပြီး ၀ါး.... ဆိုသမ်းတာမဟုတ်ပါဘူး… ကမ္ဘာအရပ်ရပ်က  တိုင်းပြုပြည်ပြု နိုင်ငံရေးသမားများရဲ့ ထောက်ခံမှု့အပြည့်နဲ့ ပုံလေးတွေကို ဖော်ပြပေးလိုက်ပါတယ်။

ပူတင်းကြီးလည်း ငိုက်