တရုတ်ဘိုးဘိုး ဘွားဘွားတွေရဲ့ လေဒီဂါဂါ

          Bad Romance ကို နားထောင်ဖူးကြမှာပါ။  လေဒီဂါဂါရဲ့ ကျော်ကြားလှတဲ့ သီချင်းတစ်ပုဒ်ပေ့ါ။  တရုတ်က ဟူနန် ရုပ်သံလိုင်းဟာ နာမည်ကြီးတဲ့ တီဗီလိုင်းကြီးတစ်ခုပါ။  အဲ့ဒီက ဖျော်ဖြေပွဲတွေဟာ လူကြိုက်များလှပါတယ်။  ဒါပေမယ့် ဟောဒီ တီဗီရှိုးကြီးကတော့ လေဒီဂါဂါရဲ့ မူရင်းကြီးကို ကော်ပီလုပ်ပြီးတော့ တရုတ်က ဘိုးဘိုး ဘွားဘွားကြီးတွေက ဖျော်ဖြေပေးတာကို msnbc သတင်းဋ္ဌာနက ဖော်ပြသွားတာပါ။  အရာရာတိုင်းကို ကော်ပီကူးပြီး ထုတ်လွန်းလို့ လူပြောသူပြောများနေရတဲ့အထဲ ဒါကြီးကို တွေ့တော့ သူတို့လည်း ပြောစရာဖြစ်တာပေါ့လေ။  တော်သေးတယ် ကမ္ဘာကျော် သတင်းဋ္ဌာနကြီးတွေ မြန်မာပြည်မှာ လာပြီး နိုင်ငံရေးကလွဲလို့စပ်စပ်စုစု မလုပ်ကြသေးလို့။  မဟုတ်လို့ကတော့ ကျွန်တော်ဆီက ကော်ပီခွေတွေတွေ့ပြီး သတင်းသာလုပ်လို့ရတော့ ရေးရတာများလွန်းလို့ ထိုင်တောင်ငိုသွားရမယ်။  အောက်က YouTube ကတော့ ဘိုးဘိုးဘွားဘွားတွေရဲ့ ဖျော်ဖြေမှု့ပါ။ 

          ကျွန်တော်တို့ဟာ အသစ်၊ အသစ်ကို လိုချင်ပါတယ်၊ အသစ်အသစ် ဖန်တီးမှု့တွေကို နားထောင်ချင်ပါတယ်။  ဒါပေမယ့်ပေါ့လေ သူများနိုင်ငံသွားသွားပြီး ဖျော်ဖြေပွဲတွေ ခြိမ့်ခြိမ့်သဲလုပ်ကြတဲ့အချိန်မှာ ကော်ပီသံစဉ်ကြီး ထွက်ထွက်လာရင် နားထောင်ရင်းနဲ့ မျက်နှာပူပူ တက်လာလို့ ကွင်းပြင်တွေမှာ သီချင်းပွဲတွေဘာတွေလုပ်ရင်၊ နိုင်ငံခြားသား သူငယ်ချင်းတွေကို မဖိတ်သလို၊ သွားလည်း နားမထောင်ဖြစ်တော့ဘူး။  ရုံထဲမှာ ဖျော်ဖြေရင်တော့ တစ်မျိုးပေ့ါလေ မျက်နှာအပူနဲနဲသက်သာတာပေါ့။  ဟိုက လုံခြုံရေးတွေကတော့ မျက်နှာတွေက ပြုံးစိစိနဲ့၊  လှောင်တာလား၊ တကယ်ပဲ ရယ်ချင်တာလားတော့ ကျွန်တော်လည်း မသိဘူး။  နောက်တစ်ခုက သူများနိုင်ငံသား ဖြတ်သွားဖြတ်လာတွေက ကွင်းပြင်ကြီးထဲအမှာ အပြတ်ဟဲနေတဲ့ ကော်ပီသံစဉ်ကြီးကို ကြားရင် သူတို့နားထဲကို အတောင့်လိုက်ကြီး ၀င်သွားမှာ သေချာတယ်၊ အဲ့ဒီကနေ ဘယ်ဘာသာနဲ့ ဆိုနေကြတာလဲလို့မေးလိုက်ရင် သေပြီ ဆရာ။  ကျွန်တော်တို့ လူမျိုးတွေရဲ့ အနုပညာကို မြတ်နိုးပါတယ်။  သူတို့တွေရဲ့ ဖျော်ဖြေမှု့ကိုလည်း နှစ်သက်ပါတယ်၊  ဒါပေမယ့် နိုင်ငံခြား၊ လူမျိုးခြား သူငယ်ချင်းတွေက မြန်မာသီချင်းနားထောင်ချင်တယ်ဆိုရင်တော့ နည်းနည်းလေးခေါင်းစားရပါတယ်။  သူတို့ကို ချပြတဲ့အခါမှာ ကျွန်တော်တို့ရဲ့ မူပိုင်သံစဉ် သီချင်းလေးတွေကို ပြဖို့ မနည်းလိုက်ရှာယူရလို့ပါ။  အနုပညာဖန်တီးမှု့ဟာ စာသားတင်မကဘဲ၊  သံစဉ်ပါ မူပိုင်ဖြစ်ရင်တော့ ကျွန်တော်တို့ နိုင်ငံအတွက် လက်မထောင်လို့ရပြီပေါ့ဗျာ။

Ref : (Link, YouTube)