စုံစီနဖာများကို ရေးချင်ရာလျှောက်ရေး၊ တင်ချင်ရာလျှောက်တင်နေသော ကျွန်တော့်၏ ကြွက်သိုက်ဂေဟာသို့ တကူးတက ကြွရောက်လာကြသော ဘလော့ဂ်ဂါကြီးများ၊ ဧည့်သည်တော်ကြီးများကို ကျွန်တော် အားနာစွာဖြင့်ပင် ကျေးဇူးအထူး တင်ရှိပါသည်။

Monday, August 13, 2012

၁၉၅၇ ခုနှစ်က မြန်မာနိုင်ငံ ပုံရိပ်များ


          မြန်မာနိုင်ငံ လွတ်လပ်ရေးရခဲ့တဲ့ ၁၉၄၈ ခုနှစ်ကနေပြီးတော့ ၉ နှစ်အကြာမှာ ရိုက်ထားတဲ့ ရုပ်သံမှတ်တမ်းလေးပါ။  မြန်မာနိုင်ငံက ခေါင်းကောင်းလှတဲ့ လူတွေတော့ ဘယ်လိုတွေးသည်မသိ၊ ထိုခေတ်ကထည်းက အရေးကြီးလှတဲ့ ဧရာဝတီနဲ့ သံလွင်မြစ်အကြောင်းကို ဗီဒီယိုလေးရဲ့ အဖွင့်မှာ ပြသွားသည်။  ထိုမြစ်များမရှိလျှင် မြန်မာပြည်ဆိုပြီး လက်ညှိုးထိုးပြဖို့ ရာဇ၀င်ထဲမှာပင် ရှိချင်မှ ရှိခဲ့ပေမည်။  ၁၉၅၇ ၀န်းကျင်က ဓလေ့စရိုက်လေးတွေကို ပြန်မြင်ရသည်။  တိုင်းရင်းသားတွေရဲ့ ဓလေ့စရိုက်တွေ တွေ့ရသည်၊ ရဟန်ခံ ရှင်ပြု အလှူလည်းပါသည်။  ရွှေရောင်တ၀င်းဝင်းနှင့် သပ္ပာယ်လှသော ရွှေတိဂုံကြီးကို ဖူးရမည်။  သို့သော် ရိုဟင်ဂျာဟူသော လူမျိုးကိုတော့ မတွေ့ရ။  တွေးပြန်တော့လည်း သြော်.. ဦးနု.. ဦးနု… မင်းလုပ်ရက်လိုက်လေချင်းကွာလို့သာ အော်ရမလို။  ကြည့်ရင်းလွမ်းလှသည်။  သမိုင်းသင်သည်ဆိုသည်မှာ မအ အောင်ဟု ဆရာကြီး ဒေါက်တာသန်းထွန်းကပြောခဲ့သည်။  ကျွန်တော်တို့လက်ထက်ထဲက ကြက်တူရွေးအာခေါင်နီ တွတ်တွတ် တွတ်တွတ်နှင့် တစ်ကြောင်းသွား ပညာရေးက စနေပြီ။  သမိုင်းဆိုသည်မှာ ကျက်ပြီး ၏သည်မရွေး ပြန်ဖြေနိုင်လျှင် အမှတ်ပြည့်ရသည့် မေးခွန်းပုံစံဖြစ်နေပြီ။ 
          ဟိုတစ်လောက စင်္ကာပူပြန်ရောက်တော့ အိမ်မှာ နောက်ရင်းပြောင်ရင်း ၉၀ နောက်ပိုင်း မွေးသော ကလေးတွေနှင့် စကားပြောဖြစ်သည်။  သီပေါမင်း ဘယ်တုန်းက ပါတော်မူလဲဆိုတော့ ၁၉၈၄ တဲ့။  ဘယ်ကိုပါတော်မူလဲဆိုတော့ သီရိလင်္ကာပါတဲ့။  ပြီးတော့ ပြောလိုက်သေးသည် မယုံရင် google ကို ခေါက်ကြည့်ဆိုပြီး အတည်ကြီးတောင် ပြောလိုက်သေးသည်။  အာဇာနည်ခေါင်းဆောင်ကြီးတွေ နာမည်ကို မပြောနဲ့ ဘယ်နှစ်ဦးကျဆုံးသွားလဲဆိုတာကို မမှန်တော့။  လွတ်လပ်ရေးမရခင် ကျဆုံးသွားလား၊ မရခင် ကျဆုံးသွားလားလဲမသိ၊  ကိုယ့်နိုင်ငံကို ဘယ်သူတွေက ဘာကြောင့် သိမ်းသွားသည်ကိုပင် ခပ်မေ့မေ့။  မြန်မာနိုင်ငံတော်သီချင်းက တို့မြန်မာ အစည်းအရုံးရဲ့ မူရင်းသီချင်းကို အခြေခံပြီး ထပ်ဆင့်ပွားထားသော သီချင်းဆိုတော့ တို့ဗမာဆိုတာ ဘယ်လိုမျိုးအဖွဲ့လည်းတဲ့။  သမိုင်းကို ကျက်စာလို လုပ်ပစ်လိုက်တော့ သမိုင်းသင်လည်း ကြက်တူရွေးတွေ အ ကုန်ကြပြီ။  သမိုင်းရဲ့ သွေး၊ ချွေး မြေကျခဲ့ရတဲ့ ဖြစ်ရပ်တွေ၊ ရှေးလူတွေ တော်ခဲ့ကြတဲ့ သမိုင်းတွေ၊ အသုံးမကျခဲ့ကြတဲ့ အကြောင်းတွေ၊ ဘာကြောင့် ဒီလိုဖြစ်ခဲ့ကြတယ်၊ ငါတို့အလှည့်ကျရင် ဘယ်လို လုပ်သင့်တယ်၊ မမှားသင့်တဲ့ အမှားတွေကို ဘယ်လို သင်ခန်းစာယူကြရမယ် ဒါမျိုးတွေက ကျောင်းသင်ရိုးမှာ မရှိတော့။  သိပြီးရော ဘာထူးမှာတုန်းလို့ ဘုတော်လိုက်သေးသည်။ မျိုးချစ်စိတ်ဓာတ် ရှင်သန်ထက်မြက်ရေးဟု အော်သည်မှာ စကားလုံးခပ်ကြီးကြီးကို နားထဲကို ဆောင့်ထိုးခြင်းသာဖြစ်သည်။  မျိုးချစ်စိတ်ရှိဖို့ သမိုင်းမသိလျှင် ဘာကို ချစ်ရမှန်းသိမည်မဟုတ်။  မသိသောကြောင့် ကိုယ့်ကိုယ်ကို ဘာအမျိုးဟုပင် မသိတော့ပြီ။  ဘာကို လက်ညှိုးလိုက်ထိုးရမယ်မသိ…. ခက်တော့လည်း ခက်သား။  ငါမှားတာနေမှာပါလေဟု ဖြေသိမ့်ကြည့်သည်။  ထားပါတော့လေ… ကဲ ၁၉၅၇ ၀န်းကျင်က ဗီဒီယိုလေးသာ ကြည့်ကြပါစို့ဗျာ။


2 comments:

  1. wow nice it keng tung shan state :)
    it amazing!

    ReplyDelete
  2. ဒီ video လေးတော့ ဒေါင်းသွားပြီ နောင်တော်ရေ ....

    ReplyDelete